Chapter Title : പൊയ്മുഖങ്ങൾക്കിടയിൽ ഭാഗം 2

യമൻ സാർ കൂട്ടിക്കൊണ്ടു പോയി. അത് കഴിഞ്ഞവൾ അവളുടെ അച്ഛന്റെ വീട്ടിൽ നിന്നാണ് പഠിച്ചത്. മാസം തികയാതെ ജനിച്ചതിന്റെ എല്ലാ ഏനകേടും അവൾക്കുണ്ടായിരുന്നു. കുറച്ചു ഹോർമോൺ തകരാറും പിന്നെ വയർ അറിയാതെ ഭക്ഷണം കഴിക്കുന്ന സ്വഭാവവും. ഇതെല്ലാം കാരണം കുട്ടിക്കാലം മുതലേ അവൾ നല്ല ഒരു തടിച്ചി ആണ്.

മഞ്ജു നാലാം ക്ലാസിൽ പഠിക്കുന്ന സമയം, സ്കൂളിൽ ഒരു നാടകം നടക്കുന്നു. ടീച്ചർ വന്ന് നാടകത്തിൽ പങ്കെടുക്കാൻ ആഗ്രഹിക്കുന്നവർ ആരൊക്കെയാണ് എന്ന് അന്വേഷിച്ചപ്പോൾ മഞ്ജു ആണ് ആദ്യം എഴുന്നേറ്റത്. അവൾക്ക് ആ നാടകത്തിൽ പങ്കെടുക്കാൻ വലിയ ആഗ്രഹം ആയിരുന്നു. ആദ്യം എഴുന്നേറ്റ അവളെ ഒഴിവാക്കി കൊണ്ട് ടീച്ചർ ബാക്കി കുട്ടികളുടെ പേര് എഴുതി പോയി. അതും പോരാഞ്ഞു നാടകത്തിൽ പങ്കെടുക്കാൻ ആഗ്രഹിക്കാതെ മൂലക്കിരുന്ന രണ്ട് മൂന്ന് വെളുത്ത് മെലിഞ്ഞ കുട്ടികളുടെയും പേര് എഴുതി പോയി. അവിടെ നടന്നതൊന്നും ആ നാലാം ക്ലാസ്ക്കാരിക്ക് മനസ്സിലായില്ല പക്ഷെ തന്റെ രൂപം പുറത്തു കാണിക്കാൻ പറ്റുന്നത് അല്ല എന്ന് അവൾക്ക് മനസ്സിലായി. ആ അറിവ് അവൾക്ക് ഏൽപ്പിച്ച ആഘാതം വളരെ വലുതായിരുന്നു.

നാലാം ക്ലാസ്സിലെ നാടകത്തിന്റെ അനുഭവത്തിനു ശേഷം മഞ്ജു കണ്ണാടി നോക്കുന്നതെ നിർത്തി. അവൾക്ക് അവളുടെ രൂപത്തിനോട് വെറുപ്പ് ആയിരുന്നു. മഞ്ജുവിന്റെ മനസ്സിൽ ആത്മവിശ്വാസത്തിന്റെ ഒരു കണിക പോലും നല്കാൻ ആരും ഉണ്ടായിരുന്നില്ല. രൂപത്തിനോട് ഉള്ള ദേഷ്യം അവൾ പഠിത്തത്തിൽ തീർത്തു. കൊട്ട കണക്കിന് മാർക്കുമായി ആണ് അവൾ എല്ലാ ക്ലാസും പാസ് ആയിരുന്നത്. ആ സ്കൂളിന്റെ ചരിത്രത്തിലെ ഏറ്റവും നല്ല മാർക്ക് വാങ്ങി അവൾ പത്താം ക്ലാസ് പാസ്