Chapter Title : പ്രണയ സഫാല്യം 12 [VaSco]

അങ്കിൾ അങ്ങനെ ചെയ്യുന്നത്. എന്നെ നോക്കി വേണം അങ്കിൾ അങ്ങനെ ചെയ്യാൻ.."

അതും പറഞ്ഞു. ജൂലി പുറത്തേക്ക് ഇറങ്ങി. മുൻ വാതിൽ തുറന്ന് പുറത്ത് ഇറങ്ങിയ ജൂലിയെ കണ്ട് അവിടെ വന്നയാൾ ഒന്ന് ഞെട്ടി. ഒരു നിമിഷം അയാൾ ജൂലിയുടെ സൗന്ദര്യം നോക്കി നിന്നുപോയി. ആ വേഷത്തിൽ അത്രയും സുന്ദരി ആയിരുന്നു ജൂലി. . ജൂലി മുന്നിലേക്ക് വന്നു അയാളെ നോക്കി. എന്നാൽ അയാൾ അത് അറിഞ്ഞത് പോലും ഇല്ല. അയാൾ ജൂലിയുടെ സൗന്ദര്യത്തിൽ മയങ്ങി അവിടെ അങ്ങനെ തന്നെ നിന്നു പോയി

ജൂലി ഒന്ന് ചുമച്ചത് പോലെ ഒച്ചയുണ്ടാക്കി. ആയാൾ പെട്ടന്ന് ഞെട്ടികൊണ്ട് ചോദിച്ചു.

"കൃഷ്ണപ്രസാദ് സാർ ഇല്ലേ ഇവിടെ...?" .

"ഉണ്ടല്ലോ.... ഉം. എന്താ..? " ജൂലി ചോദിച്ചു.

"ഒന്ന് വിളിക്കാമോ...? " അയാൾ വീണ്ടും ചോദിച്ചു.

" കുളിക്കുവാണല്ലോ ..

കുളിക്കാൻ ഇപ്പോൾ കയറിയതേ ഉള്ളൂ. അല്ല.! അതിരിക്കെട്ടെ നിങ്ങൾ ആരാ എന്താ കാര്യം ..?" ജൂലി ഒരു മടിയും കൂടാതെ ചോദിച്ചു.

"അത്! ഞാൻ. ഡോക്ടർ ചന്ദ്രദാസ് സാർ പറഞ്ഞിട്ട് ഈ മരുന്ന് തരാൻ വന്നതാ. . "അയാൾ പറഞ്ഞു.

"ഓഹ്. സന്തോഷം ! എനിക്കാ മരുന്ന് ഇങ്ങ് തന്നേക്ക്. "അതും പറഞ്ഞു ജൂലി ആ കവറിനു നേരെ കൈ നീട്ടി.

"അല്ല!!. ഇത് കൃഷ്ണ പ്രസാദ് സാറിന്റെ കൈയിൽ കൊടുത്താൽ മതി എന്നാ സാർ പറഞ്ഞത്. " അയാൾ പറഞ്ഞു.

"അത് സാരമില്ല. മരുന്ന് എനിക്ക് വേണ്ടിയാണ്. സാർ ചോദിച്ചാൽ കൃഷ്ണ പ്രസാദ് സാറിന് കൊടുത്തു എന്ന് പറഞ്ഞാൽ മതി." അങ്ങനെ പറഞ്ഞതിന് ശേഷം ജൂലി വീണ്ടും കൈ നീട്ടി. അയാൾ മടിച്ചു മടിച്ചു കവർ ജൂലിയുടെ

കൈയിൽ കൊടുത്തു. ജൂലി ആ കവർ

വാങ്ങിയിട്ട് ചോദിച്ചു.

"ഇരിക്കുന്നോ. കുടിക്കാൻ എന്തെങ്കിലും എടുക്കാം. കൃഷ്ണ പ്രസാദ് സാർ കുളിച്ചു വന്നിട്ട് കണ്ടിട്ട് പോകാം."

"വേണ്ട. എനിക്ക് വേഗം പോകണം. ഇവിടെ അധിക സമയം സംസാരിക്കാൻ നിൽക്കാതെ വേഗം വരണം എന്ന് ചന്ദ്രദാസ് സാർ പ്രത്യേകം പറഞ്ഞു. "

"എന്നാൽ ശരി. വേറെ എന്തെങ്കിലും പറയേണ്ടതുണ്ടോ..?" ജൂലി ചോദിച്ചു.

"ഇല്ല. മരുന്ന് ഉപയോഗിക്കേണ്ട വിധം അതിൽ എഴുതിയിട്ടുണ്ടാകും. മരുന്ന് സാർ നേരിട്ട് എടുത്തു തന്നതാ. "

"ഓഹ്. സന്തോഷം. സാറിനോട് എന്റെ ഒരു താങ്ക്സ് പറഞ്ഞേക്ക്."

"ആര് പറഞ്ഞെന്ന് പറയണം. ..?" അയാൾ ചിരിയോടെ ചോദിച്ചു.