Chapter Title : രതിശലഭങ്ങൾ മഞ്ജുസും കവിനും 24 [Sagar Kottapuram]

കരുതി . എന്നെ കണ്ടതും അമ്മ പതിവ് കുടുംബ പരാതികൾ എഴുന്നള്ളിക്കാൻ തുടങ്ങി .

"ആഹ്...നീ വന്നത് നന്നായി , എടാ കണ്ണാ , ഇവിടന്നു പോകുന്നതിനു മുൻപ് വല്യമ്മയുടെ അടുത്തും കൂടെ ഒന്ന് പൊയ്ക്കോളുണ്ട് . അവളെപ്പോഴും നിന്റെ കാര്യം അന്വേഷിക്കാറുണ്ട് "

അമ്മ ഒരുപദേശം പോലെ പറഞ്ഞു എന്നെ നോക്കി .

"മ്മ്..പോകാം ..." ഞാൻ പയ്യെ പറഞ്ഞു തലയാട്ടി . പിന്നെ ഉമ്മറത്തെ തിണ്ണയിലേക്കിരുന്നു .

"ആഹ്..പിന്നെ വിവേക് വന്നിട്ടുണ്ട് ..ഞാനതു നിന്നോട് പറയാൻ മറന്നു . അവനു ഏതോ ഒരു ആലോചന ഒക്കെ ശരി ആയിട്ടുണ്ട് . ചിലപ്പോൾ ഉടനെ നിശ്ചയം ഒകെ ഇണ്ടാവും . നിന്റെ കല്യാണത്തിനും അവനു വരാൻ പറ്റിയിട്ടില്യ , അതോണ്ട് നിന്നെയൊന്നു കാണണം എന്നൊക്കെ പറഞ്ഞു . സ്ഥാനം നോക്കിയാ അവനാ നമ്മുടെ കുടുംബത്തില് ആദ്യം കല്യാണം കഴിക്കേണ്ടിയിരുന്നത്. "

അമ്മ എന്നെയൊന്നു കളിയാക്കിയ പോലെ പറഞ്ഞു ഉറ്റുനോക്കി . കൃഷ്‌ണൻ മാമയുടെ മൂത്ത മോൻ ആണ് വിവേക്. ഞങ്ങളുടെ കുടുംബത്തിൽ ഏറ്റവും മൂത്ത ആൺ സന്തതി ആണ് ! പുള്ളിയെ ഒക്കെ ഓവർടേക്ക് ചെയ്തായിരുന്നല്ലോ എന്റെ മാസ്സ് കല്യാണം !

"ആഹ് ...വിവേകേട്ടൻ എനിക്ക് മെസ്സേജ് അയച്ചിട്ടുണ്ട് . ഇനി എന്തായാലും അവിടെ പോകുമ്പോ കാണാലോ " ഞാൻ ചെറിയ ചിരിയോടെ പറഞ്ഞു .

"മ്മ് ..പിന്നെ അച്ഛൻ വിളിക്കാറില്ലേ നിനക്ക് ?" അമ്മ പതിവ് കുശലം തിരക്കി .

"മ്മ്....അതൊക്കെ ഉണ്ട്." ഞാൻ പയ്യെ പറഞ്ഞു .

"ആഹ്..ഇവിടെ വിളിച്ചാൽ നിന്റെ ടീച്ചറോട് എന്തൊക്കെയോ പറയുന്നത് കേൾക്കാം. നിന്നോട് വല്ലോം പറയാറുണ്ടോ ?" മാതാശ്രീ ചെറിയ പുഞ്ചിരിയോടെ എന്നെ നോക്കി . അച്ഛൻ മഞ്ജുവുമായി ഫോണിലൂടെ സംസാരിക്കാറുണ്ട് എന്നത് എനിക്കപ്പോൾ പുതിയ അറിവായിരുന്നു . ഇത്ര ദിവസം ആയിട്ടും കക്ഷി എന്നിട്ടു എന്നോട് അത് പറഞ്ഞിട്ടില്ല .

"ഇല്ല...ഞാൻ ഇപ്പൊ അമ്മ പറയുമ്പോഴാ അറിയുന്നേ .." ഞാൻ ചെറിയ അമ്പരപ്പോടെ മറുപടി നൽകി .

അപ്പോഴേക്കും മഞ്ജുസും ഉമ്മറത്തേക്കെത്തി . തലേന്നിട്ട ഇളം നീല