Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 7 [Sagar Kottapuram]

. ആ ഇക്കിളിപ്പെടുത്തുന്ന സുഖത്തിൽ പെണ്ണ് കുലുങ്ങി ചിരിക്കുന്നുമുണ്ട് . അച്ഛന്റെ കുട്ടികളോടുള്ള സമീപനം കണ്ടപ്പോൾ എനിക്ക് കൗതുകം തോന്നി . മുൻപ് ചോറൂണിന്റെ സമയത്തു വന്നപ്പോഴും ഇങ്ങനെ തന്നെ ആയിരുന്നു . ഞാനതു നോക്കിനിൽക്കെ മഞ്ജുസ് ബ്രെക് ഫാസ്റ്റുമായി അങ്ങോട്ടേക്കെത്തി . പിന്നെ അത് സ്വസ്ഥമായിട്ടിരുന്നു കഴിച്ചു . മഞ്ജുസും ആ സമയം എനിക്ക് അടുത്തുണ്ടായിരുന്നു . "നീ എന്റെ കൂടെ വരുന്നോ ? " മായേച്ചിയെ വിളിക്കാൻ പോകുന്ന കാര്യം ഓർത്തു ഞാൻ മഞ്ജുവിനെ നോക്കി . "ഞാനോ ? അതിന്റെ ഒകെ ആവശ്യം ഉണ്ടോ ?" മഞ്ജുസ് എന്നെ സംശയത്തോടെ നോക്കി . "വാടോ ..അവിടെ ഉള്ളവര് പിള്ളേരെ ഒകെ കണ്ടിട്ട് കുറച്ചായില്ലേ ..." ഞാൻ ചെറു ചിരിയോടെ പറഞ്ഞു .

"ഹ്മ്മ്...നോക്കട്ടെ .." മഞ്ജുസ് അർദ്ധ സമ്മതത്തോടെ മൂളിപറഞ്ഞു . "നോക്കാൻ ഒന്നും ഇല്ല ..നീ പോയി ഡ്രസ്സ് മാറ് ...ഇത് കഴിഞ്ഞാൽ പോണം " ഞാൻ തീർത്തു പറഞ്ഞു അവളുടെ കയ്യിൽ നുള്ളി .ഞങ്ങളുടെ ഈ അടക്കം പറച്ചിലും കളിയുമൊക്കെ അച്ഛൻ ശ്രദ്ധിച്ചിരുന്നോ എന്തോ ! എന്റെ ചായകുടി കഴിഞ്ഞതോടെ മഞ്ജുസ് വേഷം മാറാനായി മുകളിലേക്ക് പോയി . അവളെ നോക്കി ചിണുങ്ങിയ ആദിമോനെയും എടുത്തു ഒക്കത്തുവെച്ചാണ് അവൾ റൂമിലേക്ക് പോയത് . റോസിമോള് അപ്പോഴും അച്ഛന്റെ കൂടെ തന്നെയായിരുന്നു . പുള്ളി അവളെയും എടുത്തു വീടിന്റെ പുറത്തൊക്കെ ഇറങ്ങി നടന്നു . അതിനിടക്ക് വഴിയേ വെച്ച് കണ്ട പരിചയക്കാരോടൊക്കെ വന്ന വിശേഷങ്ങളൊക്കെ പറഞ്ഞു ഗേറ്റിനടുത്തു നിന്നു. അച്ഛൻ വരുന്ന കാര്യം അറിയാവുന്ന ബാലേട്ടനും അച്ഛനെ കാണായി ആ സമയത് ഞങ്ങളുടെ വീട്ടിലേക്കെത്തി . "ആഹ്..ദാസാ ..നീ രാത്രി എത്തിക്കാണും അല്ലെ .." റോസിമോളെയും എടുത്തു നിക്കുന്ന അച്ഛന്റെ കൈപിടിച്ച് കുലുക്കികൊണ്ട് ബാലേട്ടൻ തിരക്കി . "ആഹ് ..പത്തു പന്ത്രണ്ട് മണിയായി കാണും ." അച്ഛൻ ചിരിയോടെ സുഹൃത്തിനുള്ള മറുപടി നൽകി . "നീ വാടാ അകത്തേക്കിരിക്ക് ..കുറെ ആയില്ലേ കണ്ടിട്ട് " ബാലേട്ടനെ അകത്തെക്ക് ക്ഷണിച്ചുകൊണ്ട് അച്ഛൻ പറഞ്ഞു .അതോടെ