Chapter Title : ?പുലിവാൽ കല്യാണം 4? [Hyder Marakkar] [Climax]

അറിയാം എന്നൊരു അഹംഭാവവും ആ ചിരിയിൽ ഉണ്ടായിരിക്കാം..... “മതി ഇരുന്ന് ഉറക്കം തൂങ്ങിയത്, പോയി കുളിക്ക് ചിന്നു ഇപ്പോ വരും.......” മീനു എന്നെ ഉന്തി തള്ളി കുളിമുറിയിൽ കയറ്റി...... “ന്ന തോർത്ത്.......... വേഗം വന്നോ, ഇനി അതിന്റെ അകത്ത് ഇരുന്ന് ഉറങ്ങണ്ട” കുളിമുറിയുടെ വാതിലിൽ ചാരി നിന്ന് ഉറക്കം തൂങ്ങിയ എനിക്ക് നേരെ തോർത്ത്‌ നീട്ടികൊണ്ട് മീനു പറഞ്ഞു..... “നല്ലൊരു ദിവസം ആയിട്ട് ഇങ്ങനെ തണുപ്പൻ കളി കളിക്കാതെ ഒന്ന് ഉഷാറായിക്കെ ലു......... ടോണി” ശ്രീലക്ഷ്മി ഇരിക്കുന്നത് കൊണ്ടാകാം മീനു എന്നെ ആദ്യമായി ടോണി എന്ന് വിളിച്ചത്, ആദ്യമായിട്ട് ആണെന്ന് തോന്നുന്നു............ “കുളിപ്പിച്ച് തരുന്നോ??” അതിന് മറുപടി ഒന്നും തരാതെ മീനു എന്നെ ഒന്ന് കണ്ണുരുട്ടി പേടിപ്പിച്ചു....... അല്ല പേടിപ്പിക്കാൻ ശ്രമിച്ചു എന്ന് പറയാം..... കാണാൻ കോമഡിയാണ്....... “ഈശ്വരാ അഞ്ചരയ്ക്ക് വിളിക്കാൻ തുടങ്ങിയതാണ് ഞാൻ ഈ സാധനത്തിനെ, നോക്ക് സമയം ആറര കഴിഞ്ഞു....... ഇനി ഞാൻ പറയൂല എന്താന്ന് വെച്ച ചെയ്തോ”.

അവസാനം ക്ഷമ നശിച്ചപ്പോൾ ഈശ്വരനോട് പരിഭവം പറഞ്ഞുകൊണ്ട് മീനു അടുക്കളയിലേക്ക് നടന്നു, അവൾ കൂടെ നിൽക്കുന്നത് കൊണ്ടാണ് ഞാൻ ഇങ്ങനെ കളിക്കുന്നതെന്ന് തോന്നി കാണണം.......... സത്യം പറഞ്ഞാൽ അതാണ് വാസ്തവം.....മീനു പോയതും ഞാൻ കുളിമുറിയുടെ വാതിൽ അടച്ചിട്ട് വിവസ്ത്രൻ ആയ ശേഷം ഷവർ തുറന്ന് അതിന്റെ അടിയിൽ നിന്നു..... ഹാഹാ യെന്താ സുഖം....... ഹാ....... ഞാൻ അങ്ങനെ ഷവറിന്റെ അടിയിൽ സ്വപ്നം കണ്ട് നിന്നുപോയി........ പെട്ടെന്നാണ് ഇന്നത്തെ സെലെക്ഷന്റെ കാര്യം ഓർമ്മ വന്നത്, എന്റെ ഡ്രീം........... അയ്യോ ഇനിയും വൈകിയാൽ ശരിയാവില്ല........ ഞാൻ വേഗം