Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 24 [Sagar Kottapuram]

മഞ്ജുസ് പിറുപിറുത്തുകൊണ്ട് മുഷിഞ്ഞ ഡ്രസ്സ് ഒകെ ലഗ്ഗേജ് ബാഗിൽ കുത്തിനിറച്ചു . "ഓന്തിന്റെ സ്വഭാവം ആണല്ലോ മഞ്ജുസേ നിനക്ക് ..എന്തിനാടി ഇത്ര ദേഷ്യം ?" അവളുടെ സ്വരത്തിലെ മാറ്റം കണ്ടു ഞാൻ ചിരിച്ചു . "ഇത് ഒറിജിനലാ ...മറ്റേതു വല്ലപ്പോഴും..." മഞ്ജുസ് ചിരിച്ചുകൊണ്ട് എന്റെ നേരെ നടന്നടുത്തു . "രണ്ടായാലും ഞാൻ സഹിക്കണല്ലോ..എടുത്തു തലയിൽ വെച്ചില്ലേ" ഞാൻ ചിരിച്ചുകൊണ്ട് ബെഡിലേക്ക് കിടന്നു . ഒപ്പം മഞ്ജുസും വന്നു കിടന്നു എന്റെ നെഞ്ചിലേക്ക് കവിൾ ചേർത്തു. "ഡീ ..പിന്നെ കിഷോർ വന്നിട്ടുണ്ട് ..നമ്മുടെ ബീനേച്ചിടെ ..." ഞാൻ പെട്ടെന്ന് എന്തോ ഓർത്തെന്ന പോലെ അവളുടെ പുറത്തു തഴുകികൊണ്ട് പറഞ്ഞു . "അതിനു ?" മഞ്ജുസ് പയ്യെ ചോദിച്ചു . "അതിനു കുന്തം ..എടി ഞാൻ പറഞ്ഞിരുന്നിലേ ,നമ്മുടെ കമ്പനിയില് അവനൊരു ജോലി സെറ്റാക്കി കൊടുക്കുന്ന കാര്യം ..അത് വല്ലോം നടക്കോ? ഞാൻ അവനോടു വാക്കും പറഞ്ഞുപോയി . "

ഞാൻ പയ്യെ പറഞ്ഞു മഞ്ജുസിനെ എന്റെ നെഞ്ചിൽ നിന്ന് മാറ്റി ഒരുവശത്തേക്കായി കിടത്തി . പിന്നെ അവളെ നോക്കികൊണ്ട് ഞാൻ ഒരുവശം ചെരിഞ്ഞു കിടന്നു . വലതു കൈത്തലം കൊണ്ട് തല താങ്ങിക്കൊണ്ടാണ് ഞാൻ കിടന്നത് ."അതിപ്പോ എന്തിനാ എന്നോട് പറയണേ ?" മഞ്ജുസ് അതുകേട്ടു പുരികം ഇളക്കി . "നീ അച്ഛനോട് പറയെടോ ...എനിക്കൊരു മടിയാ " ഞാൻ ചിണുങ്ങിക്കൊണ്ട് അവളുടെ കഴുത്തിലേക്ക് മുഖം പൂഴ്ത്തി .പക്ഷെ അവൾക്ക് റിയാക്ഷൻ ഒന്നുമില്ല . "പറയോ ?" അവളുടെ കഴുത്തിൽ പയ്യെ മുത്തികൊണ്ട് ഞാൻ ചോദിച്ചു . "ഇല്ല..." മഞ്ജുസ് തീർത്തു പറഞ്ഞു . "അതെന്താടോ അങ്ങനെ ? " ഞാൻ അവളെ ചെറിയ പരിഭവത്തോടെ നോക്കി . "നീ എന്തിനാ ഇതൊക്കെ എന്നോട് പറയണേ.. കമ്പനി നിന്റെയും കൂടെ അല്ലെ ? സൊ നീ തന്നെ എന്താന്ന് വെച്ചാ ചെയ്യ് " മഞ്ജുസ് പയ്യെ പറഞ്ഞു എന്നെ നോക്കി . "അങ്ങനെ അല്ല മഞ്ജുസേ..സംഭവം നീ പറഞ്ഞതൊക്കെ ശരിയാ ...പക്ഷെ അതൊന്നും ഞാനായിട്ട് അധ്വാനിച്ചു ഉണ്ടാക്കിയതല്ലലോ ..ഞാൻ ഇടയ്ക്കു