Chapter Title : പ്രേമ മന്ദാരം 3 [കാലം സാക്ഷി] [Conclusion]

നമ്മളുമായി യാതൊരു ലിങ്കുമില്ലാത്തവരാണ് ഇവരെല്ലാം."

"നീ എന്താ പറഞ്ഞ് വരുന്നത്"

"ഞാൻ വിളിക്കുമ്പോൾ ചിലരൊക്കെ കള്ളം പറയും അല്ലെങ്കിൽ പറയുന്നതിൽ എന്തെങ്കിലും ചെറിയ തെറ്റുകൾ പറ്റും എന്ന് ഞാൻ പ്രതീക്ഷിച്ചിരുന്നു, പക്ഷെ ഒരാൾ പോലും കള്ളം പറഞ്ഞില്ല എല്ലാവരും പറഞ്ഞത് സത്യമാണ്. അതിന് തെളിവായി സ്ക്രീന്ഷോട്ടുകളുമുണ്ട്"

"അതിന്റ അർത്ഥം"

"അത് തന്നെ...! 'If it is too good to be true something is wrong'" ഇത് കെട്ട് ഐഷു എന്നെ മിഴിച്ചു നോക്കി നിൽപ്പുണ്ട്.

"അതായത് 'ഒരു കാര്യം ശരിയാണെന്ന് എല്ലാ തെളിവുകളും പറയുന്നുണ്ടെങ്കിൽ അവിടെ എന്തോ പ്രശ്‌നമുണ്ട്.

ഇവിടെ അറ്റ്ലീസ്റ്റ് രണ്ട് പേരെങ്കിലും കള്ളം പറഞ്ഞാലേ ഒരു ലൂപ് ആകുകയുള്ളു! അതായത് ലൂപിന്റെ തുടക്കകാരനും ഒടുക്കക്കാരനും. എന്റെ ഊഹം ശരിയണെങ്കിൽ രണ്ട് പേരല്ല അതിൽ കൂടുതൽ പേർ ആർക്കോ വേണ്ടി കള്ളം പറയുന്നുണ്ട്"

"നിനക്കെന്താ അങ്ങനെ തോന്നാൻ"

"നമ്മളുമായി ഒരു വിദ്വെഷവുമില്ലാത്ത ഇത്രയും പേർ നമ്മളെ നാറ്റിക്കാൻ വേണ്ടി ഇത് ചെയ്യില്ല. ഇത് പ്ലാൻ ചെയ്ത് എക്സിക്യൂട്ട് ചെയ്തവന്റെ ആവിശ്യം നടപ്പാക്കാൻ വേണ്ടി പരിശ്രമിച്ച ചിലരും ഈ കൂട്ടത്തിൽ കാണും. അല്ലാതെ ആരെങ്കിലും ഷെയർ ചെയ്തോളും എന്ന് വിശ്വസിച്ച് അവൻ വിട്ട് പോകില്ല."

"അതും ശരിയാണ്..."

"പക്ഷെ എനിക്ക് അറിയാത്തത് മറ്റൊന്നാണ്. ഇങ്ങനെ ചെയ്തവൻ ഒരു ഡമ്മി പ്രതിയെ വിട്ട് പോകേണ്ടതാണ് ഇവിടെ അങ്ങനെ ആരുമില്ലല്ലോ?"

"ആരു പറഞ്ഞു ഇല്ലായെന്ന്" ഐഷു അത് പറഞ്ഞപ്പോൾ എന്നിൽ അത്ഭുതമൂറി.

"ഉണ്ടോ ആരാ അത്"

"വേറാര് നീ തന്നെ. ഞാൻ നിന്റെ കൂടെ നിന്നത് കോണ്ട് അത് അവർക്ക് സ്ഥാപിക്കാൻ പറ്റിയില്ലെങ്കിലും ഇപ്പോഴും ഭൂരിഭാകത്തിന്റെയും മുന്നിൽ പ്രതി നീ തന്നെയാണ്."

"അതെ...! അത് ഞാൻ ഓർത്തില്ല."

"അല്ല ഇത്രയൊക്കെ മനസ്സിലാക്കിട്ടും നമുക്ക് ആളെ കിട്ടിയില്ലല്ലോ"

"അതാണ് ഞാൻ പറഞ്ഞ് വന്നത്. ഇത്രയും പ്ലാൻ ചെയ്ത് ചെയ്തവൻ ഏത് തരത്തിലുള്ള അന്വേഷണവും അവനിൽ എത്താൻ പാടില്ല എന്ന് ഉറപ്പ് വരുത്തിയിട്ടുണ്ടാകും."

"അപ്പോൾ പിന്നെ നമ്മൾ എന്ത് ചെയ്യും"

"എല്ലാ ബുദ്ധിമന്മാരും ഒരു മണ്ടത്തരമെങ്കിലും കാണിക്കും, അതാണ് നമ്മുടെ പിടിവള്ളി."