?രാവണത്രേയ 3? [ മിഖായേൽ]

രാവണത്രേയ 3
Raavanathreya Part 3  | Author : Michael | Previous Part

അഗ്നി പറഞ്ഞതിന് മറുപടിയായി അവിടെ ഒരു സ്ത്രീ ശബ്ദം ഉയർന്നതും മൂവരും ഒരുപോലെ ആ ശബ്ദത്തിലേക്കും അത് പറഞ്ഞ ആളിലേക്കും ശ്രദ്ധ കൊടുത്തു.... ഞൊടിയിട നേരം കൊണ്ട് അച്ചൂന്റെ കണ്ണുകളൊന്ന് വിടർന്നു...പൂവള്ളിയിലെ വീട്ടുജോലിക്കാരിയായിരുന്ന മായാവതീടെ മോളായിരുന്നു അത്...കൺമണി എന്ന് വിളിപ്പേരുള്ള മിഴി....മായാവതി ശരിയ്ക്കും അവിടെയൊരു വേലക്കാരി മാത്രം ആയിരുന്നില്ല...പൂവള്ളിയിലെ എല്ലാ കുട്ടികളേയും ചേർത്തിരുത്തി വളർത്തിയെടുത്തതിൽ വൈദേഹിക്കൊപ്പം സ്ഥാനം മായാവതിയ്ക്കുമുണ്ട്... അതുകൊണ്ട് തന്നെ രാവണിനും,ത്രേയയ്ക്കും,അഗ്നിയ്ക്കും,അച്ചൂനുമെല്ലാം അവര് മായമ്മയായി മാറി....മായമ്മയെ സഹായിക്കാൻ വേണ്ടി ഒഴിവ് സമയങ്ങളിൽ മിഴിയാണ് അവിടെ ജോലിയ്ക്ക് നില്ക്കാറ്... പഠിക്കുന്നുണ്ടെങ്കിലും ഇങ്ങനെയുള്ള അല്ലറചില്ലറ പണികൾ നടത്തിയാണ് അവളും മായമ്മയും കഴിഞ്ഞു പോകുന്നത് എന്നു വേണം പറയാൻ....മായമ്മയുടെ സഹോദര പുത്രന്റെ ശല്യം കൂടി വരുന്ന ഒട്ടുമിക്ക ദിവസങ്ങളിലും മിഴിയ്ക്ക് ആശ്രയം പൂവള്ളി തറവാട് തന്നെ...ആ അനുഭവങ്ങളിൽ നിന്നും ധൈര്യം ആർജ്ജിച്ചതു കൊണ്ടാവും സാഹചര്യങ്ങളെ ഭയപ്പെടാതെ പൊരുതി ജീവിക്കാൻ അവൾക് ഏകദേശം ധാരണയുണ്ടായിരുന്നു....

രാവൺ...മോനേ ഏതാ ഈ വള്ളി...??? ന്വാമിന് നന്നായിട്ടങ്ങ് ബോധിച്ചൂട്ടോ....

അച്ചൂന്റെ സംസാരം കേട്ട് രാവൺ അവനെ കണ്ണുരുട്ടി പേടിപ്പിക്കാൻ തു