Chapter Title : പ്രിയം പ്രിയതരം 6 [Freddy Nicholas]

പടികൾ കയറി.

എല്ലാവരും അവരവരുടെ കൂടുകളിലേക്ക് ചേക്കേറി.

എന്താണ് സംഭവിച്ചതെന്ന് മനസ്സിലാക്കാതെ കിളി പോയ ഞാൻ അവിടെ നിന്നു പരുങ്ങി. പിന്നീട് അവളെ ഫോൺ വിളിച്ചു നോക്കി സ്വിച്ച് ഓഫ് ആണ്.

ആഹ്... എന്തേലുമാവട്ടെ.... ആരോടെന്നില്ലാതെ ഞാൻ പറഞ്ഞു.

=============

രണ്ട് ദിവസത്തിനു ശേഷം രാത്രി ശ്രീ നിലയത്തിലേക്ക് പോയ ഞാൻ അപ്രതീക്ഷിതമായി പ്രിയയെ കണ്ടു മുട്ടി.

വിരുന്ന് വന്ന അപ്പച്ചീടെ മൂത്ത മോളും അതിന്റെ കൊച്ചും ആ വീട്ടിൽ കിടന്ന് വിളയാടുന്നത് ഞാൻ കണ്ടു. വരാന്തയിലെ ലൈറ്റ് ഓഫാക്കിയിട്ടുണ്ട്.

ഞാൻ വരാന്തയിലെ ചാരുപടിയുടെ ഏറ്റവും അറ്റത്തെ മൂലയിൽ സ്ഥാനം പിടിച്ചു. മൊബൈലിൽ കുത്തിക്കുറിച്ച് കൊണ്ടിരുന്നപ്പോൾ പ്രിയ വന്ന് തലകാണിച്ചു.

ഞാൻ : ഹാ... എന്താടോ...?? താനിവിടെതന്നെ ഉണ്ടായിരുന്നോ...?? ഞാൻ കരുതി കുവൈറ്റിലേക്ക് തിരിച്ചു പോയീന്ന്...

പ്രിയ : നിങ്ങളോടൊന്നും പറയാതെയോ...??

ഞാൻ : രണ്ടുമൂന്നു ദിവസമായിട്ടു ഔട്ട് ഓഫ് കവറേജ് ആണല്ലോ... എന്തുപറ്റി.?? കെട്ടിയോന്റെ വീട്ടിൽ പോയോ...???

പ്രിയ : മ്മ്ച്... എയ്... ഞാനിവിടൊക്കെത്തന്നെ ഉണ്ടായിരുന്നു...

ഞാൻ : പിന്നെന്താ പുറത്തൊന്നും കണ്ടില്ല.

പ്രിയ : ആരെയും കാണണ്ടന്ന് കരുതി ഞാനെന്റെ മുറിയിൽ തന്നെ ഉണ്ടായിരുന്നു.

ഞാൻ : എന്തേ ഇനി സുരേഷേട്ടനുമായിട്ട് വഴക്കടിച്ചോ...??

പ്രിയ : മ്മച്ച്.... ഒന്നുല്ല്യാ..

ഞാൻ : ആഹ്... ഇതെന്താ... ഒന്നരയും മുണ്ടും, ഗോപിക്കുറിയും...?? അമ്പലത്തി പോയോ..??

പ്രിയ : മ്മ്മ്.... അതേ, അമ്മേടെ പേരിൽ ഒരു വഴിപാടുണ്ടായിരുന്നു. കൂട്ടിന് അപ്പച്ചീടെ മോളും കൊച്ചു ഉണ്ടായിരുന്നു.

ഞാൻ : വൗ... സൂപ്പർ... ഈ ഇന്നാരായും മുണ്ടും നന്നായി ചേരുന്നുണ്ട് തനിക്ക്,