?രാവണത്രേയ 4? [ മിഖായേൽ]

രാവണത്രേയ 4
Raavanathreya Part 4  | Author : Michael | Previous Part

അതുകേട്ടതും കൺമണീടെ മുഖത്തെ ചിരി പതിയെ മങ്ങി തുടങ്ങി...മേഡം ആദ്യമൊന്ന് റെസ്റ്റെടുക്ക് എല്ലാം നമുക്ക് പിന്നെ സംസാരിക്കാം...

കൺമണി അതും പറഞ്ഞ് തിരിഞ്ഞു നടക്കാൻ ഭാവിച്ചതും ത്രേയ അവളുടെ കൈയിൽ പിടിച്ച് അവളെയവിടെ തടഞ്ഞു നിർത്തി...

കാര്യങ്ങളൊക്കെ നമുക്ക് വിശദമായി പിന്നെ സംസാരിക്കാം അതൊക്കെ ഓക്കെ... പക്ഷേ നീയെന്നെ എന്താ ഇപ്പോ വിളിച്ചത് മേഡംന്നോ..എന്ന് തൊട്ടാ ഞാൻ നിന്റെ മേഡമായത്...പറയെടീ ഉണ്ടക്കണ്ണീ...

ത്രേയ കൺമണിയ്ക്ക് നേരെ അല്പം കലിപ്പ് ഫിറ്റ് ചെയ്തതും കൺമണിയുടെ ചുണ്ടിൽ ഒരു പുഞ്ചിരി വിരിഞ്ഞു...

അത് പിന്നെ വല്യ വീട്ടിലെ കുട്ടികളെ മേഡം കുഞ്ഞ് എന്നൊക്കയല്ലേ വിളിക്കേണ്ടത്...

ആ.. എങ്കിലേ മോളിപ്പോ എന്നെ ത്രേയാന്നങ്ങ് വിളിച്ചാ മതി..നിന്റെ വായീന്ന് ആ വിളി കേൾക്കാനാ എനിക്കിഷ്ടം.. അല്ലാതെ മേഡം കീടംന്നൊക്കെ വിളിച്ചോണ്ട് വന്നാൽ...ദേ ഈ കണ്ണ് ഞാനങ്ങ് കുത്തി പൊട്ടിയ്ക്കും....

ത്രേയ അതും പറഞ്ഞ് കൺമണീടെ കണ്ണിന് നേരെ ചൂണ്ടുവിരലൂന്നി കാട്ടിയതും അവളൊരടി പിന്നിലേക്ക് നിങ്ങി നിന്നു...അപ്പോഴും ഇരുവരുടെയും മുഖത്തൊരു പുഞ്ചിരിയുടെ ശേഷിപ്പുണ്ടായിരുന്നു....

അല്ല ആരാ ഇവിടെ കീടം..who is the ബ്ലഡീ കീടം ഇൻ ദിസ് തറവാട്...

ത്രേയേടെയും കൺമണീടെയും സംസാരത്തിനിടയിലേക്ക് അച്ചൂന്റെ അപശബ്ദം ഉയർന്നു കേട്ടതും ഇരുവരും അരോചകത്തോടെ നെറ്റി ചുളി