Chapter Title : രണ്ടാം ജീവിതം [Sree JK]

സ്ഥലം അറിയാമല്ലോ. തിരിച്ച് ഒരുമിച്ച് വരാമെന്നെ."

"ശെരി ചേച്ചി."

രാധയുടെ വീട്ടിൽ എത്തി കാര്യം പറഞ്ഞിരിക്കുന്ന നേരം ചിന്തുവിനെയും കൂട്ടി രാധയുടെ ഭർത്താവ് അവിടെ എത്തി. പിക്ക് ചെയ്യാൻ അയച്ചതായിരുന്നു അവർ. നാല് പേരും കൂടി വീട് കാണാൻ ഇറങ്ങി. രാധയുടെ വീടിൻ്റെ മതിലിനപ്പുറമാണ് വീട്. ഒരു ഹാളും മൂന്ന് മുറികളും. അതിലൊന്ന് കിച്ചൺ ആണ്. പണിക്കാർക്ക് വേണ്ടിയെന്നോണം പണിത് ഇട്ടതാണ്. അധികം ഉപയോഗിച്ചിട്ടില്ല. കുളിമുറി എല്ലാം പുറത്താണ്. സൗകര്യം കുറവാണെങ്കിലും അവർക്ക് അത് ഇഷ്ടപ്പെട്ടു.

രാധയുടെ പരിചയക്കാർ ആയതുകൊണ്ട് അധികം സംസാരം ഇല്ലാതെ തന്നെ എല്ലാം തീരുമാനിച്ചു. അഡ്വാൻസ് വങ്ങിയതുമില്ല. മാസാവസാനം താമസം മാറാമെന്ന് തീരുമാനിച്ച് പിരിഞ്ഞു.

----------

വണ്ടിയിൽ നിന്ന് സാധനങ്ങൾ ഇറക്കുകയാണ്. സഹായത്തിനു രമേശേട്ടനും ഉണ്ട്. അമ്മയ്ക്കും മകനും ഓരോ മുറികളിലായി സാധനങ്ങൾ വെച്ച് ഒരുക്കി. വീട്ടുടമസ്ഥൻ തന്നെ ആളെ വിട്ട് കഴുകി വൃത്തിയാക്കി വെച്ചതുകൊണ്ട് വീട്ടിൽ പൊടിയൊന്നും ഉണ്ടായിരുന്നില്ല. സാധനങ്ങൾ ഒതുക്കി വെച്ചപ്പോഴേക്കും എല്ലാരും തളർന്നു.

"ഇന്നിനി ഒന്നും വെക്കാൻ നിക്കണ്ട രാധേ, പുറത്ത് നിന്ന് വാങ്ങിക്കാൻ ഏട്ടനോട് പറയാം. നിങ്ങൾ രണ്ടും കുളിച്ച് ഫ്രഷ് ആയിട്ട് അങ്ങോട്ട് പോരേ."

അതും പറഞ്ഞ് രാധ ഇറങ്ങി, സ്മിത കുളിക്കാനുള്ള തയാറെടുപ്പിലും. കുളിച്ചിട്ട് ഇടാനുളള ഡ്രസ് ബാഗിൽ നിന്നെടുത്തു. ഒരു പാവടയും ഷിമ്മിയും ടിഷർട്ടും പിന്നെ ഷഡ്ഡിയും. അതാണ് ശീലം. നൈറ്റി ഇടറില്ല. ഒറ്റ ലെയർ തുണി മാത്രം ദേഹത്ത് ഇടുന്നത് സ്മിതയ്ക്ക് ഇഷ്ടമല്ല. ചെറുപ്പകാലം മുതലേ അങ്ങനെയാണ്.

പാവാടയും ഷർട്ടും ആയിരുന്നു. ഭർത്താവ് തയ്യൽക്കാരൻ ആയതുകൊണ്ട് ഷർട്ടുകൾക്ക് ഒരു പഞ്ഞവും ഉണ്ടായിരുന്നില്ല.