Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ [Climax] [ രതിശലഭങ്ങൾ സീരീസ് 101 ]

ഞാൻ പുള്ളികാരനോട് ഒന്നുടെ തിരക്കി . "എന്തിനാ വിരോധം . മഞ്ജുവിന്റെ ഭർത്താവായിട്ടല്ല ..എന്റെ മോനായിട്ട് തന്നെയാ നിന്നെ ഞാൻ കണ്ടിട്ടുള്ളു .ഇനി എനിക്കുള്ളതൊക്കെ മോനും കൂടിയാ " എന്റെ തോളിൽ കയ്യിട്ടുകൊണ്ട് പുള്ളി ഗൗരവത്തിൽ പറഞ്ഞു .പിന്നെ കിഷോറിനെ നോക്കി . "കിഷോർ സ്വന്തം സംരംഭം ആയിട്ട് കണ്ടു ഹാർഡ് വർക്ക് ചെയ്യണം ..എന്ത് അസൗകര്യം ഉണ്ടെങ്കിലും എന്നോട് പറയണം .." അവന്റെ ജോലിക്കാര്യം അംഗീകരിച്ചുകൊണ്ട് പുള്ളിക്കാരൻ ചിരിച്ചു . "ശരി അങ്കിളേ ..." അവൻ തലയാട്ടി . "താമസം നമ്മുടെ ഗസ്റ്റ് ഹൌസിൽ തന്നെ ആയിരിക്കും അല്ലെ ? അവിടിപ്പോ എല്ലാര്ക്കും കൂടി സൗകര്യം ഒക്കെയുണ്ടോ ഡോ ?" ആളുകളുടെ എണ്ണം കൂടുന്നതോർത്തു പുള്ളിക്കാരൻ ചിരിച്ചു . "ഞങ്ങള് മാത്രമല്ലെ..അഡ്ജസ്റ്റ് ചെയ്യാം അച്ഛാ ..." ഞാൻ പുള്ളിയെ നോക്കി പുഞ്ചിരിച്ചു . "ഹ്മ്മ്..എന്നാപ്പിന്നെ കിഷോറേ ..ഒകെ പറഞ്ഞതുപോലെ ആവട്ടെ " അവന്റെ തോളിൽ പയ്യെ തട്ടികൊണ്ട് പുളളിക്കാരൻ ചിരിച്ചു . "എനിക്ക് ബാങ്കിലൊക്കെ ഒന്ന് പോണം ...നിങ്ങള് ഇറങ്ങുവായില്ലേ ?" പിന്നെ വാച്ചിലൊന്നു നോക്കി ഞങ്ങളോടായി പറഞ്ഞു . "ഓ ..ദാ പോവാണ്‌.." ഞാനും ഗൗരവത്തിൽ പറഞ്ഞു .

"ഹ്മ്മ് ...എന്ന വിട്ടോ ..." പുള്ളി ചിരിച്ചുകൊണ്ട് ഞങ്ങളെ യാത്രയാക്കി . അതോടെ അവിടെ നിന്നും പിന്നെ നേരെ കോയമ്പത്തൂരിലേക്ക് വച്ചുപിടിച്ചു . കമ്പനിയിൽ പോയി സ്റ്റാഫിനും ലേബേഴ്‌സിനുമൊക്കെ കിഷോറിനെ പരിചയപ്പെടുത്തി . പ്രൊഡക്ഷൻ ഡിപ്പാർട്മെന്റിൽ മാനേജർ ആയിട്ടാണ് കിഷോറിനെ അപ്പോയ്ന്റ് ചെയ്തിട്ടുള്ളത് . എനിക്ക് അവിടെ പറയാൻ മാത്രം ജോലി ഒന്നും ഇപ്പോഴില്ല