Chapter Title : ?പുലിവാൽ കല്യാണം 4? [Hyder Marakkar] [Climax]

പൊക്കി....... ഐ ആം ട്രാപ്പ്ഡ്...

“എന്താടാ ഒരു കള്ള ലക്ഷണം?? മ്മ്??” മേരിയുടെ ചോദ്യത്തിന് ഞാൻ ഒന്നുമില്ല എന്ന് ചുമൽ അനക്കി കാണിച്ചു.... മീനൂന്റെ മുഖത്ത് ചിരിയാണ്, അപ്പൊ ഞാൻ പ്രതീക്ഷിച്ച പോലെ ഭൂകമ്പം ഒന്നുമില്ല..... രക്ഷപെട്ടു.... “നാളെ അല്ലേ നിന്റെ സെലെക്ഷൻ??” “മ്മ.......” ഞാൻ അതെ എന്ന രീതിയിൽ മൂളി “വല്ലതും നടക്കോ??” മേരി ഒരു ആക്കിയ ട്യൂണിൽ ചോദിച്ചു..... മേരിയേ നല്ലോണം അറിയുന്നതുകൊണ്ട് എനിക്ക് അത് ഒരു വിഷയമേ അല്ല....... മേരി ഇങ്ങനെ തന്നെയാണ്, തളർത്തി കൊണ്ടാണ് ജയിക്കാനുള്ള ഊർജ്ജം തരാറ്...... പണ്ട് തൊട്ടേ അങ്ങനെയാണ്, മേരി എന്നെകൊണ്ട് പറ്റില്ലെന്ന് പറയുന്ന കാര്യങ്ങൾ ചെയ്ത് കാണിച്ച് എന്റെ മേരിയുടെ മുനിൽ ഹീറോ ആവുക എന്നതായിരുന്നു എനിക്ക് എല്ലാത്തിലും ജയിക്കാനുള്ള പ്രചോദനം.... പക്ഷെ ഈ പ്രചോദനം സ്പോർട്സിൽ മാത്രെ ഉള്ളു കേട്ടോ, പഠിത്തത്തിൽ മേരി എന്നെകൊണ്ട് പറ്റില്ലെന്ന് പറഞ്ഞാൽ ഞാനും അത് ശരിവെച്ച് അടങ്ങി ഒതുങ്ങി ഇരിക്കും..... “നീ പാടത്ത് ചെറിയ പിള്ളേരെ കൂടെ കളിച്ച് അവരെ മുനിൽ സ്റ്റാർ ആയി നടന്ന പോലെ ആയിരിക്കില്ല, കളി അറിയുന്ന നല്ല അസ്സൽ ചുണക്കുട്ടികൾ കാണും...... എന്താവോ എന്തോ” എന്നെ നോക്കി പറഞ്ഞ് തുടങ്ങിയിട്ട് അവസാനം ആരോടെന്നില്ലാതെ പറഞ്ഞ് മേരി നിർത്തുമ്പോഴും ഞാൻ ഒരു കൂസലും ഇല്ലാതെ കേട്ട് നിന്നു, മീനൂന്റെ മുഖത്ത് പെട്ടെന്ന് ഒരു വിഷമം വന്നതുപോലെ...... എന്റെ ജയം ഇപ്പോൾ എന്നെക്കാൾ ആഗ്രഹിക്കുന്നത് അവളാണല്ലോ...... ഞാൻ മീനൂനെ നോക്കി ഒന്നുമില്ലെന്ന് കണ്ണ് ചിമ്മി കാണിച്ചു.... വൈകുന്നേരം വരെ മേരി ഞങ്ങടെ കൂടെ തന്നെ ഉണ്ടായിരുന്നു,