Chapter Title : പ്രകാശം പരത്തുന്നവള്‍ 2 ജെസ്സി [മന്ദന്‍രാജ]

ചൂട് കാലമാണെങ്കിലും റബര്‍ മരങ്ങള്‍ നില്‍ക്കുന്നത് കൊണ്ട് തണുപ്പുണ്ട് .. നേരിയ മഴക്കാറും ഉണ്ടോയെന്നൊരു സംശയം ... അതോ മരങ്ങള്‍ കാരണമുള്ള ഇരുട്ടാണോ .. വഴിയുടെ ഇരു വശത്തും ചെറിയ നടപ്പ് വഴികള്‍ ഉണ്ട് .. വെട്ടാനുള്ള വഴിയാകും ... ഇടക്ക് ഒരു കൈത്തോടും അതിലെ താഴെക്കൊഴുകുന്നുണ്ട്.

അല്‍പം കൂടി ചെരിഞ്ഞു താഴേക്കുള്ള വഴിയെ ഇറങ്ങിയപ്പോള്‍ ഒരു വീടിന്‍റെ മേല്‍ക്കൂര കണ്ടു ... അല്‍പം ഇറക്കമുണ്ട് വീട്ടിലേക്ക് .. ഇറങ്ങി ചെല്ലുമ്പോള്‍ വീടിന്‍റെ കാഴ്ച കൂടുന്നു .. വലിയ വീടാണ് ...

" ഹലോ ..... ഇവിടാരുമില്ലേ ? ഹലോ .... "

ഒന്ന് രണ്ടു പ്രാവശ്യം വിളിച്ചു നോക്കിയിട്ടും അകത്തു നിന്നും മറുപടിയോന്നുമില്ല ... വലിയ വാതില്‍ അടഞ്ഞാണ് കിടക്കുന്നത് ... കോളിംഗ് ബെല്‍ തപ്പിയപ്പോള്‍ ഇടത്തരം വലിപ്പമുള്ള ഒരു ഓട്ടുമണിയും , അതില്‍ ചണത്തിന്‍റെ കയറും കണ്ടു

" ണിം ..ണിം" കാതിനിമ്പമുള്ള മണിനാദം മുഴങ്ങിയിട്ടും ആരെയും കാണുന്നില്ല .. വീടിനു ചുറ്റും അല്‍പം നടന്നു വലിയ വീടാണ് ... ഞാനിറങ്ങി വന്ന വഴി വീടിന്‍റെ പുറകു വശത്തെക്കാണ്... മുന്‍ വശത്ത് വലിയ മുറ്റം ... അതിന്‍റെ അങ്ങേയറ്റത്തു ഒരിരുമ്പ് ഗേറ്റും ..പിന്നെ കല്ലുകള്‍ പാകിയ വഴിയും ... അന്നത്തെ കാലത്ത് ഇങ്ങനെ അധികം വീടുകളില്ല ... മുറ്റത്തേക്ക് ഇറങ്ങി , ഗേറ്റും കടന്നു അല്‍പം മുന്നോട്ടു പോയപ്പോള്‍ വലതു വശത്തെക്കൊരു നടപ്പ് വഴി കണ്ട്, അതിലെ ഇറങ്ങിയപ്പോള്‍ തന്നെ വേറൊരു മേല്‍കൂര കണ്ടു .. അത് ലക്ഷ്യമാക്കി നടന്നതെ മഴ ചാറാന്‍ തുടങ്ങി ... തിരിച്ചു നടന്നാല്‍ വീട്ടിലെത്താനും ഇതേ ദൂരമുണ്ട് ... അതിനാല്‍ ആ കെട്ടിടം ലക്ഷ്യമാക്കി ഓടി ... അല്‍പം കൂടി ചെന്നതെ മനസിലായി ... അതൊരുഅതൊരു പുകപ്പുരയാണെന്ന്, ഷീറ്റ് അടിക്കാനും ഉണങ്ങാനുമുള്ള ,പുകക്കാനും ഒക്കെയുള്ള കെട്ടിടം ..

മഴ റബര്‍ ചില്ലകളില്‍ ചിതറി തെറിച്ചു വലിയ ചീളുകളായി മേലേക്ക് വീണു .. ഓടി കയറിയത് മെഷീന്‍പുരയിലെക്കാണ് ... മൂന്നാല് മെഷിനുകള്‍ ഉണ്ടാ വലിയ പുരയില്‍ ... അരക്കൊപ്പം കെട്ടിയ തിണ്ണയില്‍