Chapter Title : പ്രഭാതത്തിലെ തണുപ്പും ഉച്ചവെയിലിലെ ചൂടും [രതിമന്മഥൻ]

ശേഷം വീണ്ടും തിരിഞ്ഞുനോക്കി.

"എന്നാലും സാറിന്റെ ഇന്നത്തെ ഈ മൂഡ് എനിക്ക് വളരെ ഇഷ്ടപ്പെട്ടു. എന്നും ഇതുപോലെ പ്രസന്നനായി ഇരുന്നാൽ പമ്പിലെ ജോലി ചെയ്യാൻ ഞങ്ങൾക്കും ഒരു രസമുണ്ടാകും."

"ശരി ടീ മാഡം, നീ ഇനി പോയി ജോലി നോക്ക്," ഉണ്ണി ചിരിച്ചുപോയി.

ഷെറിൻ തൻ്റെ ഹൈ സ്ലിറ്റ് ചുരിദാറിന്റെ മനോഹരമായ ലുക്കിൽ, സ്റ്റൈലായി നടന്നുപോകുമ്പോൾ അവളുടെ ഹീൽസിന്റെ ശബ്ദം മുറിയിൽ മുഴങ്ങി. അവൾ വാതിൽ തുറന്ന് പുറത്തിറങ്ങി വാതിൽ അടച്ചു.

ഷെറിൻ പോയെങ്കിലും ആ മുറിയിൽ അവൾ വിട്ടുപോയ സുഗന്ധവും അവളുടെ കുസൃതി വർത്തമാനങ്ങളുടെ അലയൊലികളും കുറച്ചുനേരം കൂടി അവശേഷിച്ചു.

ഉണ്ണി വീണ്ടും കമ്പ്യൂട്ടർ സ്ക്രീനിലേക്ക് ശ്രദ്ധ തിരിച്ചു. സമയം അതിവേഗം കടന്നുപോയിക്കൊണ്ടിരുന്നു. പമ്പിലെ ഡാറ്റാ എൻട്രികളും, ബാങ്ക് അക്കൗണ്ടുകളിലേക്ക് മാറ്റേണ്ട തുകയുടെ കണക്കുകളും അവൻ ഒത്തുനോക്കി.

ഉച്ചയ്ക്ക് ഒരു മണിയോടെ പമ്പിലെ കാന്റീനിൽ നിന്ന് ചെറിയൊരു ഉച്ചഭക്ഷണം കഴിച്ചു.

ഉച്ചയ്ക്ക് ശേഷം ബാങ്കിൽ നിന്നുള്ള പ്രതിനിധിയുമായി ചെറിയൊരു ഫോൺ കോൾ ഉണ്ടായിരുന്നു. അതിനുശേഷം ഉണ്ണി തന്റെ ടേബിളിലെ ഫയലുകളെല്ലാം ക്രമീകരിച്ചു വെച്ചു.

ക്ലോക്കിലേക്ക് നോക്കിയപ്പോൾ സമയം ഉച്ചയ്ക്ക് 3:15 ആയിക്കഴിഞ്ഞിരുന്നു.

അനിതയുടെ സ്കൂൾ സമയം 3:30 ന് അവസാനിക്കും. അവിടെ എത്തിച്ചേരാൻ ഏതാണ്ട് പതിനഞ്ചു മിനിറ്റ് ഡ്രൈവ് ചെയ്യേണ്ടതുണ്ട്. വൈകുന്നേരം അനിതയെ കൂട്ടിക്കൊണ്ട് നസീമയുടെയും ഹിബയുടെയും അടുത്തേക്ക് പോകണമെന്നോർത്തിട്ട് വേണ്ടാന്ന് വെച്ചു.

ഇന്ന് അവർക്ക് മാത്രമുള്ള ഒരു സ്വകാര്യ രാത്രി ആകട്ടെയെന്നു അവൻ തീരുമാനിച്ചു.

ഉണ്ണി വേഗത്തിൽ കസേരയിൽ നിന്നെഴുന്നേറ്റു. തന്റെ മേശപ്പുറത്തിരുന്ന ഫോണും കാറിന്റെ താക്കോലും എടുത്ത് പോക്കറ്റിലിട്ടു. കണ്ണാടിക്ക് മുന്നിൽ നിന്ന്