Chapter Title : രതിപുഷ്പ കന്യകൾ 8 [സ്പൾബർ] [Climax]

പറഞ്ഞും, പരസ്പരം കളിയാക്കിയും പുറത്തെ കാഴ്ചകൾ കണ്ടും അവർ ചുരം കയറി. ഏറ്റവും മുകളിലെത്തി ഗോപിക വണ്ടി സൈഡാക്കി നിർത്തി. മൂന്ന് പേരും പുറത്തിറങ്ങി.
അവിടെ കാഴ്ചകൾ കാണാൻ സൗകര്യമുണ്ട്.
തങ്ങൾ കയറി വന്ന റോഡ് വളഞ്ഞ് പുളഞ്ഞ് കിടക്കുന്നത് അടിവാരം വരെ കാണാം. അതിലൂടെ വണ്ടികൾ ഒരു സോപ്പ്പെട്ടിയുടെ വലിപ്പത്തിൽ കയറ്റം കയറി വരുന്നത് കുറേ നേരം അവർ നോക്കി നിന്നു.ചുരത്തിൽ നിന്നും വീശിയടിക്കുന്ന തണുത്ത കാറ്റ് അസഹ്യമായപ്പോൾ അവർ തിരിച്ച് വണ്ടിയിൽ കയറി.

ഗോപിക വണ്ടിയെടുത്തു.

വയനാട്ടിലേക്ക് സ്വാഗതം എന്ന വലിയ കമാനത്തിന് കീഴിലൂടെ വണ്ടി വയനാട് ജില്ലയിലേക്ക് കയറി.
ഇവിടെ നിന്ന് മുപ്പത് കിലോമീറ്റർ ദൂരമുണ്ട് അവർ ബുക്ക് ചെയ്ത റിസോട്ടിലേക്ക്..

സുന്ദരമായ പ്രകൃതിയും, കാലാവസ്ഥയും. വെയിലുണ്ടെങ്കിലും നല്ല തണുപ്പാണ്.
മാസങ്ങൾക്ക് മുൻപുണ്ടായ പ്രകൃതി ദുരന്തത്തിൽ നിന്നും ഇനിയും കരകയറിയിട്ടില്ലാത്ത ഒരു ജനതയാണ് ഇവിടെ ജീവിക്കുന്നതെന്ന് ശിവരാമൻ വേദനയോടെ ഓർത്തു.

നാല് കിലോമീറ്റർ കൂടിഓടി വൈത്തിരി ടൗണിൽ നിന്നും ഇടത്തോട്ട് തിരിഞ്ഞു. അവർ അയച്ച് തന്ന ലൊക്കേഷൻ നോക്കിയാണ് യാത്ര..

ബാണാസുര സാഗർ ഡാം 26 കി.മി..
എന്ന ബോർഡ് രജനി വായിച്ചു.
അതിനടുത്താണ് റിസോട്ട്..

തേയിലത്തോട്ടങ്ങൾക്കിടയിലൂടെയുള്ള റോഡിലൂടെ ഗോപിക ആസ്വദിച്ച് വണ്ടിയോടിച്ചു.
ചുരത്തിലുള്ള കോടമഞ്ഞ് ഇവിടെയില്ലെങ്കിലും നല്ല തണുപ്പുണ്ട്.

കുറേദൂരം ഓടി കുറേ വണ്ടികൾ നിർത്തിയിട്ട ഒരു പാർക്കിംഗ് കണ്ടു.എതിർ ഭാഗത്തെ ബോർഡിൽ, ബാണാസുരാ സാഗർ ഡാം എൻട്രൻസ് എന്നെഴുതിയിരിക്കുന്നു.

ഡാമിലേക്കുളള പ്രവേശന കവാടമാണ്. അവർക്ക് പോവേണ്ടത് നേരെയാണ്.രജനി റൂട്ട് മാപ്പ് നോക്കി വണ്ടി മുന്നോട്ടെടുക്കാൻ പറഞ്ഞു.

ഡാമിനെ ചുറ്റിയാണ് ആ