Chapter Title : രാത്രി സംഗീതം 7 [സ്മിത]

“അമേരിക്കയില്‍, ന്യൂ ജേഴ്സിയില്‍, ഇന്തോനേഷ്യയിലെ ബാന്ദൂങ്ങില്‍ ഇതിനു സമാനമായ സീരിയല്‍ കില്ലിംഗ് ഉണ്ടായിട്ടുണ്ട്...എന്നുവെച്ചാല്‍ ഒരു പ്രത്യേക നക്ഷത്രത്തില്‍ ജനിച്ച കുഞ്ഞുങ്ങളെ.... ഒരു ആഭിചാരക്രിയയുടെ ഭാഗമായാണ് ഈ കില്ലിംഗ് ഒക്കെ... ശത്രുസംഹാരം ആണ് ലക്ഷ്യമെങ്കില്‍ ലിയോ, ചിങ്ങ നക്ഷത്രം, ജെമിനി, മിഥുന നക്ഷത്രത്തില്‍ ജനിച്ചവരെ ആണ് ദാമ്പത്യ ബന്ധങ്ങളിലെ കുഴപ്പങ്ങള്‍ക്ക് പരിഹാരമായി കൊല്ലേണ്ടത്...പക്ഷെ ശത്രു സംഹാരത്തിനു കൊല്ലേണ്ടത് ഇരുപത് വയസ്സില്‍ താഴെയുള്ള പെണ്‍കുട്ടികളെയാ...ഭാര്യ ഭര്‍തൃ ബന്ധങ്ങളിലെ കുഴപ്പങ്ങള്‍ പരിഹരിക്കാന്‍ കൊല്ലേണ്ടത് അന്‍പത വയസ്സിന് ശേഷമുള്ളവരെ....”

ജെയിംസ് വിവരണം തുടരുമ്പോള്‍ സ്ക്രീനില്‍ പറയുന്ന കാര്യങ്ങളോട് ബന്ധമുള്ള ചിത്രങ്ങല്‍ മിന്നി മറഞ്ഞുകൊണ്ടിരുന്നു.

“നഷ്ട പ്രണയം വീണ്ടെടുക്കാനാണ് മകരം നക്ഷത്രത്തില്‍ ജനിച്ച ആണ്‍കുട്ടികളെ ബലികൊടുക്കുന്നത്...”

ജെയിംസ് തുടര്‍ന്നു.

“അവരുടെ പേരുകള്‍ വായു ഭഗവാന്‍റെ പര്യായങ്ങള്‍ ആകണം...ശത്രു സംഹാരത്തിനു ശിവന്‍റെ പര്യായങ്ങള്‍, പണക്കാരനകാന്‍ ഇന്ദ്രന്‍റെ പര്യായങ്ങള്‍....ഇതില്‍ അതിനും നഷ്ട്ടപ്പെട്ട ലൈംഗിക ശേഷി വീണ്ടെടുക്കുന്നതിനും...ബാന്ദൂങ്ങിലേയും ന്യൂ ജേഴ്സിയിലെയും പ്രതികള്‍ അതിനായി സമീപിച്ചത് ഒരേ ആസ്ട്രോളജറേയാണ്...ഭൂട്ടാനിലെ സാക്ടെങ്ങ് ഗ്രാമത്തിലെ ഒരു ആഭിചാരകനുണ്ട്...ജിഗ്മേ പേമാ എന്നാണ് അയാളുടെ പേര്...ശക്തമായ ആഭിചാരവിരുദ്ധ നിയമങ്ങള്‍ ഒന്നും ഭൂട്ടാനിലില്ല...മാത്രമല്ല ഈ മന്ത്രവാദിക്ക് നാട്ടുകാരുടെ മുഴുവന്‍ പിന്തുണയുമുണ്ട്....നമ്മുടെ കേസിലെ പ്രതി, എനിക്കുറപ്പുണ്ട്, ഈ ആഭിചാരകനുമായി ബന്ധപ്പെട്ടിട്ടുണ്ട്....”

ജെയിംസ് നിര്‍ത്തി.

സമീറ മുമ്പിലിരികുന്നവരെ നോക്കി.

ജെയിംസ് നല്‍കിയ വിവരങ്ങള്‍ കേട്ട് അസ്തപ്രജ്ഞരായിരിക്കുകയാണ്‌ എല്ലാവരും.

“ഓക്കേ...”

അവസാനം അവള്‍ പറഞ്ഞു.

“ദ ഇന്‍ഫോ ജെയിംസ് ഹാസ് ബ്രോട്ട് ഈസ് ഓഫ് വൈറ്റല്‍ സിഗ്നിഫിക്കന്‍സ്...പിന്നെ എന്‍റെ ഒരു ഗട്ട് ഫീലിംഗ് അടുത്ത മര്‍ഡര്‍ കില്ലര്‍ പ്ലാന്‍ ചെയ്തിരിക്കുന്നത് നടക്കാവില്‍ ആണെന്നാണ്...”

മുമ്പിലിരിക്കുന്നവരുടെ മുഖങ്ങലിലെക്ക് ചകിതമായ ഒരു ഭാവം കടന്നുവരുന്നത്