Chapter Title : രതിശലഭങ്ങൾ ലവ് ആൻഡ് ലൈഫ് 5 [Sagar Kottapuram]

അവൻ കഷ്ടപ്പെട്ട് ഉണ്ടാക്കി വെച്ചതൊക്കെ നശിപ്പിച്ചിട്ടല്ലേ ...ഇത്തവണ എനിക്ക് റോസ്‌മോളുടെ പക്ഷം പിടിക്കാൻ തോന്നിയില്ല .. "അയ്യോ....ഡാ അപ്പൂസേ..." ഞാൻ അതുകണ്ടു വാ പൊളിക്കുമ്പോഴേക്കും ചെക്കൻ മണ്ണ് വാരി  എറിഞ്ഞിരുന്നു . "ചാച്ചാ ....ഹ്ഹ " മണ്ണ് ദേഹത്ത് വന്നു വീണതും പെണ്ണ് ഉമ്മറത്തിരുന്ന എന്നെ നോക്കി അലറി .പിന്നെ  സ്വല്പം ദേഷ്യത്തോടെ ആദിയുടെ അടുത്തേക്ക് നീങ്ങി  അവനെ ഒറ്റ തള്ള്.. "ഡീ പൊന്നു ...അവനെ വിട്.." ഞാൻ അതുകണ്ടു വേഗം ഉമ്മറത്ത് നിന്ന് മുറ്റത്തേക്കിറങ്ങി . അപ്പോഴേക്കും രണ്ടും കൂടി ഉന്തും തള്ളും ഒക്കെ ആയി .

"പോ..ഡാ ..തെണ്ടി .." എന്നൊക്കെ പറഞ്ഞു  പൊന്നു ആദിയുടെ കൈമുട്ടിനു മീതെയുള്ള ഭാഗത്തു അടിച്ചു . "ആഹ് ഹ്ഹ .." അതോടെ വേദന എടുത്ത പോലെ ഒന്ന് ചിണുങ്ങി ആദി അവളുടെ മുടി പിടിച്ചു വലിച്ചുകൊണ്ട് അവന്റെ ദേഷ്യം പ്രകടിപ്പിച്ചു .. "ആഹ്...ചാച്ചാ..ഹ്ഹ ..." അതോടെ പൊന്നൂസും ഉറക്കെ അലറി..അപ്പോഴേക്കും ഞാനവിടെ എത്തി രണ്ടിനേം പിടിച്ചുമാറ്റി . "അപ്പൂസേ അപ്പൂസേ വേണ്ടടാ ...മാറ് മാറ് ..." ഒരുകൈകൊണ്ട ചെക്കനെ പിടിച്ചുമാറ്റി മറുകൈകൊണ്ടു  ഞാൻ പൊന്നൂസിനെ ചേർത്തുപിടിച്ചു നിലത്തു മുട്ടുകുത്തിയിരുന്നു . "എന്താടാ അപ്പൂസേ ..?" ഞാൻ അവനെ നോക്കി ചിരിച്ചു . ചെക്കന് അപ്പോഴും ദേഷ്യം തീരാത്ത പോലെ പൊന്നൂസിനെ നോക്കി ചീറ്റുന്നുണ്ട് . "പോടാ ..." അതുകൊണ്ടെന്നോണം പൊന്നു അവനെ അടയ്ക്കാനായി കയ്യോങ്ങി..പക്ഷെ അവളുടെ കൈ  പിടിച്ചുവച്ചു ഞാൻ പെണ്ണിനെ ഒന്ന് കടുപ്പിച്ചു നോക്കി . അവള് പക്ഷെ അതിലും പേടിക്കാതെ എന്നെയും തുറിച്ചു നോക്കി . "നാൻ അല്ല അച്ച ..ഇതാ  ..." എന്റെ ചോദ്യം കേട്ട് ആദി ഉറക്കെ പറഞ്ഞു പൊന്നൂസിനെ ചൂണ്ടി . "ആഹ്...മനസിലായി ..നീ കളിച്ചോ .." ഞാൻ അത് സമ്മതിച്ചുകൊണ്ട് ചിരിച്ചു . പിന്നെ പൊന്നൂസിനെ  അവിടെ നിന്നും പിടിച്ചു വലിച്ചു എന്നോടൊപ്പം ഉമ്മറത്തേക്ക് കയറ്റി  . "വിട് .." അതിനിടയിലും  അവള് കിടന്നു കുതറുന്നുണ്ട് . "നിനക്കെന്തിന്റെ കേടാടി പെണ്ണെ ...തല്ല് കൂടരുതെന്നു  പറഞ്ഞിട്ടില്ലേ " ഉമ്മറത്തേക്ക് കയറുന്ന