Chapter Title : പ്രണയ സഫാല്യം 11 [VaSco]

അത് നീ തന്നെ അയാളോട് പറഞ്ഞെന്ന്. പിന്നെ നിങ്ങൾ ഇവിടെ ഈ മാളിൽ നടത്തുന്ന പെർഫോമൻസ്!! അതും കൂടി കണ്ടതോടെ എനിക്കും ഏതാണ്ട് ഉറപ്പായി. ഇത് നിന്റെ കാമുകൻ തന്നെ... എന്നാലും. അത് എനിക്ക് അങ്ങോട്ട്‌ വിശ്വസിക്കാൻ പറ്റുന്നില്ല. അതുകൊണ്ട് നിന്റെ നാവിൽ നിന്ന് തന്നെ എനിക്ക് അത് കേൾക്കണം. സത്യമാണോ ഞാൻ അറിഞ്ഞതും കണ്ടതും ഒക്കെ എന്ന്."

മേരിക്കുട്ടി പറയുന്നത് കേട്ട് ഒരു നിമിഷം മിണ്ടാതെ നിന്ന എലിസബത്ത് പറഞ്ഞു.

" പറയാം. എല്ലാം ഞാൻ പറയാം. നീയിപ്പോൾ ഒന്ന് പോയിത്താ . പോയി ഞാൻ പറഞ്ഞതുപോലെ ചെയ്. ഞാൻ അങ്ങോട്ട് വരാം. എന്നിട്ട് നമുക്ക് സംസാരിക്കാം.. "

"ശരി ഞാൻ പോകാം. അതിനുമുമ്പ് നിന്റെ കാമുകനെ ഞാനൊന്ന് പരിചയപ്പെടട്ടെ. എന്നിട്ട് ഞാൻ പോകാം. അല്ലെങ്കിൽ നിന്റെ കാമുകൻ എന്നെ പറ്റി എന്ത് കരുതും. നീ വാ."

അതും പറഞ്ഞ് ചിരിച്ചുകൊണ്ട് മേരിക്കുട്ടി എലിസബത്തിന്റെ കയ്യും പിടിച്ച് സഞ്ജുവിന്റെ അടുത്തേക്ക് നടന്നു. ആ സമയം സഞ്ജു അവരെ തന്നെ നോക്കി നിൽക്കുകയായിരുന്നു.

എലിസബത്തിനോട് സംസാരിക്കുന്ന മുടിയൊക്കെ ബോയ് കട്ട് വെട്ടി . ഹാഫ് പാന്റും ബനിയനും ഉടുത്തുനിൽക്കുന്ന മേരിക്കുട്ടിയെ.

സഞ്ജുവിന്റെ അടുത്ത് എത്തിയ ഉടനെ എലിസബത്ത് സഞ്ജുവിനോട് പറഞ്ഞു.

". സഞ്ജു ഇത് എന്റെ ബെസ്റ്റ് ഫ്രണ്ട് മേരി. "

"ഹായ്. സഞ്ജു. " മേരി പറഞ്ഞു.

അങ്ങനെ പറഞ്ഞശേഷം മേരിക്കുട്ടി സഞ്ജുവിനെ നേരെ കൈ നീട്ടി. സഞ്ജു എലിസബത്തിനെ നോക്കിയിട്ട് മേരിക്കുട്ടിക്ക് കൈ കൊടുത്തു.

മേരിക്കുട്ടി സഞ്ജുവിന്റെ കയ്യിൽ പിടിച്ചു കുലുക്കി. സഞ്ജു വെറുതെ ഒന്ന് ചിരിച്ചു. എന്നിട്ട് പറഞ്ഞു.

"ഹായ്.. ആന്റി. "

" ആന്റിയോ...? മേരി. മേരിക്കുട്ടി. അതാണ് എന്റെ പേര്. സഞ്ജുവിന് ഇഷ്ടമാണെങ്കിൽ എന്നെ മേരി എന്നോ കുട്ടി എന്നോ അതോ രണ്ടും ചേർത്ത് മേരിക്കുട്ടി എന്ന് വിളിച്ചോ. അല്ലാതെ ഈ ആന്റി വിളി വേണ്ട. എനിക്ക് അതിനുമാത്രം പ്രായം ഒന്നും ആയില്ല. ഞാൻ ഇവളെക്കാളും ഇളയതാ. "

മേരിക്കുട്ടി ചിരിയോടെ പറഞ്ഞു.

മേരിക്കുട്ടി പറയുന്നത് കേട്ട് സഞ്ജുവിന് എന്തോ പോലെ തോന്നി. സഞ്ജു താഴ്മയോടെ പറഞ്ഞു.

" സോറി ആന്റി.. അല്ല മേരിക്കുട്ടി. ഞാൻ എന്തു വിളിക്കണം എന്ന് അറിയാതെ വിളിച്ചു പോയതാ. ആന്റി എന്ന്. ഇനി അങ്ങനെ വിളിക്കില്ല. "

.

സഞ്ജു പറഞ്ഞത് കേട്ട് എലിസബത്ത് ചിരിച്ചു. എന്നിട്ട് പറഞ്ഞു.

"സഞ്ജു. നീ ഇവളെ ആന്റി എന്ന് തന്നെ വിളിച്ചാൽ മതി. ഓഹ് പിന്നെ!!!!! ഒരു മേരിക്കുട്ടി... കൊച്ചു കുട്ടിയല്ലേ നീ . മേരികുട്ടി എന്ന് വിളിക്കാൻ."

" അതേടി ഏലിക്കുട്ടി. ഞാനിപ്പോഴും കൊച്ചുകുട്ടി തന്നെയാ. കണ്ടില്ലേ എനിക്ക് മുടിയൊക്കെ വളരുന്നതേയുള്ളൂ. "