Chapter Title : രക്തപങ്കില നിഷിദ്ധഭോഗം 2 [Ansalna]

വാപ്പച്ചി മരിച്ചതിൽ പിന്നെ ഉമ്മച്ചി വളരെ ബുദ്ധിമുട്ടിയാണ് എന്നെ വളർത്തിയതും പഠിപ്പിച്ചതും. സമീറിക്ക പ്ളസ് ടൂ മുതൽ എന്റെ പുറകെ കൂടിയതാണ്' 'നിന്റെ വാപ്പച്ചി എങ്ങനെ ആണ് മരിച്ചത്?' 'എനിക്ക് അന്ന് വെറും അഞ്ച് വയസ്സേയുള്ളു. വാപ്പച്ചി പണക്കാരനാവാനുള്ള ഓട്ടത്തിൽ ആയിരുന്നു. മംഗലാപുരത്തിന് ഒരു ബിസിനസ് ചെയ്യാൻ പോയതാണ് പോലും, ചില ബന്ധുക്കൾ പറഞ്ഞു കേട്ടിട്ടുണ്ട് വാപ്പച്ചി മാർക്ക്, പരീക്ഷ ഇതൊക്കെ തട്ടിപ്പ് നടത്തുന്ന ഗ്യാങ്ങിന്റെ ഏജന്റ് ആയിരുന്നു എന്നും അവരെ ചീറ്റ് ചെയ്തപ്പോൾ അവർ കൊന്നു കളഞ്ഞതാണ് എന്നൊക്കെ. അവിടെ ഒരു പാറക്കുളത്തിൽ നിന്നാണ് ബോഡി കിട്ടിയത്.' 'പണത്തോടുള്ള ആർത്തി ആണ് മനുഷ്യനെ എന്ത് ചെയ്യാനും മടിയില്ലാതാക്കുന്നത്'. 'ശരിയാണ്. എന്റെ വാപ്പ ഇക്കാന്റെ വാപ്പച്ചി യുടെ ഡ്രൈവർ ആയിരുന്നു അതിന് മുമ്പ് കുറെ നാൾ. ആ പരിചയവും പിന്നെ മഹല്ല് കമ്മിറ്റി ശുപാർശയും ആണ് ഉമ്മച്ചിക്ക് തുണിക്കടയിൽ മാനേജർ ആയി ജോലി കിട്ടാൻ സഹായിച്ചത്'. 'ആഹാ.. കൊള്ളാം പിന്നെ എങ്ങനെ അയാൾക്ക് നിങ്ങളുടെ പ്രേമം അംഗീകരിച്ചു തരാൻ പറ്റും?' 'അതിനെന്താ ഇപ്പോൾ വാപ്പച്ചി യുടെ സ്വന്തം മോളേക്കാൾ സ്നേഹം എന്നോടാ' 'ങും.... നീ എന്ത് ബ്ളാക്ക് മാജിക് ആണ് ചെയ്തത്?'. 'അതൊക്കെയുണ്ട് മോളെ, ഈ അൻസൂന്റടുത്ത് ഒരു കളീം നടക്കുല്ല' 'ങും.. ശരി' കോളേജിൽ വന്ന കുട്ടികൾ കുറെ പേർ ഇപ്പോഴും അവിടെ പലയിടത്തും ഇരുന്ന് സംസാരിക്കുന്നുണ്ട്. കുറച്ച് ദുരെ മാറി നിന്ന് ഫോൺ ചെയ്യുന്ന ഒരു പെൺകുട്ടിയെ ചൂണ്ടിക്കാട്ടി അൻസു- 'ആ ചേച്ചിയെ കാണാൻ എന്ത് ഭംഗിയാണ് അല്ലേ?' 'അവൾ എന്റെ ക്ലാസ്സിൽ തന്നെ