Chapter Title : ?പുലിവാൽ കല്യാണം 2? [Hyder Marakkar]

തടഞ്ഞു കൊണ്ട് വിഷ്ണു ചോദിച്ചു “ആഹ്...... രണ്ടെണ്ണം അടിച്ചിട്ട് ഒന്ന് കിടന്ന് ഉറങ്ങണം...... നീ ഉണ്ടെങ്കിൽ വാ...” “ഏയ് എനിക്ക് വേണ്ട.....” “എങ്കിൽ നീ ഒരു കാര്യം ചെയ്യ്.... ആ സാധനത്തിനോട് ഒന്ന് സംസാരിക്ക്, ഇനി ഇമ്മാതിരി പണി ചെയ്യരുതെന്ന് പറ..... പ്ലീസ്.....” “മ്മ..... നീ ചെല്ല്...... ഞാൻ സംസാരിക്കാ...” ഞാൻ മുകളിൽ കയറി ഓരോ പെഗ്ഗ് ഒഴിച്ച് അടിക്കാൻ തുടങ്ങി, പക്ഷെ അടിക്കുന്നതിന് അനുസരിച്ച് ഉള്ളിൽ ദേഷ്യവും സങ്കടവും എല്ലാം കൂടി കൂടി വരുന്നത് പോലെ തോന്നി,

ശ്രീലക്ഷ്മി........ തു.......... ശവം..... അവളെ കുറിച്ച് ആലോചിക്കുമ്പോൾ ദേഷ്യം അരിച്ച് കയറുന്നു “ഇച്ചായാ...... എന്നെ ഒരിക്കലും ചതിക്കില്ല എന്ന് വാക്ക് തരുമോ??” അവളുടെ ഒടുക്കത്തെ ഒരു അഭിനയം, ചെറ്റ പട്ടി...... സ്വന്തം ചേച്ചിയെ അങ്ങനെ ഒരു സാഹചര്യത്തിൽ രക്ഷിക്കാതെ നോക്കി നിന്നവൾ അല്ലേ..... ഈ ചതി ചെയ്തില്ലെങ്കില്ലേ അത്ഭുതം ഉള്ളു... പക്ഷെ ഹരി, അവനെ കുറിച്ച് ആലോചിക്കുമ്പോൾ സങ്കടം സഹിക്കാൻ കഴിയുന്നില്ല, എന്തിനും ഏതിനും കൂടെ നിന്നവൻ, അവന് അവളോട് അങ്ങനെ ഒരിഷ്ടം ഉണ്ടായിരുന്നെങ്കിൽ എന്നോട് ഒരു വാക്ക് പറഞ്ഞ പോരായിരുന്നോ, ഞാൻ വെറുതെ അതിനിടയിൽ പോവില്ലായിരുന്നല്ലോ, അവൻ എന്തിനാണ് വീട്ടിലെ പൈസയും എടുത്ത് മുങ്ങിയത്...... ഒന്നും അങ്ങോട്ട് മനസിലാവുന്നില്ല..... “ഡാ ടോണി...........” താഴെ നിന്ന് വിഷ്ണുവിന്റെ ശബ്ദം “എന്താടാ??” “ഇതാ നിന്നെ കാണാൻ രമേശേട്ടൻ വന്നിട്ടുണ്ട്...... ഇങ്ങോട്ട് വാ......” രമേശേട്ടൻ അപ്പന്റെ സാരഥിയാണ്, ഓർമ്മ വെച്ചത് തൊട്ട് കാണാൻ തുടങ്ങിയ മുഖം...... ഒരു പാവം മനുഷ്യൻ, പാവം ആയതുകൊണ്ട് ആണല്ലോ ഇത്ര കൊല്ലം എന്റെ അപ്പന്റെ