Chapter Title : രണ്ടാം വരവ് [നവവധു 2] [അവസാന ഭാഗം] [JO]

ചിരിയോടെ സമ്മതിച്ചപ്പോൾ അവളുടെ കണ്ണിലും അമ്പരപ്പ്. ഇങ്ങനെയും ഒരാണോ എന്ന മട്ടിലാവണം)

അപ്പൊ ഇപ്പഴും പഴയതുപോലെ കുത്തും മാന്തുമൊക്കെ കാണുമല്ലോ ??? നീയൊന്നും പറയില്ലെങ്കി അവളത് നിർത്താനൊരു വഴിയുമില്ല. ??? (കൗതുകത്തോടെ ചോദിച്ചപ്പോൾ അവളും ചിരിയായിരുന്നു)

എവിടുന്ന് ???!!!. ഒരു കുറവുമില്ല. ദേ നോക്കിക്കേ... വരുന്നവഴി നുള്ളിപ്പറിച്ചതാ... (ഞാൻ കയ്യിലെ ചുവന്നപാട് കാണിച്ചുകൊടുത്തു.)

ആ എന്നാപ്പിന്നെ അടുത്തതും മേടിക്കാൻ തയ്യാറായിക്കോമോനെ... നമ്മള് കൊഞ്ചിക്കുഴയുന്നത് കണ്ടിട്ട് മൂപ്പത്തിയിങ്ങോട്ടു പാഞ്ഞുവരുന്നുണ്ട്. കെട്യോൻ കൈവിട്ടുപോയീന്നു തോന്നിക്കാണും... (അവള് ചിരിയോടെ പറഞ്ഞു)

അയ്യോ...

അറിയാതൊരു നിലവിളി എന്നിൽനിന്നുണ്ടായി. ബൈക്കിൽ അങ്ങോട്ടു തിരിഞ്ഞിരിക്കുകയായിരുന്ന ഞാൻ തിരിഞ്ഞുവന്നപ്പോഴേക്കും പെണ്ണെന്റെ അടുത്തെത്തിയിരുന്നു. വന്നപാടെ കയ്യിലിരുന്ന ഇലക്കീറിലെ ചന്ദനമെടുത്തെന്റെ നെറ്റിയിൽ തൊട്ടുതന്നു. എന്നിട്ട് കൈ കമഴ്ത്തിപ്പിടിച്ച് അതിന് മുകളിലൂടെയൊന്നൂതി. എന്നിട്ട് എന്നെയും സുചിത്രയെയും മാറിമാറിയൊന്നു നോക്കിപുഞ്ചിരിച്ചു.

ഹോ... എന്നാതിരക്കാ... ഇവള് പറഞ്ഞപ്പഴും ഞാനിത്ത്രയൊന്നും പ്രതീക്ഷിച്ചില്ല. നമ്മടെ കല്യാണം നടന്ന അമ്പലമാണെന്നു തോന്നുകയേയില്ല അല്ലെ ജോക്കുട്ടാ... ???

എന്നോട് പറ്റിച്ചേർന്നുനിന്നുകൊണ്ടായിരുന്നു ചോദ്യം. ഞാനൊന്നു തലകുലുക്കി. ചേച്ചിയെന്റെ കയ്യിൽ തന്നിട്ടുപോയ പേഴ്‌സ് ഞാനാ ടാങ്കിന്റെ മുകളിൽ വെച്ചിരുന്നു. അതെടുത്തു കയ്യിൽപിടിച്ചു. എന്നിട്ട് പെട്ടന്നോർത്തപോലെ  ആ ഇലക്കീറിലെ ചന്ദനം സുചിത്രയുടെ നേർക്കുമൊന്നു നീട്ടി. അവളും എടുത്തുതൊട്ടു.

നീയെപ്പഴാ വന്നേ... ???

കുറച്ചു നേരവായി.

തൊഴുന്നില്ലേ നീ... ???

ഏയ്. ഞാൻ ദീപാരാധനക്ക് വരുന്നുണ്ട്. അപ്പഴേ കേറുന്നുള്ളൂ.

ഉം... (ഒന്നമർത്തി മൂളി. ഞാൻ നോക്കുമ്പോൾ സുചിത്രയും ചേച്ചിയെന്തെങ്കിലും പറയുന്നുണ്ടോന്നു നോക്കി നിൽക്കുകയാണ്. ഒരു കുശുമ്പുഡയലോഗ് പ്രതീക്ഷിക്കുന്നുവെന്നു വ്യക്തം.)

അല്ലാ എന്നാപ്പിന്നെ  ജോക്കുട്ടനും ഇവൾടെകൂടെ വീട്ടിലേക്ക് പോക്കോളാന്മേലാരുന്നോ ??? ഈ വെയിലുംകൊണ്ടിരുന്നതെന്തിനാ ??? ഞാനങ്ങോട്ടു വന്നേനെലോ ??? ദെതല്ലേ വീട്.. ??? (അമ്പലത്തിൽ നിന്ന് കുറച്ചപ്പുറത്തുള്ള ഒരു വീട് ചൂണ്ടിക്കാട്ടിക്കൊണ്ടു ചേച്ചിയെന്നോട് ചോദിച്ചു. ഒരുടക്ക് പ്രതീക്ഷിച്ചുനിന്ന ഞാനും സുചിത്രയും ഒരുപോലെ ഞെട്ടി. സംസാരിച്ചു നിന്നതൊന്നുമൊരു പ്രശ്നമേയല്ലന്ന മട്ടിലാണ് സംസാരം. കൊല്ലാനാണോ വളർത്താനാണോ കർത്താവേ... ??!!!.)

ഏയ് നീ വരട്ടെയെന്നു കരുതി.... (സുചിയാണ് ഉത്തരം പറഞ്ഞത്. സുചിയെന്നു വിളിക്കുന്നത് കേട്ട് തെറ്റിദ്ധരിക്കണ്ടാ. ചേച്ചി വിളിക്കുന്നതാണ്. ഞാൻ കോപ്പിയടിച്ചൂന്നു മാത്രം. )

ആ എന്നാ പോവാം... അയ്യോ ജോക്കുട്ടാ... എന്റെ