Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 25 [Sagar Kottapuram]

. ഒരുവിധം എല്ലാവരും ശ്യാമിനെ കണ്ടിട്ടുള്ളതുകൊണ്ട് ആർക്കും ഭാവി വരനെ കണ്ടു അതിശയം ഒന്നും ഇല്ല . ഞങ്ങൾ സാധാരണ പോലെ തന്നെ ഉമ്മറത്തേക്ക് കയറി . ആതിഥ്യ മര്യാദയോടെ കൃഷ്ണൻ മാമയും വിവേകേട്ടനും ഞങ്ങടെ സ്വീകരിച്ചിരുത്തി . "വരൂ വരൂ..അകത്തേക്കിരിക്കാം .." മുന്നേ കയറിച്ചെന്ന ശ്യാമിന്റെ അച്ഛനെയും മാമന്മാരെയും ക്ഷണിച്ചുകൊണ്ട് കൃഷ്ണൻമാമ ചിരിച്ചു .പുള്ളിക്ക് ഹസ്തദാനം നൽകി പുഞ്ചിരിച്ചുകൊണ്ട് ശ്യാമിന്റെ അച്ഛനും അകത്തേക്ക് കയറി .പിന്നാലെ കയറിവന്ന ശ്യാമിന്റെ അമ്മയെ മോഹനവല്ലി അമ്മായിയും കുഞ്ഞാന്റിയും ഒകെ സ്വീകരിച്ചു .

പിന്നെ കാരണവന്മാര് തമ്മിൽ ചർച്ചകളായി . വീണ അകത്തു ഒരുങ്ങുന്ന തിരക്കിൽ ആയിരുന്നെന്നു തോന്നുന്നു . ബിന്ദു അമ്മായിടെ മകൾ അഞ്ജലിയും അവളോടൊപ്പം റൂമിൽ ഉണ്ട് . ഹാളിലെ സോഫയിൽ ആയി ഞാനും ശ്യാമും കിഷോറും അടുത്തടുത്തിരുന്നു . ബാക്കിയുള്ളവരൊക്കെ കസേരകളിൽ ആയാണ് ഇരുന്നത്. സ്വല്പം കഴിഞ്ഞതോടെ വീണ ഒരു ദാവണി ഒകെ ഉടുത്തു സുന്ദരി ആയി ട്രേയിൽ ചായയുമായി ഞങ്ങളുടെ മുൻപിൽ എത്തി . ശ്യാമിനെ ആദ്യമായിട്ട് കാണുന്ന പോലെ പുള്ളിക്കാരി അഭിനയിച്ചു തകർത്തു എന്ന് പറയാം.. ഇവള് പഠിച്ച കള്ളി ആണ് എന്ന് ഞാനും മനസിൽ പറഞ്ഞു . ചായ കൊടുക്കുമ്പോൾ മുഖം ഉയർത്തി നാണത്തോടെ ഉള്ള നോട്ടവും , പുഞ്ചിരിയും ഒകെ വീണ സിനിമ സ്റ്റൈലിൽ കസറി ..ശ്യാം പക്ഷെ ആകെ ടെൻഷനിൽ ആയിരുന്നു . ചുറ്റും ആളുകൾ ഉള്ളതും ഒഫീഷ്യൽ ആയിട്ടുള്ള കല്യാണ ഉറപ്പിക്കലും ഒകെ ആയപ്പോ കക്ഷി ഇരുന്നു വിയർത്തു..അവളുടെ കയ്യിൽ നിന്ന് ഒരു ചമ്മലോടെ ശ്യാം ചായ കപ്പു വാങ്ങി . പിന്നെ ഒരു വളിഞ്ഞ ചിരിയും പാസ്സാക്കി .അതോടെ ഒന്ന് പുഞ്ചിരിച്ചുകൊണ്ട് അവള് എന്റെ അടുത്തേക്ക് നീങ്ങി...പിന്നെ കിഷോർ...അങ്ങനെ ആ കോറം തികച്ചു പിൻവാങ്ങി .പിന്നെ ഒരു കല്യാണപ്പെണ്ണിന്റെ നാണങ്ങളോടെ അഞ്ജലിയുടെ മറവിൽ പോയിനിന്നു കുശുകുശുക്കി ! "അപ്പോ പിന്നെ കൂടുതൽ ഒന്നും ആലോചിക്കേണ്ട ..ശ്യാമിനെ ഇവിടെ എല്ലാവർക്കും അറിയാം ..പിന്നെ ജോലി നമ്മുടെ കണ്ണന്റെ കൂടെ തന്നെ അല്ലെ .." കൃഷ്ണൻ മാമ കല്യാണത്തിന് പൂർണ