Chapter Title : പ്രകാശം പരത്തുന്നവള് - സരോജ [മന്ദന്രാജ]
മുന്നില് അല്പം മുറ്റം ഉണ്ട് , അതും ഓല കൊണ്ട് അരപൊക്കത്തില് മറച്ചിരിക്കുന്നു .. കടയുടെ അടുത്ത് ചെന്നപ്പോള് അവിടെ രണ്ടു പേര് ഉണ്ട് .. പത്തു നാല്പത്തിയഞ്ച് വയസുള്ള ഒരു ചേട്ടനും അവരുടെ ഭാര്യയും ... കറുത്ത എന്നാല് മുഖശ്രി ഉള്ള ഒരു ചേച്ചി , കെട്ടിയോന് ഉണങ്ങി വരണ്ട ഒരാള് .. കടയില് ടിന്നുകളില് മിട്ടായികളും ചിപ്സും അങ്ങനെ നമ്മുടെ നാട്ടില് കാണാത്ത കുറെ സാധനങ്ങളും ... കോളാകുപ്പികള് അടുക്കി വെച്ചിരിക്കുന്നത് കണ്ടു " സോഡാ " എന്ന് പറഞ്ഞു ... സമയം മൂന്നായിട്ടുണ്ടാവും .....
" കോളാ സാര് " അകത്തെ ഐസ് നിറച്ച പെട്ടി തുറന്ന്, ഒരു ഡബിള് കോള പൊട്ടിച്ചു അയാള് തന്നു ..." അല്പം തണുത്ത നുരയുന്ന ഡബിള് കോള വായിലേക്ക് ഒഴിച്ചു, ആദ്യമായി കോള കുടിക്കുന്ന സുഖം അനുഭവിച്ചു ..
" നീങ്ക മലയാളിയാ സാര് ?"
പുകയിലക്കറ പിടിച്ച പല്ലുകള് കാണിച്ചു അയാള് ചിരിച്ചു , ഏതു ഭാഷയില് മറുപടി പറയുമെന്നറിയാതെ ഒന്ന് വിഷമിച്ചു
" ഹ്മം .. മലയാളി ... ഇവിടെ പഠിക്കാന് വന്നത് " പുറകിലെ ലോഡ്ജിലേക്ക് ചൂണ്ടി കാണിച്ചു വിവരം പറഞ്ഞു .. അയാള്ക്ക് മലയാളം നന്നായി മനസിലാകും , അയാള്ക്ക് മാത്രമല്ല .വൈഫിനും . .. അവര് കടയുടെ പുറകിലെ വാതില് തുറന്നു വീട്ടിലേക്ക് പോയിരുന്നു അയാളില് നിന്ന് ആണ് അറിഞ്ഞത് ആ കോളേജില് വരുന്ന മിക്കവാറും കുട്ടികള് ആ ലോഡ്ജില് ആണ് താമസം എന്ന് .കൂടുതലും മലയാളികളും .. അയാളുടെ കടയില് രാവിലെ കാപ്പി ഉണ്ടാവും , ഉച്ചക്കും വൈകിട്ടും ശാപ്പാടും .. അത് ലോഡ്ജിലെ സ്ഥിരക്കാര്ക്ക് ഉള്ളതാണ്
വൈകിട്ട് ആഹാരത്തിനു കാണാമെന്നു പറഞ്ഞു ലോഡ്ജിലേക്ക് തിരിച്ചു .... വൈകിട്ട് വെള്ളരിചോറും , സാമ്പാറും , പപ്പടവും , പിന്നെ കോളി ഫ്ലവര് കൂട്ടും , ആദ്യമായാണ് കോളിഫ്ലവര് കഴിക്കുന്നത് ...വെള്ളയരി അത്ര പിടിച്ചില്ലെങ്കിലും കറിയൊക്കെ നല്ല രുചിയായിരുന്നു ... മറച്ചു കെട്ടിയ മുറ്റത്ത് രണ്ടു ബെഞ്ച് കിടപ്പുണ്ട് ...
💬 Comments
View all comments