Chapter Title : പ്രകാശം പരത്തുന്നവള്‍ 3 അനുപമ-1 [മന്ദന്‍രാജ]

തരും .. പിന്നെ തന്‍റെ ചെയര്‍ അതാ ആ മുറിയിലാണ് .. "

റോജിയുടെ മുറിയോട് കൂടി ചേര്‍ന്ന് തന്നെ ഗ്ലാസ് കൊണ്ട് പാര്‍ട്ടീഷന്‍ ചെയ്ത കാബിന്‍ കാണിച്ചു റോജി പറഞ്ഞു .. അനുപമ അങ്ങോട്ട്‌ നോക്കി . ഭംഗിയായി അടുക്കി വെച്ചിരിക്കുന്ന ഒരു ഓഫീസ് കാബിന്‍.

റോജിയുടെ മുറിക്കും അനുപമയുടെ മുറിക്കും മുന്നിലായി ചെറിയൊരു ഹാള്‍ ഉണ്ട് . വരുന്നവര്‍ക്ക് ഇരിക്കാനും മറ്റും . അതും കഴിഞ്ഞാണ് മറ്റു സ്ടാഫുകള്‍ ഉള്ള ഓഫീസ്

സഫിയ അനുപമയെ കൂട്ടികൊണ്ട് ആ കാബിനിലേക്ക്‌ പോയി . അവിടെ ചെയറിലിരുന്നപ്പോള്‍ എസിയിലും അനുപമ വിയര്‍ക്കുന്നുണ്ടായിരുന്നു . സഫിയ അവളെ റോജിക്ക് വരുന്ന ഫോണ്‍ കോളുകളും മറ്റും കൈകാര്യം ചെയ്യുന്നതും , ആരൊക്കെ കാണാന്‍ വരുമെന്നും , അപ്പോയിന്റ്മെന്‍റ് എടുക്കുന്നതും കൊടുക്കുന്നതും ബാക്കിയുള്ള കാര്യങ്ങളും ഒക്കെ പറഞ്ഞു കൊടുത്തു . ഇടക്കവള്‍ പേടിയോടെ റോജിയുടെ കാബിനിലേക്ക്‌ നോക്കിയപ്പോള്‍ ആണ് ആ മുറിയില്‍ നിന്ന് തന്‍റെമുറി കണ്ടത് പോലെ തിരിച്ചു കാണത്തില്ല എന്ന് മനസിലായത് .. താന്‍ എന്ത് ചെയ്താലും അത് സാര്‍ കാണുമെന്നും , സാര്‍ നോക്കുന്നുണ്ടോയെന്നു തനിക്ക് കാണത്തില്ല എന്നതും അവളില്‍ ചെറിയ പരിഭ്രാന്തി പരത്തി .

' എന്താ അനുപമേ ? പേടിയുണ്ടോ ? സാര്‍ ആള് പാവമാ ... കൂള്‍ മൈന്റ് ..അനുപമ പേടിക്കയോന്നും വേണ്ട ..പിന്നെയീ അനുപമ ...അത്രേം നീട്ടി വലിച്ചു വേണോ ..അനുവന്നു പോരെ ?'

" വീട്ടിലും അനുവെന്നാ ചേച്ചീ വിളിക്കാറ് ...സോറി ഇത്താ "

' ചേച്ചിയെന്നോ ഇത്തയെന്നോ ഇഷ്ടം പോലെ വിളിച്ചോ ... പിന്നെ തനിക്കീ ചുരിദാര്‍ മാത്രമേ ഉള്ളോ ?"

" സാരിയുണ്ട്"

" സാരി നല്ലതാ ... പക്ഷെ യാത്രയൊക്കെ ചെയ്യണം ..പിന്നെ നമുക്ക് അല്‍പം ഫ്രീയായിട്ടൊക്കെ നടക്കണ്ടേ ... കുറച്ചു ജീന്‍സോ പാന്റ്സൊ ഒക്കെ വാങ്ങിക്കോ ... ഇവിടെ അങ്ങനെ ഡ്രെസ് കൊഡോന്നുമില്ല ... പക്ഷെ നന്നായി ഡ്രെസ് ചെയ്യണം ... പല ആള്‍ക്കാരെ മീറ്റ്‌ ചെയ്യുന്നതല്ലേ ?'

' ഞാനിത് വരെ ജീന്‍സൊന്നും...' അനുപമയില്‍ നാണം