Chapter Title : രണ്ടാം യാമത്തിലെ പൂനിലാവ് 3 [സ്പൾബർ]

കൊണ്ട് തന്നെയാണ്.
അവർ എന്തെല്ലാമോ തന്നിൽ നിന്ന് ആഗ്രഹിക്കുന്നുണ്ട്. ഇനിയവരെ നിരാശപ്പെടുത്തിക്കൂടാ… അവരുടെ ഇഷ്ടത്തിനൊത്ത് നിൽക്കണം.

മരണ ശിക്ഷ കിട്ടേണ്ടിയിരുന്ന തെറ്റാണ് താൻ ചെയ്തത്. അത് നിരുപാധികം പൊറുത്ത് തന്നെ ഈ മുറിയിൽ കയറ്റിക്കിടത്തണമെങ്കിൽ തമ്പുരാട്ടിക്ക് നല്ലൊരു മനസുണ്ട്..അതിനി വിഷമിപ്പിച്ച് കൂടാ…

. മുരളി, യമുനയുടെ മുഖത്തേക്ക് നോക്കിച്ചിരിച്ചു.

“ഇനി ഞാൻ കഴിച്ചോളാം തമ്പുരാട്ടി… “

അവൻ സന്തോഷത്തോടെ വാരിക്കഴിക്കാൻ തുടങ്ങി.
അതേ പ്ലേറ്റിൽ നിന്ന് തന്നെ യമുനയുംകഴിച്ചു.ഇടക്ക് മുരളി ചായ ഗ്ലാസെടുത്ത് ഒരു കവിൾ കുടിച്ച് ഗ്ലാസ് താഴേ വെച്ചതും,യമുന ആ ഗ്ലാസെടുത്ത് തന്റെ ചുണ്ടോട് ചേർത്ത് അതിൽ ബാക്കിയുണ്ടായിരുന്ന ചായ കുടിച്ച് തീർത്തു.
ഇപ്പോൾ അവളനുഭവിക്കുന്ന ആനന്ദം അവനെ അറിയിക്കാൻ പറ്റുന്നില്ലല്ലോ എന്നതായിരുന്നു അവളുടെ സങ്കടം. അവൾക്കിത് ജീവിതത്തിലെ ഏറ്റവും ആനന്ദകരമായ നിമിഷമായിരുന്നു.

മുരളിക്ക് നല്ല വിശപ്പുണ്ടായിരുന്നു. കൊണ്ടുവന്ന ഇഡലി ഏകദേശം തീർന്നു. യമുനക്ക് മനസാണ് നിറഞ്ഞത്.
അധികം ചിരിക്കാനോ, അധികം സന്തോഷിക്കാനോ ഉള്ള അവസരം തീരെ കിട്ടാത്ത യമുനക്കിത് ഒരു സുവർണാവസരമായിരുന്നു.ഒരുതരം മരവിച്ച ജീവിതമാണ് താനിതുവരെ ജീവിച്ചതെന്ന് അവൾക്ക് തോന്നി. അധികാരത്തിന്റെ ഗർവ്വിൽ താൻ ചിരിയൊക്കെ മറന്നേ പോയിരുന്നു.

എന്നാൽ ഇതാണ് യഥാർത്ത ജീവിതമെന്നവൾ അറിയുകയായിരുന്നു. ചിരിച്ചും, കളിച്ചും, ഇണങ്ങിയും, പിണങ്ങിയും, തമാശകൾ പറഞ്ഞും, ഒരു പാത്രത്തിൽ നിന്ന് ഭക്ഷണം കഴിച്ചും, ഇഷ്ടപ്പെട്ട ആളോടൊപ്പം കൊതി തീരെ സംസാരിച്ചും… അങ്ങനെയങ്ങനെ….

യമുനയുടെ മനസ് കുറേയൊക്കെ മുരളിക്ക് മനസിലായിത്തുടങ്ങിയിരുന്നു. തമ്പുരാട്ടി തന്നിൽ ഒരു കാമുകനെ കാണുന്നോ എന്നവൻ ഭയന്നു. അതപകടമാണ്. പുറത്തറിഞ്ഞാൽ തന്നെയിവർ നിസാരമായിട്ടങ്ങ് കൊന്ന് തള്ളും..അതിനവർക്ക് യാതൊരുമടിയുമില്ലെന്ന് തനിക്കിന്നലെ രാത്രി തന്നെ മനസിലായതാണ്.