Chapter Title : രണ്ടു മിഴികൾ നിറഞ്ഞപ്പോൾ 2 [Garuda]

""എന്നാലും ഒരു സൂചനയെങ്കിലും നിനക്ക് തരാമായിരുന്നു.. എന്റെ വേദന നിനക്കറിയില്ല ജയ്സാ.. നിന്നെ ഞാൻ ഞാൻ അത്രയ്ക്ക് ഇഷ്ടപെടുന്നുണ്ട് "" കരഞ്ഞു കരഞ്ഞു അവൾ എന്റെ കൈകളിൽ പിടിച്ചു ഞെരിച്ചു..

""ഞാനെന്താ പറയാ... നീ മിണ്ടാതിരുന്നപ്പോൾ ഞാനെന്തു മാത്രം വിഷമിച്ചൂന്ന് നിനക്കറിയോ.. ഒറ്റക്കിരുന്നു കരയാൻ പോലും പറ്റാത്ത അവസ്ഥയായിരുന്നു എനിക്ക്."" എന്റെ കണ്ണീർ അവളുടെ കൈകളിൽ പതിച്ചു..

എന്റെ കണ്ണിലേക്കു തുറിച്ചു നോക്കിയ അവൾ കുറെ നേരം അങ്ങനെ നിന്നു.. പെട്ടെന്ന് പൊട്ടി കരഞ്ഞുകൊണ്ട് എന്റെ ചുണ്ടുകളെ പിടിച്ചു വിഴുങ്ങി.. പിന്നെ പെട്ടെന്ന് വിട്ടു മാറി. അന്തം വിട്ടു നിന്ന എന്റെ മുഖത്തേക്ക് നോക്കാനാവാതെ തലതാഴ്ത്തി ദീർഘ ശ്വാസമെടുത്തു.. പിന്നെ മുഖം പൊത്തി പിടിച്ചു കരഞ്ഞു.

""ഡീ കരയല്ലേ.. എന്താ നിന്നോട് പറയേണ്ടതെന്നു എനിക്കറിയില്ല.. ഒരു പക്ഷെ നിന്റെ സ്ഥാനത്തു അവളാണെങ്കിലും ഇത് തന്നെയായിരിക്കും അവസ്ഥ "" ഇടറിയ ശബ്ദത്തോടെ ഞാൻ പറഞ്ഞു. എന്റെ കണ്ഠം വേദനിക്കാൻ തുടങ്ങി.

""നിന്നെ പിരിയാൻ എനിക്ക് കഴിയില്ലെടാ.. എന്റെ... എന്റെ മാത്രമാണ് നീ.. നിന്റെ കൂടെയുള്ള ദിവസങ്ങൾ ഞാൻ ഒരുപാട് സ്വപ്നം കൊണ്ടുപോയി "" മുഖത്തു നിന്നും കയ്യെടുത്ത അവൾ പൊട്ടി പൊട്ടി കരഞ്ഞു കൊണ്ടു പറഞ്ഞു. അവൾ അവളുടെ വിഷമങ്ങൾ ഇവിടെ പൊട്ടി കരഞ്ഞു തീർക്കുകയാണെന്ന് തോന്നി..

""നീ എന്റെ അവസ്ഥയൊന്നു ആലോചിച്ചു നോക്ക്. ഞാൻ ആരെ പിരിയും..""

"" എന്റെതു മാത്രമാണെന്ന് ഞാൻ വിശ്വസിച്ച ദിനങ്ങൾ. നിന്നെ എന്നും കണ്ടുകൊണ്ട് ഞാൻ ഉറങ്ങിയ ദിവസങ്ങൾ എനിക്ക് മറക്കാൻ കഴിയില്ലാ.. കഴിയില്ല "" അവൾ ഓടി വന്നു എന്നെ