Chapter Title : പ്രകാശം പരത്തുന്നവള്‍ - സരോജ [മന്ദന്‍രാജ]

നഗരം എന്തോ മനസില്‍നിന്നും മായുന്നില്ല ... ഇപ്പൊ നീയുണ്ട് ..സരോയുണ്ട് .. സമയം കിട്ടുമ്പോഴെല്ലാം ഞാന്‍ ഓടി വരും ഇങ്ങോട്ട് ..""

" അനിയത്തീടെ കല്യാണം കഴിഞ്ഞാല്‍ ഞാന്‍ ഇവിടെയുണ്ടാകുമെടാ ....നാട്ടില്‍ ചെന്നിട്ടു എന്ത് ചെയ്യാനാ ..."

" ഹ്മ്മം ... അതും എന്‍റെ മനസിലുണ്ട് ..... ബാവയും ഒന്നുമായില്ല ... അവനിപ്പോ പഴയ ഒരു ബൈക്കും വാങ്ങി മാര്‍ക്കറ്റ് ചെയ്യുവാ സ്വന്തമായി ... ആ കമ്പനി ചെന്നൈയില്‍ ആണെങ്കില്‍ കുറച്ചു കൂടി ഡെവലപ് ആയേനെ ...ഞാനവനോട് പറഞ്ഞതാ ..."

"ഹ്മ്മം ..."

" അണ്ണാ ... അന്ത പൂക്കട പക്കത്ത് നിര്‍ത്തുങ്കോ ..." വഴിയില്‍ ഉന്തുവണ്ടിയില്‍ പൂക്കളും പഴങ്ങളും ഒക്കെ വില്‍ക്കുന്ന സ്ഥലം കണ്ടപ്പോള്‍ റോജി പറഞ്ഞു ... അഞ്ചു മുഴം മുല്ലപ്പൂവും കുറച്ച് മഞ്ഞപ്പഴവും ,മുന്തിരിയും ഒക്കെയവന്‍ വാങ്ങി വണ്ടിയില്‍ കയറി

" സാര്‍ ... ഇങ്കെ വിട്ടാ പോതുമാ ?"

റിക്ഷാകാരന്‍ തിരിഞ്ഞു

" തിരുപ്പി പോലാം അണ്ണാ "

വഴിയില്‍ വൈന്‍ഷോപ്പ് കണ്ടപ്പോള്‍ അവനിറങ്ങി .. ഞാനും ... അവിടുന്ന് അല്‍പം നടക്കാനേ ഉള്ളൂ വീട്ടിലേക്ക് ...റിക്ഷാകാരനു പൈസ കൊടുക്കാതെ അവന്‍ വൈന്‍ ഷോപ്പിലേക്ക് കയറിയപ്പോള്‍ നടക്കാമല്ലോ എന്ന ചിന്തയില്‍ ഞാന്‍ പൈസ കൊടുത്തു .. അയാള്‍ ചില്ലറ തപ്പി കൊണ്ടിരുന്നപ്പോഴേക്കും അവനെത്തി

" നീയെത്രയാടാ കൊടുത്തെ ?"

" ഇരുപത് ... പതിനഞ്ചാ പറഞ്ഞെ "

" അണ്ണാ ...ബാലന്‍സ് വെച്ചുക്കോ " റോജി , കയ്യിലിരുന്ന മുന്തിരിഅടങ്ങിയ കവറില്‍ , ഒരു പൈന്റുമിട്ട് അയാളുടെ കയ്യിലേക്ക് കൊടുത്തു ... അയാളുടെ കണ്ണ് മിഴിഞ്ഞു

"അയാളെ എനിക്കറിയാടാ ... പണ്ട് ഞാനും ബാവയും അടിക്കാന്‍ കേറുമ്പോ പുള്ളീം കാണും ... കയ്യിലൊരു മുന്തിരിപാക്കറ്റും .. കുറഞ്ഞ ഒരു 90 വാങ്ങി അടിച്ചിട്ട് ആരെയും നോക്കാതെ റിക്ഷേം ചവിട്ടി പോകും ... ഇത്രേം അദ്വാനിച്ചിട്ടു രാത്രി രണ്ടെണ്ണം അടിക്കണോന്നു ആര്‍ക്കേലും ആഗ്രഹം കാണാതിരിക്കുമോ ?'"

റോജി നീട്ടി വലിച്ചു നടന്നോണ്ട് കവറില്‍ ഉണ്ടായിരുന്നു ബിയറിന്റെ അടപ്പ് കടിച്ചു പൊട്ടിച്ചു എനിക്ക് തന്നു

"