Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 7 [Sagar Kottapuram]

നോക്കി ചിരിച്ചുകൊണ്ട് മഞ്ജുസിന്റെ പുറത്തു തട്ടി . "ഏയ് ...അതൊന്നും വേണ്ടെടാ ..പോയത് പോട്ടെ ..." മഞ്ജുസ് നിസാര മട്ടിൽ അത് പറഞ്ഞു എന്റെ ചുണ്ടിൽ പയ്യെമുത്തി . അത്രത്തോളമാണ് അന്ന് സംഭവിച്ചത് . അതൊക്കെ പറഞ്ഞു ഇരുന്നു സ്വല്പ നേരം കൂടി ഞങ്ങൾ തള്ളിനീക്കി . പിന്നെയെപ്പൊഴോ ഉറക്കത്തിലേക്ക് വഴുതിവീണു . പിറ്റേന്ന് സ്വല്പം വൈകിയാണ് ഞാൻ എണീറ്റത് . എല്ലാ പരിപാടിയും തീർത്തു

താഴേക്കിറങ്ങി ചെല്ലുമ്പോൾ അച്ഛൻ കൊണ്ടുവന്ന ടോയ്‌സ് ഒകെ എടുത്തു കളിക്കുന്ന ആദിയെയും റോസ്‌മോളെയും ആണ് ഞാൻ കണ്ടത് . റോസ്‌മോളെ അച്ഛൻ മടിയിൽ വെച്ച് കൊഞ്ചിക്കുന്നുണ്ട് . അവള് പിന്നെ എല്ലാരോടും ജോയിന്റ് ആകുന്നതുകൊണ്ട് അച്ഛൻ എടുത്താലും കരയുവൊന്നുമില്ല ! "ഇപ്പോഴാണോടാ എണീറ്റ് വരുന്നത് ?" ഹാളിലെ ക്ളോക്കിലോട്ടു നോക്കികൊണ്ട് അച്ഛൻ എന്നോടായി ചോദിച്ചു . ഞാനതിനൊന്നു പുഞ്ചിരിക്കുക മാത്രം ചെയ്തു . അപ്പോഴേക്കും റോസ് മോള് എന്നെ നോക്കി ചിണുങ്ങാൻ തുടങ്ങിയിരുന്നു . "ചാ ച്ചാ.." പെണ്ണ് അച്ഛന്റെ മടിയിലിരുന്ന് എന്നെ നോക്കി കൈചൂണ്ടി . "അവിടെ ഇരുന്നെടി..നിന്റെ അച്ഛച്ചൻ ആണ്.." ഞാൻ അവളെ നോക്കി കൊഞ്ചിയ ശേഷം നിലത്തിരുന്ന് കളിക്കുന്ന ആദികുട്ടനെ നോക്കി . അവനു എന്നെ വല്യ മൈൻഡ് ഇല്ല . അപ്പോഴേക്കും മഞ്ജുസ് ശബ്ദമൊക്കെ കേട്ട് ഹാളിലെക്കെത്തി . "ആഹ്..നീ എണീറ്റോ ? ചായ എടുക്കട്ടേ .." നനഞ്ഞ കൈകൾ നൈറ്റിയിൽ തുടച്ചുകൊണ്ട് മഞ്ജുസ് എന്നോടായി തിരക്കി . "ഹ്മ്മ് .." ഞാനതിനു പയ്യെ മൂളി . പിന്നെ നേരെ ഡൈനിങ് ടേബിളിനു അടുത്തേക്ക് നടന്നു . ''അച്ഛൻ കഴിച്ചോ ?" നടന്നു നീങ്ങുന്ന നേരം ഞാൻ പയ്യെ തിരക്കി . "ആഹ്..കഴിഞ്ഞു " അതിനു പുള്ളി ഗൗരവത്തിലൊരു മറുപടി നൽകി . "എന്താടി മോളൂ ..അച്ചാച്ചനെ മനസിലായില്ലേ നിനക്ക് ?" റോസ് മോളെ നേരെ പിടിച്ചുകൊണ്ട് അച്ഛൻ അവളെ നോക്കി ചിരിച്ചു . അതിനു മറുപടിയായി പെണ്ണ് എന്തൊക്കെയോ ചിണുങ്ങിക്കൊണ്ട് ഒച്ചയുണ്ടാക്കുന്നുണ്ട് . അച്ഛൻ അവളെ ചുംബിക്കുമ്പോൾ താടിയും മീശയുമൊക്കെ അവളുടെ കുഞ്ഞിക്കവിളിൽ ഉരുമ്മുന്നുണ്ട്