Chapter Title : പ്രായം നമ്മിൽ മോഹം നൽകി [റോക്കി ഭായ്]

ഇറങ്ങി ടൗണിൽ ജംഗ്ഷൻ എത്തിയപ്പോൾ ഒരു ബസ് ഓവർടേക്ക് ചെയ്തു തങ്ങളുടെ നേരെ വന്നത് കണ്ട പല്ലവി വണ്ടി സൈഡിലേക്ക് വെട്ടിച്ചു. ബസിൽ കൊള്ളാതെ രക്ഷപ്പെട്ടെങ്കിലും വെപ്രാളത്തിൽ ആക്‌സിലറെറ്ററിൽ നിന്ന് കൈ എടുക്കാതെ നിന്ന അവളുടെ നിയന്ത്രണത്തിൽ സ്കൂട്ടർ നിന്നില്ല. ഒരു ഗട്ടറിൽ ചാടി മതിലിലും ഇടിച്ച ശേഷം വണ്ടി മറിഞ്ഞു. പല്ലവി വലത്തോട്ടും ഇവാന ഇടത്തോട്ടും വീണു.. ഹെൽമെറ്റ്‌ ഉള്ളത് കൊണ്ട് പല്ലവി യ്ക്ക് തലയ്ക്കു ഒന്നും പറ്റിയില്ല.

അവളുടെ ഇടുപ്പിലും കാലിലും കയ്യിലും പരിക്കുകൾ ഉണ്ടായിരുന്നു. ഇവാന യ്ക്ക് ഹെൽമെറ്റ്‌ ഇല്ലാത്തത് കൊണ്ട് തല മതിലിൽ ഇടിച്ചിരുന്നു. ഇടതു വശം ചേർന്ന് വീണത് കൊണ്ട് കയ്യിലും ഫ്രക്ചർ ഉണ്ടായി. സംഭവ സ്ഥലത്ത് വച്ച് തന്നെ അവളുടെ ബോധം പോയി.. നാട്ടുകാർ എല്ലാരും കൂടി രണ്ട് പേരെയും എടുത്ത് ഹോസ്പിറ്റലിൽ കൊണ്ട് പോയി. പോകുന്ന വഴിക്ക് പല്ലവി ഇവാനയുടെ വീട്ടിൽ വിളിച്ചു വിവരങ്ങൾ പറഞ്ഞു.മദർ ഹോസ്പിറ്റലിൽ ക്യാഷ്വലിറ്റി യിൽ രണ്ട് പേരെയും പ്രവേശിപ്പിച്ചു.

സ്വന്തം പരിക്കിനെക്കാൾ താൻ കാരണം ഇവാന യ്ക്ക് അപകടം സംഭവിച്ചതിൽ പല്ലവി ക്ക് ഭയങ്കര സങ്കടം ഉണ്ടായിരുന്നു.. അവൾ വേദന മറന്ന് ഇവാനയുടെ കാര്യങ്ങൾ നോക്കാൻ ധൃതി കാണിച്ചു.പക്ഷെ നഴ്സുമാർ അതിന് സമ്മതിക്കാതെ അവളുടെ മുറിവുകൾ വച്ച് കെട്ടി. ഈ നേരം കൊണ്ട് ഇവാനയുടെയും പല്ലവിയുടെയും വീട്ടുകാർ ഹോസ്പിറ്റലിൽ എത്തി. അവരെ കണ്ടതോടെ പല്ലവി കരച്ചിൽ തുടങ്ങി..

രണ്ടുവീട്ടുകാരും അവളെ സമാധാനിപ്പിച്ചു. സ്കൂട്ടർ വെട്ടിച്ചത് കൊണ്ടാണ് അപകടം കുറഞ്ഞത് എന്നും ബസിൽ ഇടിച്ചെങ്കി രണ്ട് പേർക്കും കൂടുതൽ അപകടം സംഭവിച്ചേനെ എന്നും