Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 20 [Sagar Kottapuram]

മാറിത്തുടങ്ങി. "ദേ വെറുതെ അതിനെ കരയിക്കണ്ട ട്ടോ .." ചെക്കന്റെ മുടിയിൽ തഴുകികൊണ്ട് അഞ്ജു എന്റെ കയ്യിൽ പയ്യെ അടിച്ചു . "പോടീ..അവൻ കരയുവൊന്നും ഇല്ല . അല്ലേടാ അപ്പൂസേ..." ഞാൻ പെട്ടെന്ന് കൊഞ്ചിക്കൊണ്ട് അവന്റെ കവിളിൽ പയ്യെ മുത്തി . അതോടെ ചെക്കന്റെ വാടിയ മുഖം ഒന്ന് തെളിഞ്ഞു . "അച്ഛന് ഉമ്മ താടാ...." ഞാൻ അവന്റെ നേരെ കവിള് വെച്ചുകൊണ്ട് തൊട്ടുകാണിച്ചു . അതോടെ ഒന്ന് മുന്നാക്കം ആഞ്ഞുകൊണ്ട് അവനെന്റെ കവിളിൽ പയ്യെ ചുണ്ടുകൾ ചേർത്തുവെച്ചു . "മ്മ്ഹ ..." പയ്യെ പറഞ്ഞുകൊണ്ട് അവൻ എന്നെ നോക്കി ചിരിച്ചു . "ആഹ്..ഉമ്മ്ഹ..." ഞാൻ അതുകേട്ടു തിരിച്ചും പറഞ്ഞു ചിണുങ്ങി . പിന്നെ അവന്റെ കവിളിൽ ഒന്നുടെ മുത്തി . "അച്ഛന്റെ കൂടെ വരണോ ? മ്മക്ക് കളിയ്ക്കാൻ പോവാ " ഞാൻ അവന്റെ നേരെ ചിണുങ്ങിക്കൊണ്ട് കൈനീട്ടി . പക്ഷെ അതൊന്നും അവൻ പ്രോത്സാഹിപ്പിക്കുന്നില്ല . അഞ്ജുവിനെ തന്നെ മതി എന്നപോലെ അവൻ അവളിടെ മാറിലേക്ക് ചാഞ്ഞു . "ആഹ്..അവൻ ഇല്ല...ഇയാള് പൊക്കോ " അത് കണ്ടു അഞ്ജു എന്നെ കളിയാക്കി .

"എന്താ ചെയ്യാ ...സ്വന്തം മോനും എന്നെ  വേണ്ടാണ്ടായി " ഞാൻ ആരോടെന്നില്ലാതെ പറഞ്ഞു ചിരിച്ചു . പിന്നെ അവളുടെ ചിപ്സ് കുറച്ചൂടെ എടുത്തു . പക്ഷെ അപ്പോഴേക്കും അഞ്ജു എന്റെ കയ്യിൽ  കേറി പിടിച്ചു . "അവിടെ ഇട്ടെ അത്...ആകെക്കൂടി ഇത്തിരിയെ ഉള്ളു .." അവളെന്നെ നോക്കി കണ്ണുരുട്ടി . "എന്തൊരു കഷ്ടം ആണിത്...കെട്ട്യോളും പെങ്ങളും ഒക്കെ കണക്കാ " ഞാൻ അതുകണ്ടു ഒരാത്മഗതം പറഞ്ഞു . പിന്നെ ചിപ്സ് ഒകെ തിരിച്ചിട്ടു . "ഹി ഹി..അത് കണക്കായി പോയി ..നിന്റെ സ്വഭാവം വെച്ച് ഇത്രയൊക്കെ പ്രതീക്ഷിച്ച മതി " അഞ്ജു എന്ന് കളിയാക്കികൊണ്ട് ചിരിച്ചു . "പോടീ ...നീ ഒകെ എന്തേലും പറഞ്ഞു എന്റെ അടുത്ത് തന്നെ വരുമല്ലോ.കാണിച്ചു തരാ" ഞാൻ അവളെ നോക്കി കണ്ണുരുട്ടികൊണ്ട് തിരിഞ്ഞു നടന്നു . "ഉവ്വ ഉവ്വ ..അതൊക്കെ മോളിലുള്ള ആളുടെ അടുത്ത് പറഞ്ഞ