Chapter Title : പ്രിയമാണവളെ 4 [ആമ്പൽ]

ഇപ്പൊ എങ്കിലും കത്തിയല്ലോ…"

"നീ എന്നെ കളിയാകാതെ കാര്യം പറ.."

"ടാ.. അവന്റെ വീട്ടിലും ഇവളുടെ വീട്ടിലും ഒരിക്കലും ഈ കല്യാണം നടത്തി കൊടുക്കില്ല.. നിനക്ക് അറിയാമല്ലോ ഹാജിയർക്കു ഈ നാട്ടിലുള്ള വില.. അത് പോലെ തന്നെയാണ് മഞ്ജു വിന്റെ അച്ഛനും "..അത് കൊണ്ട് റഹ്മാൻ കളിച്ച ഒരു നാടകം ആയിരുന്നു മഞ്ജു വിന്റെ വയറ്റിലെ ദിവ്യ ഗർഭം..

"ഞാൻ ഒന്ന് മുഖം ചുളിച്ചു റുബീന യേ നോക്കി…"

"അല്ലേടി.. ഈ വയറ്റിലുണ്ടെൽ നിങ്ങൾ പെണ്ണുങ്ങൾക് പെട്ടന്ന് അറിയാൻ പറ്റില്ലേ.."

"അതൊക്കെ അറിയാൻ പറ്റും.. പിന്നെ ഇവിടെ ഇങ്ങനെ ഒരു സാഹചര്യം ആയത് കൊണ്ട് പെട്ടന്ന് ആരും ചെക് ചെയ്യാനൊന്നും പോകുന്നില്ലലോ.. പിന്നെ ഉണ്ടെന്ന് വയറ്റിലുള്ള ആള് തന്നെ ഉറപ്പിച്ചു പറഞ്ഞാൽ.."

"അവള് പറഞ്ഞോ.. "

"ഹേയ് ഇല്ല.. "ഞാൻ എന്റെ ഊഹം പറഞ്ഞതാ...

"ഒന്ന് പോ പെണ്ണെ… നീ പറഞ്ഞത് അനുസരിച്ചു ഇങ്ങനെ ഒരു കാര്യം പറഞ്ഞു പരത്തിയത് റഹ്മാൻ ആയിരിക്കും.." ഞാൻ ഒരു ഇൻവെസ്റ്റിഗേഷ്യൻ ഓഫിസറെ പോലെ സംസാരിക്കാൻ തുടങ്ങി..

"ആയിരിക്കുമെന്നല്ല,.. അവൻ തന്നെ യാണ്.. "

പിന്നെ നിന്നെ ഞാൻ വേറെ ഒരു കാര്യത്തിനാണ്‌ വിളിച്ചത്….

എന്താ…

"ടാ. അവൾക് ഇവിടെ നിന്ന് പുറത്ത് കടക്കണം അതിന് നീ ഒന്ന് സഹായിക്കണം.."

"പടച്ചോനെ.. ഇനി ഒളിച്ചോടാൻ ആണൊ പ്ലാൻ.."

"പോടാ … അതൊന്നും നടക്കില്ല.."

"പിന്നെ…"

"രാവിലെ മുതൽ റഹ്മാന്റെ ഫോൺ ഓഫാണ്.. മഞ്ജു കുറെ നേരമായി ട്രൈ ചെയ്തു നോക്കുന്നു … കിട്ടുന്നില്ല.."

"അവൻ മുങ്ങിയോ ടി..!"

"പോടാ .. അവൻ