Chapter Title : ?പുലിവാൽ കല്യാണം 4? [Hyder Marakkar] [Climax]

ഇനി എന്ത്‌ പേടിക്കാൻ....... എട്ട് അല്ല, ഏഴേ മുക്കാൽ ആകുമ്പോഴേക്കും അവിടെ എത്താം......

“ചിന്നൂസേ....... സീറ്റ്‌ ബെൽറ്റ്‌ ഇട്ടോ” ചിന്നുവിനെ നോക്കി ചിരിച്ചുകൊണ്ട് ഞാൻ മിനി മോളെ മുന്നോട്ട് എടുത്തു, രാവിലെ നേരത്തെ ആയതുകൊണ്ട് റോഡിൽ അധികം വണ്ടികൾ ഒന്നും ഇല്ലാഞ്ഞത് കൊണ്ടും എന്റെയും മിനി മോളുടെയും കഴിവ് കൊണ്ടും എട്ട് മണിക്ക് പത്ത് മിനിറ്റ് മുന്നെ ഞങ്ങൾ ഗ്രൗണ്ടിൽ എത്തി...... ഞാൻ പ്രതീക്ഷിച്ചതിലും കൂടുതൽ പേര് വന്നിട്ടുണ്ട് സെലെക്ഷന്, എങ്ങനെ പോയാലും നൂറിന് മുകളിൽ ഉണ്ടാവും, തീർച്ച....... ചിന്നു എന്നെ ഒന്ന് വിഷ് ചെയ്തിട്ട് കൂടെ വന്നവർക്ക് ഇരിക്കാൻ വേണ്ടി ഒരുക്കിയ കസേരയിൽ പോയി ഇരുന്നു, ഞാൻ പേര് കൊടുത്തിട്ട് ഗ്രൗണ്ടിന്റെ സൈഡിൽ കണ്ട ഡ്രസ്സിങ് റൂമിൽ പോയി അണിഞ്ഞ് ഒരുങ്ങി വന്നു.... കുറച്ചു നേരം കഴിഞ്ഞപ്പോൾ രണ്ട് ചേട്ടന്മാർ വന്ന് എല്ലാവരോടും വരിയിൽ നിൽക്കാൻ പറഞ്ഞു, എല്ലാവരും സ്കൂളിൽ അസംബ്ലിക്ക് നിൽക്കുന്ന പോലെ നിന്നപ്പോഴേക്കും കുറച്ച് പ്രായമുള്ള നാലുപേർ വന്നു, കുറച്ച് പ്രായം എന്ന് പറയുമ്പോൾ ഒരു നാല്പത് പ്ലസ് ഉണ്ടാവും.... എല്ലാവരും Catamounts FC എന്ന് എഴുതിയ ജേഴ്സിയും ഷോർട്സും ആണ് വേഷം..... കോച്ചിംഗ് ടീം ആയിരിക്കും, നടുക്ക് നിൽക്കുന്ന നീളം കുറഞ്ഞ കഷണ്ടി തലയനാണ് ഹെഡ് കോച്ച് എന്ന് തോന്നുന്നു........ “ഗുഡ് മോർണിംഗ് ബോയ്സ്, എന്റെ പേര് ജോർജ് വേങ്ങര.... ഞാനാണ് Catamounts FC യുടെ ഹെഡ് കോച്ച്....... നിങ്ങൾ എല്ലാവരും ഒരൊറ്റ ലക്ഷ്യം വെച്ചാണ് ഇവിടെ വന്നിരിക്കുന്നത്, ടീമിലേക്ക് സെലെക്റ്റ് ആവുക........ നമ്മുടെ ക്ലബ് ഈ തവണ തികച്ചും പുതിയ