Chapter Title : പ്രണയവുംപൂക്കളും വർണശലഭങ്ങളും 1 [സ്പൾബർ]

സാരിയും എടുത്ത് വാരിച്ചുറ്റി..

അവൾ ഇടക്കീ തോട്ടിൽ കുളിക്കാറുണ്ട്..അപ്പോ മാറ്റിയുടുക്കാനായി എപ്പഴും കുറച്ച് ഡ്രസ് ആ ഷെഡിൽ കൊണ്ട് വെക്കും.. അഴിച്ചിട്ട പാവാട മരക്കൊമ്പിൽ വിരിച്ചിട്ട് അവൾ ഷെഡിലേക്ക് ചെന്നു..

അവൻ ഉണർന്നിട്ടില്ല.. ഇവനെ ഇങ്ങിനെ ഇവിടെ കിടത്തിയാ ശരിയാവില്ലെന്നോർത്ത് അവളവനെ കുലുക്കി വിളിച്ചു..

പണിപ്പെട്ട് കണ്ണ് തുറന്ന അവൻ കാർത്തിയെ പകച്ച് നോക്കി..

“ഹലോ… തൽക്കാലം നിങ്ങളുടെ വിശപ്പ് മാറിയില്ലേ… ഇനിയെന്താ പരിപാടി..?.. കുറേ നേരമൊന്നും ഇവിടെ കിടക്കാൻ പറ്റില്ല… ആരാ നിങ്ങൾ… എന്താ നിങ്ങൾക്ക് പറ്റിയത്… ?”..

കാർത്തിക പറഞ്ഞത് കേട്ട് അവനൊന്നെണീക്കാൻ നോക്കി..പക്ഷേ അസഹ്യമായ വേദനയിൽ അവൻ മെത്തയിലേക്ക് തന്നെ വീണു..

“ആ… ആ…ഹൂ… എ… എന്റെ… കാലിൽ… വെടിയുണ്ട…തറച്ചിട്ടുണ്ട്… അത്… അതൊന്നെടുക്കണം… പ്ലീസ്… എനിക്ക്… വേദന സഹിക്കാൻ പറ്റുന്നില്ല..”..

അവൻ വേദന കൊണ്ട് കിടന്ന് പുളയുകയാണ്.. കാർത്തികക്കും കരച്ചിൽ വന്നു..

“ ഞാൻ… ഞാനെന്ത് ചെയ്യാനാണ്… ?”..

എന്താണ് ചെയ്യേണ്ടതെന്ന് അവൾക്കുമറിയില്ല..

“ഇതൊന്ന് എടുത്ത് താ… പ്ലീസ്…”..

“ ഞാനെങ്ങിനെയാ… ?”..

അവൻ കാലിൽ പിടിച്ച് കരയുകയാണ്..

“ ഇതെന്തായാലും ഡോക്ടറെ കാണിക്കണം… അല്ലാതെ വെടിയുണ്ട എടുക്കാനൊന്നും എനിക്ക് കഴിയില്ല… പക്ഷേ ഞാനിനി നിങ്ങളെ സഹായിക്കണേൽ നിങ്ങളാരാണെന്ന് പറയണം… എന്ത് പറ്റിയതാണെന്നും പറയണം…

അല്ലാതെ നിങ്ങളെ സഹായിക്കാൻ എനിക്ക് പറ്റില്ല… നിങ്ങളെ വെടിവെച്ചത് പോലീസാണോ… ?”..

കാർത്തിയുടെ ചോദ്യത്തിന് അവനൊന്നും മിണ്ടിയില്ല..

“ശരി… ഞാനിപ്പോ എന്റെ വീട്ടിലേക്ക് പോവുകയാ… കുറച്ച് കഴിഞ്ഞ് ഞാൻ തിരിച്ച് വരും..അപ്പോ നിങ്ങളെ ഇവിടെ കാണരുത്… “..

അത്രയും പറഞ്ഞ് കാർത്തിക എണീറ്റു.. അവൻ ദയനീയമായി അവളെ