Chapter Title : രതിശലഭങ്ങൾ മഞ്ജുസും കവിനും 27 [Sagar Kottapuram]

സഹിച്ചു ."
ഞാൻ ആരോടെന്നില്ലാതെ പറഞ്ഞു .

"വേറെ ഇപ്പൊ നിവർത്തി ഒന്നുമില്ലല്ലോ , സഹിച്ചോ ! "
മായേച്ചിയും തീർത്തു പറഞ്ഞു .

അങ്ങനെ വീണ്ടും ഞങ്ങളുടെ സംസാരം നീണ്ടു . മായേച്ചി കമ്പനിക്ക് ഉള്ളതുകൊണ്ട് ശ്യാം അന്ന് നേരത്തെ സ്കൂട്ട് ആയി . അവനു ഒന്ന് രണ്ടു സ്ഥലത്തൊക്കെ പോണമെന്നു പറഞ്ഞപ്പോൾ പിന്നെ ഞാനും പിടിച്ചുവെച്ചില്ല. എന്നെ റൂമിൽ കൊണ്ടിരുത്തിയ ശേഷമാണ് അവൻ മടങ്ങിയത് .പിന്നെ റൂമിൽ മായേച്ചിക്കൊപ്പം ഇരുന്നു ഓരോന്ന് സംസാരിച്ചിരുന്നു . ഇടക്ക് ഞാൻ വിവേകേട്ടന്റെ കാര്യം ഓര്മിപ്പിച്ചപ്പോൾ അവളെന്നെ തലയിണ എടുത്തു ഒരടിയങ്ങു തന്നു .

"കണ്ണാ ..ഞാൻ വല്ലോം പറയുവെ..."
മായേച്ചി സ്വല്പം ദേഷ്യത്തോടെയും നിസ്സഹായതയോടെയും പറഞ്ഞെന്നെ നോക്കി .

"പറഞ്ഞോ...നീയല്ലേ സാരല്യ .."
ഞാൻ ചിരിയോടെ കൈകെട്ടി ഇരുന്നു .

"ഞാൻ പോവാ..."
എന്റെ മറുപടി കേട്ടതും മായേച്ചി മുഖം വീർപ്പിച്ചുകൊണ്ട് പിണങ്ങി എഴുന്നേറ്റു .

"എടി നീ ശരിക്കും പോവാ ?"
അവളുടെ പോക്ക് കണ്ടു ഞാൻ സംശയത്തോടെ ചോദിച്ചു .

"ആഹ്...നീ ആള് ശരിയല്ല ..."

മായേച്ചി ഗൗരവത്തിൽ പറഞ്ഞു റൂം വിട്ടിറങ്ങി . അതോടെ ഞാൻ വീണ്ടും ഒറ്റക്കായി . മഞ്ജുസ് വരാൻ കുറച്ചൂടെ സമയം പിടിക്കും.എന്നതുകൊണ്ട് ഞാൻ മൊബൈൽ എടുത്തു നോക്കാൻ തുടങ്ങി . റോസമ്മയുടെ പേരിലാണ് വഴക്കു ഉണ്ടായതെങ്കിലും ഈ ആക്സിഡന്റും പൊല്ലാപ്പും ഒന്നും അവളറിഞ്ഞു കാണാൻ വഴിയില്ല . അതുകൊണ്ട് തന്നെ റോസമ്മയെ എല്ലാം അറിയിക്കണം എന്നെനിക് തോന്നി . അത് മഞ്ജുസുമായി ഡിസ്‌കസ് ചെയ്തിട്ട് വേണം അവളെ അറിയിക്കാൻ . അതൊക്കെ അങ്ങനെ ആലോചിച്ചു ഞാൻ മൊബൈലും പിടിച്ചിരുന്നു .

ആ സമയത്താണ് മായേച്ചി വീണ്ടും റൂമിലേക്ക് വരുന്നത് . വൈകുന്നേരത്തെ കാപ്പിയുമായാണ് അവളുടെ വരവ് . കാപ്പി എന്ന് പറയാനൊക്കില്ല. കിടപ്പിലായ രോഗി ആയതുകൊണ്ട് ഹോർലിക്ക്‌സ് ഒക്കെയാണ് ഇപ്പൊ കുടിക്കുന്നത് ! ഒരു കപ്പിൽ ഹോർലിക്സുമായി മായേച്ചി എന്റെ അടുത്തേക്ക് വന്നു .

"നീയല്ലേ പോകുവാണെന്നു പറഞ്ഞത് ?"
അവളുടെ വരവ് കണ്ടു ഞാൻ സ്വല്പം നീരസത്തിൽ