പ്രണയ സാഫല്യം 3 [VaSco]

മടിച്ചു നിന്ന സഞ്ജുവിനെ എലിസബത്ത് വീണ്ടും കെട്ടിപിടിച്ചു. വേറെ വഴിയില്ലാതെ സഞ്ജു തിരിച്ചു എലിസബത്തിനെ കെട്ടിപിടിച്ചു. എലിസബത്തിന്റെ കവിളിൽ ഉമ്മ വെച്ചു.   "ഇങ്ങനെ വേണം. കേട്ടല്ലോ. ഇവിടെ ഒന്നിനും മടിച്ചു നിൽക്കരുത്. എന്ത് വേണമെങ്കിലും ചോദിച്ച് വാങ്ങിക്കോണം. അല്ലെങ്കിൽ എടുത്തോളണം. കേട്ടല്ലോ..""   അങ്ങനെ പറഞ്ഞിട്ട് എലിസബത്ത് സഞ്ജുവിന്റെ കൈയിൽ പിടിച്ചുകൊണ്ട് നടന്നു. നടന്നു അവർ എത്തിയത് ബൈക്കുകൾ പാർക്ക് ചെയ്ത സ്ഥലത്താണ്. അവിടെ എത്തിയ ഉടനെ എലിസബത്ത് ചോദിച്ചു.   "സഞ്ജുവിന് ബൈക്ക് ഓടിക്കാൻ ഒക്കെ അറിയാമായിരിക്കും അല്ലേ..? ഞാൻ പഠിപ്പിച്ചു തരേണ്ടല്ലോ..?"   "വേണ്ട. എനിക്ക് അറിയാം." സഞ്ജു പറഞ്ഞു.     "എന്നാലും ശരി. ഇപ്പോൾ ഞാൻ എടുത്തോളാം. നാളെ മുതൽ എവിടെ പോകുമ്പോൾ ആയാലും സഞ്ജു വേണം ബൈക്ക് ഓടിക്കാൻ. കേട്ടല്ലോ "   അതും പറഞ്ഞു എലിസബത്ത് അവിടെ പാർക്ക് ചെയ്ത ഒരു റോയൽ എൻഫീൽഡ് ബുള്ളറ്റിൽ കയറി അത് സ്റ്റാർട്ട്‌ ചെയ്തു.. എന്നിട്ട് പറഞ്ഞു.   "നോക്കി നിൽക്കാതെ കയറി ഇരിക്ക് ചെക്കാ."   സഞ്ജു സ്വപ്നത്തിൽ എന്ന പോലെ ആ ബുള്ളറ്റിന്റെ പിന്നിൽ കയറിയിരുന്നു. എലിസബത്ത് സഞ്ജുവിന്റെ ട്രോളി ബേഗ് എടുത്തു തന്റെ മുന്നിൽ വെച്ചിട്ട് ചോദിച്ചു.   "സ്വർഗത്തിൽ ആയാലും നരകത്തിൽ ആയാലും നമുക്ക് പോകാം മോനെ ദിനേശാ.."   "ഉം. പോകാം " അറിയാതെ തന്നെ സഞ്ജു പറഞ്ഞു പോയി. ഇത് ഇവരെ വളക്കാൻ വന്ന എന്നെ ഇവർ വളച്ചൊടിച്ചു കുപ്പിയിൽ ആക്കി പാക്ക് ചെയ്തു തിരിച്ചയക്കയുമല്ലോ.. സഞ്ജു മനസ്സിൽ പറഞ്ഞു.   സഞ്ജു പറഞ്ഞതും എലിസബത്ത് ബുള്ളറ്റ് എടുത്തതും ഒന്നിച്ച് ആയിരുന്നു. സഞ്ജു ഒന്ന് പിന്നോട്ട് മലന്നു.   "ശരിക്കും പിടിച്ചു ഇരിക്ക് ചെക്കാ. ഇപ്പോൾ വീണുപോകുമായിരുന്നല്ലോ...?"   സഞ്ജു വേഗം ബുള്ളറ്റിന്റെ പിന്നിലെ ബാറിൽ പിടിച്ചു. അപ്പോൾ എലിസബത്ത് ചോദിച്ചു.   "നിന്റെ കൈ എവിടെ സഞ്ജു ചെക്കാ."..   സഞ്ജു രണ്ടു കൈയും മുന്നിലേക്ക് നീട്ടി. ആ സമയം എലിസബത്ത് ബുള്ളറ്റിൽ നിന്ന് രണ്ടു കൈയും എടുത്തു സഞ്ജുവിന്റെ രണ്ടു കൈയിലും പിടിച്ചിട്ട് അവളുടെ വയറിൽ വെച്ചിട്ട് വേഗം ബുള്ളറ്റിൽ പിടിച്ചു. എന്നിട്ട് പറഞ്ഞു.   "സഞ്ജു.. വെറുതെ താഴെ വീഴാൻ നിൽക്കേണ്ട. ഞാൻ ഇനി ഇത്തിരി സ്പീഡിൽ പോകും. അതുകൊണ്ട് എന്റെ വയറിൽ നല്ലത് പോലെ പിടിച്ച് ഇരുന്നോ. ."   എന്ന് പറഞ്ഞു കഴിഞ്ഞതും എലിസബത്ത് നല്ല സ്പീഡിൽ ബുള്ളറ്റ് ഓടിച്ചു പോയി. സഞ്ജു രണ്ടു കൈകൊണ്ടും എലിസബത്തിന്റെ വയറിൽ പിടിച്ചിരുന്നു. എലിസബത്തിന്റെ സ്പ്രെയുടെ മണമോ മുടിയിൽ ഉള്ള ഷാമ്പുവിന്റെ മണമോ. അതോ എലിസബത്തിന്റെ വിയർപ്പിന്റെ മണമോ ഏതോ ഒന്ന് സഞ്ജുവിന്റെ മൂക്കിൽ തുളച്ചു കയറി.   പിന്നെ ആ ബുള്ളറ്റ് വന്നു നിന്നത് അവിടെയുള്ള ഒരു ബിവറേജ് ഷോപ്പിന്റെ മുന്നിൽ ആണ്.   "സഞ്ജു...... സഞ്ജു കഴിക്കുമോ എന്ന് ഞാൻ ചോദിക്കുന്നില്ല. കാരണം ഈ കാലത്ത് സഞ്ജുവിന്റെ പ്രായത്തിൽ ഉള്ള ഏത് കുട്ടികൾ ആണ് കഴിക്കാതിരിക്കുക അല്ലേ സഞ്ജു. .......അതുകൊണ്ട് സഞ്ജു പോയി ഒരു ആറ് ബിയറും ഒരു വോഡ്ക്കയും വാങ്ങിക്കോ.. വോഡ്ക്ക ഗ്രീൻ ആപ്പിൾ ഫ്ലേവർ മതി. എനിക്ക് അതാ ഇഷ്ട്ടം."