Chapter Title : പ്രണയം കഥ പറഞ്ഞ മഞ്ഞുകാല ഡിസംബറിൽ 2

?....കാലത്തെ അമ്പലത്തിൽ പോയുള്ള വരവാ ? സുന്ദരിക്കുട്ടി '' . ചോദ്യത്തോടൊപ്പം അമ്പേ ക്ഷീണിച്ച മുഖഭാവം !....അന്തർലീനമാർന്ന കൊടിയ ദുഃഖത്തിൽ നിന്ന് പ്രസന്നതയിലേക്ക് വഴുതിമാറാൻ ശ്രമിക്കുന്ന അമ്മായീടെ വൃഥാശ്രമം !. ഒക്കെക്കണ്ട് , വല്ലാതെ വിഷാദം വഴിമുട്ടി.... എന്തുപറയണം എന്നറിയാൻ കഴിയാതെ ,'' ശ്രീ '' ഉഴറുമ്പോൾ...'' ഓ ഒച്ചയും ബഹളവും !.....എല്ലാം കഴിഞ്ഞില്ലേ മോളെ , ഒരു മരണവീട് പോലെ ആയില്ലേ ഇപ്പോൾ ഇവിടം !. ഇവിടിരുന്നു ഒക്കെ കേൾക്കെയും കാണുകേം ചെയ്യാനാവാതെ , ഗത്യന്തരം കെട്ടു അമ്മാവൻ പുറത്തേക്കെങ്ങാനും ഇറങ്ങിയതാവും . റോഡിലോ കവലയിലോ മറ്റോ ഉണ്ടാവും’’ .

ആ അറുപതുകാരിയിൽ ഇടമുറിഞ്ഞ വ്യസനം നെടുവീർപ്പുകളായി പുറത്തുവന്നു . '' ശ്രീ '' എന്ന ഓമനപ്പേരിൽ അറിയപ്പെടുന്ന ശ്രീക്കുട്ടി ,'' അഭി '' എന്ന അഭിജിത്തിൻറെ നേർ മുറപ്പെണ്ണ് !...കോളേജിൽ ഡിഗ്രിക്ക് ഇപ്പോൾ ചേർന്നിട്ടേയുള്ളു . സ്വന്തം അമ്മാവൻ പ്രഭാകരൻനായരെയും ഭാര്യ അമ്മിണിയമ്മയെയും ജീവനാണ് !....തിരിച്ചു അവർക്കും . എന്നാൽ അതിലും ഇഷ്‌ടമാണ്‌ അവളുടെ കളിക്കൂട്ടുകാരൻ മുറച്ചെറുക്കൻ അഭിച്ചേട്ടനെ അവൾക്ക് . ജീവൻറെ ജീവൻ എന്നപോൽ പ്രിയം , സ്നേഹം , അഭിനിവേശം....പിന്നെ ഉള്ളിൻറെ ഉളിൽ അതിരഹസ്യമായ പ്രേമം !. എന്നാൽ ....ഒരു കുഞ്ഞുപെങ്ങൾ ഇല്ലാത്ത അഭിക്ക് മുറപ്പെണ്ണിനും ബാല്യകാല സ്നേഹിതക്കും അപ്പുറം '' ശ്രീ '' താനെപ്പോഴും കൊഞ്ചിക്കുകയും ലാളിക്കുകയും എടുത്തുനടക്കയും തല്ലുകൂടുകയും ഒക്കെ ചെയ്യുന്ന കൊച്ചു അനുജത്തി ആയിരുന്നു. ശ്രീക്കുട്ടിയിൽ നിന്നും തിരിച്ചു ഒരു '' പ്രണയിനിയുടെ പാരവശ്യം'' പലപ്പോഴും അവന് ദർശിക്കാൻ സാധിച്ചിരുന്നു. എങ്കിലും അനിയത്തി വിട്ട് , മറ്റൊരു