Chapter Title : രതിശലഭങ്ങൾ മഞ്ജുസും കവിനും 25 [Sagar Kottapuram]

നോക്കി .

"ഹ ഹ ..അങ്ങനെ ഒകെ ആണേൽ ചിലപ്പോ വേണ്ടി വരും വിവേകേ ..ഞാൻ 30 ആയി "
മഞ്ജുസ് മടികൂടാതെ പറഞ്ഞു ചിരിച്ചു .

"ആഹ്...എന്തായാലും തന്നെ കണ്ടാൽ അത് പറയില്ല മഞ്ജു . എന്നാലും ഇതൊക്കെ എങ്ങനെ ഒപ്പിച്ചെടെ കണ്ണാ ? ഞാനൊക്കെ ഇപ്പോഴും പെണ്ണ് തിരഞ്ഞു നടക്കുമ്പോ നീ കേറി ഗോൾ അടിച്ചല്ലോടാ തെണ്ടി "
വിവേകേട്ടൻ ചെറു ചിരിയോടെ പറഞ്ഞു എന്റെ കഴുത്തിലെ പിടുത്തം ഒന്ന് മുറുക്കി .

"പറ്റിപ്പോയി വിവേകേട്ടാ..ഒകെ ഞാൻ ചാറ്റ് ചെയ്യുമ്പോ പറഞ്ഞില്ലേ "
ഞാൻ ചെറിയ ചിരിയോടെ പറഞ്ഞു മഞ്ജുസിനെ നോക്കി .

"മ്മ്..."
വിവേകേട്ടൻ ഒന്ന് അമർത്തി മൂളി .

"വിവേകിന് അവിടെ എന്താ ജോലി ?"
മഞ്ജുസ് വീണയുടെ കൈചേർത്തു പിടിച്ചുകൊണ്ട് പയ്യെ ചോദിച്ചു .

"സിവിൽ എൻജിനീയറിങ് അല്ലെ..അതിന്റെ ഭാഗമായിട്ടുള്ള വർക് തന്നെ ആണ് ."
വിവേകേട്ടൻ ഗൗരവത്തിൽ പറഞ്ഞു .

"ആഹ് .."
മഞ്ജുസ് പയ്യെ മൂളി ചിരിച്ചു . പിന്നെ വീണയോടൊപ്പം അകത്തേക്ക് ഉൾവലിഞ്ഞു . പിന്നെ ഉമ്മറത്തിരുന്നു ഞാനും വിവേകും കൂടി വിശേഷങ്ങളൊക്കെ പറഞ്ഞിരുന്നു . കൃഷ്ണൻ മാമ വിവേകേട്ടന്റെ കല്യാണ കാര്യവും ഞങ്ങളോട് ഡിസ്കസ് ചെയ്തു .അതിനടുത്ത ദിവസങ്ങളിൽ പെണ്ണന്വേഷണവുമായി ഒന്ന് രണ്ടു വീട്ടിൽ പോകാനുള്ളകാര്യം വിവേകിനെ ഓർമപ്പെടുത്തി .

പിന്നെയൊക്കെ പതിവ് പോലെ തന്നെ . വീണയോടു മിണ്ടി പറഞ്ഞും , അടുക്കളയിൽ മോഹനവല്ലി അമ്മായിയെ സഹായിച്ചും മഞ്ജുസ് നേരം കളഞ്ഞു . ഉച്ചയൂണ് കഴിഞ്ഞതോടെ ഞാനും മഞ്ജുവും ഒന്ന് ഫ്രീ ആയി . ഊണ് കഴിഞ്ഞു കൃഷ്ണൻ മാമ ഒന്ന് മയങ്ങാൻ കൂടി പോയതോടെ ഞാനും മഞ്ജുസും കൂടി ഉമ്മറത്ത് സ്ഥാനം പിടിച്ചു . വിവേകേട്ടനും ഉച്ചമയക്കത്തിലായിരുന്നതുകൊണ്ട് ഞങ്ങൾക്ക് സ്വല്പം സ്വാതന്ത്ര്യം കിട്ടി .

തിണ്ണയിലിരുന്ന എന്റെ അടുത്തേക്കായി മഞ്ജു വന്നിരുന്നു .

"എന്താടി മിസ്സെ മോന്തക്കൊരു വാട്ടം ? ബോറടിക്കുന്നുണ്ടോ ഇവിടെ ?"
മഞ്ജുസിന്റെ ചിന്തയിൽ മുഴുകിയ ഭാവം നോക്കി ഞാൻ സംശയത്തോടെ ചോദിച്ചു .

"ചെറുതായിട്ട് ..."
മഞ്ജുസ് പയ്യെ