Chapter Title : പ്രാണന്റെ നാളങ്ങൾ ❤️ 1 [Batman]

നീ വന്നേ എന്ന്.. എന്താടാ പ്രേമം വീട്ടിലെ തൂക്കിയോ.. അതോ കല്യാണ തലേന്ന് ചാടിച്ചോണ്ട് വന്നതോ.."

". അതൊന്നുമല്ല.. മൈരേ ... ഞാൻ കെട്ടുന്നെങ്കിൽ അത് നിമിഷയെ അല്ലേൽ ഇല്ല. ഇത് അതല്ല... "

അപ്പോഴാ ഞാൻ ഓർത്തത്‌. ഇവൻ നാലുവർഷമായിട്ട് നിമിഷയുമായി മുടിഞ്ഞ പ്രേമമാണെന്ന്.. അവളാണേൽ ഇവനെ കെട്ടൂ എന്നാ വാശി. അതുകൊണ്ട് അളിയൻ ഇപ്പോൾ ലോക്കാണ്.

"പിന്നെ ഇത് ഇപ്പോൾ എന്താ പ്രശ്നം? ഏതാ ആ പെണ്ണ്? ഞാൻ എവിടേയോ കണ്ടപോലെ.."

"അത് ഗായത്രി. എന്റെ ഒരു സുഹൃത്തിന്റെ ബന്ധുവാണ്. ഇപ്പോൾ അവൾക്ക് കുറച്ച് നാൾ ഒന്ന് മാറിനിൽക്കണം. അതിന് അളിയൻ എന്നെ ഒന്ന് സഹായിക്കണം."

ഏതോ ഒരു പെണ്ണിനെ നാട്ടിൽ നിന്നും കൊണ്ടുവന്നിട്ടുണ്ട് ഇവിടെ ഒളിപ്പിച്ച നിർത്താനോ.. ഇപ്പോഴേ ആയിരം പ്രശ്നമുണ്ട് അതിന്റെ ഇടയിൽ എനിക്ക് ഇതും വയ്യ.. ഞാൻ അവനോട് ദേഷ്യത്തിൽ തന്നെ പറഞ്ഞു

"എടാ എന്താ.. ഏതാ എന്ന് അറിയാതെ.. അതൊന്നും നടക്കില്ല.. നീ വിട്ടോ... ഉണ്ണി..ഇത് ശെരിയാവില്ല.."

അവൻ എന്റെ കൈയിൽ പിടിച്ചിട്ടു..

"സന്ദീപേ.. നീ ഞാൻ പറയണേ ഒന്ന് കേൾക്ക് അളിയാ.. എന്നിട്ട് നീ പറഞ്ഞാൽ ഞാൻ അവളെയും കൊണ്ട് പൊയ്ക്കോളാം."

അവൻ കുറെ പറഞ്ഞപ്പോൾ ഞാൻ സമ്മതിച്ചു. എന്താ സംഭവമെന്ന് കേൾക്കാല്ലോ..

"ഒരിക്കൽ അപരണയുടെ കൂടെയാണ് ഞാൻ ഗായത്രിയെ ആദ്യമായി കാണുന്നത്. ആരെയും പെട്ടന്ന് ആകർഷിക്കുന്ന ഒരു പ്രേത്യേക അവൾക്ക് ഉണ്ടെന്ന് എനിക്ക് തോന്നിയിട്ടുണ്ട്. അവൾ നന്നായിട്ട് സംസാരിക്കും കളി തമാശപറയും ഞാനുമായി വളരെ പെട്ടന്ന് അവൾ കൂട്ടായി.ഞാനും അവളുടെ ചിരിയും കളിയും ഇഷ്ട്ടപ്പെട്ടിരുന്നു.

അളിയാ അതിന്റെ അച്ഛൻ അവൾക് രണ്ടുവയസുള്ളപ്പോ മരിച്ചുപോയി. അമ്മ അതിനെ നോക്കി ഡിഗ്രി വരെ പഠിപ്പിച്ചു. അടുത്തുള്ള ട്യൂട്ടോറിയിൽ അവൾ പഠിപ്പിക്കാൻ പോയിയും അവളുടെ അമ്മ വീട്ടുജോലി ചെയ്തും നന്നായിട്ട് തന്നെയാ ഇല്ലായിമയിലും അവർ സന്തോഷത്തോടെ ജീവിച്ചത്."

"മ്.."

"ഒരു ദിവസം അപർണ എന്നെ വിളിച്ചിട്ട് വേഗം വാ.. ഗായത്രിയുടെ വീട്ടിൽ പോകണം അത്യാവിശ്യമാണ്. ഞാൻ വേഗം വീട്ടിൽ നിന്ന് ഇറങ്ങി അവളെയും കൂട്ടി ഗായത്രിയുടെ വീട്ടിൽ എത്തി. അമ്മയുടെ വെള്ളപ്പുതച്ച