രചനയുടെ വഴികൾ 2

Rachanayude Vazhikal Part 2 | Author : Aparan | Previous Part

ഉച്ചയൂണു കഴിഞ്ഞ് കുറച്ചു നേരം എഴുതാനിരുന്നു. സുഖിച്ചു നടന്നാൽ മാത്രം പോരല്ലോ രാജാവിന്റെ അപദാനങ്ങൾ എഴുതണമല്ലോ. ഇല്ലെങ്കിൽ പണിയാകും. ആദ്യം ഒരു കാവ്യം രചിച്ചു കേൾപ്പിക്കാം. ഒരു ഇംപ്രഷൻ ഉണ്ടാകട്ടെ...

' മീരാപ്പൂരെന്നൊരു രാജ്യത്ത് കുക്കുടനെന്നൊരു രാജാവ്.... ...'

എഴുതിക്കഴിഞ്ഞ് വായിച്ചു നോക്കാൻ മെനക്കെട്ടില്ല. ഞാൻ എഴുതിയത് വായിച്ചു കഴിഞ്ഞിട്ട് എനിക്ക് എന്നെത്തന്നെ കുത്തിക്കൊല്ലാൻ തോന്നിയാലോ... ജനത്തിന്റെ മണ്ടയ്ക്ക് വയ്ക്കാം. സഹിക്കട്ടെ എല്ലാരും...

സമയം നാലര. കൊട്ടാരം അടുക്കളയിൽ ചെന്നു.

ലൈറ്റായി നാലു ബ്രൂ കാപ്പിയും ഒരു തന്തൂരി ചിക്കനും നാല് ചപ്പാത്തിയും കഴിച്ചു.

പിന്നെ ഉദ്യാനത്തിലേക്ക്...

അവിടെ രാജാവിന്റെ പതിവായുള്ള തെങ്ങു കയറ്റം നടക്കുന്നു. വീഴാനുള്ള ഭടന്മാർ, ആംബുലൻസ് ഒക്കെ റെഡി.

പതിനൊന്ന് ഭടന്മാരെ ആംബുലൻസിലാക്കി തെങ്ങു കയറ്റം തീർത്തു രാജാവു വന്നു.

( പത്തു പേര് തെങ്ങിൽ നിന്നും വീണത്. പതിനൊന്നാമൻ പിറ്റേ ദിവസം അവനാണ് ഡ്യൂട്ടി എന്നു കേട്ട് അറ്റാക്ക് വന്നതാണ് )

വെള്ളമടിക്കിടയിൽ രാജാവിന് പദ്യം സമർപ്പിച്ചു.

" സാഹിത്യകാരൻ വായിക്കുമോ "

" വേണ്ട രാജൻ. വേറാരേക്കൊണ്ടെങ്കിലും വായിപ്പിച്ചാ ശീലം "

" ശരി. ആസ്ഥാനവായനക്കാരനോടു വരാൻ പറയൂ "

വായനക്കാരനെത്തി. വായന തുടങ്ങി.

തീർന്നു കഴിഞ്ഞപ്പോൾ ആണ് ധൈര്യമായത്... ഭാഗ്യം ! എല്ലാവരും ജീവനോടെ തന്നെ അവശേഷിക്കുന്നു. വലുതും ചെറുതുമായ മന്ത്രിമാർ പദ്യത്തെ പുകഴ്ത്തി. രാജാവിനു പെരുത്തിഷ്ടമായി...

" സാഹിത്യകാരാ ആ ഇടയ്ക്കുള്ള ആ അലങ്കാരമില്ലേ..." മന്ത്രി.

" യേത് ?"

" ആ മൃച്ഛഘടികസ്ഫടികസമാനമാം ആസനം മൃഷ്ടാന്നമായി ഭുജിക്കുന്ന സത്കൃതൻ എന്നുള്ളതേയ്... അതു സൂപ്പർ"

ഹാവൂ! സമാധാനമായി. രണ്ടുമൂന്നു പേരൊന്നു തള്ളിത്തന്നാൽ മതി. ഇനി സ്വന്തമായി പല പേരിൽ ചെന്നു ലൈക്കും കമന്റുകളും കൊട്ട കണക്കിനു കുടഞ്ഞിടാം... എഴുതിപ്പിടിപ്പിച്ചിരിക്കുന്ന സാധനം തറയല്ല ' തത്തറ' ആണെന്നുള്ള കോംപ്ലക്സ് മാറിക്കിട്ടും...

രാത്രി അത്താഴം കഴിഞ്ഞ് കിടക്കണോ വേണ്ടയോ എന്നു സംശയിച്ചു നിൽക്കവേ പാലും പഴവുമായി തോഴിമാരെത്തി. ചിന്നമ്മയും പൊന്നമ്മയും.

" സാഹിത്യകാരൻ കിടക്കാൻ പോകുവാണോ"

" അല്ലാതെന്തു ചെയ്യാൻ. ടിവി ഇല്ലല്ലോ "

" എന്റർടെയ്ൻമെന്റ് പോരേ? ഞങ്ങൾ കലാപരിപാടികൾ നടത്താം "

" എന്തൊക്കെയുണ്ട് കലകൾ "

" ലെമൺ ആൻഡ് സ്പൂൺ റേസ്, കസേരകളി, ഊഞ്ഞാലാട്ടം, തിരുവാതിര... വെറൈറ്റി ധാരാളം