രതിശലഭങ്ങൾ മഞ്ജുസും കവിനും 28 [Sagar Kottapuram]

മഞ്ജുസ് എന്നോട് സംസാരിക്കുന്നത് മറുതലക്കൽ നിന്നും കേട്ട മായേച്ചി സ്വയം പറഞ്ഞു . "ഉണ്ട് ഉണ്ട് ...നീ പറയെടി ചേച്ചി..." അവളുടെ സംസാരം കേട്ട് ഞാൻ നല്ല ഇന്ട്രോയിൽ പറഞ്ഞു . "പറയാനൊന്നും ഇല്ല ...ഞാൻ അങ്ങോട്ട് വരുന്നുണ്ട് . ശരിയാക്കി തരാടാ പന്നി " മായേച്ചി തീർത്തു പറഞ്ഞു . "ഹി ഹി...നീ ഇങ്ങനെ തുള്ളല്ലേ മായേച്ചി. മാറ്റർ എന്താണെന്നു പറ .." എല്ലാം മനസ്സിലായിട്ടും ഞാൻ ഒന്നുമറിയാത്ത മട്ടിൽ ചോദിച്ചു . മഞ്ജുസും എന്നെ അന്തം വിട്ടു നോക്കുന്നുണ്ട് . കഥയറിയാതെ അവൾ ആട്ടം കാണുകയാണല്ലോ . "എന്താ ..എന്താ കാര്യം " എന്നൊക്കെ കക്ഷി എന്നോട് പയ്യെ സ്വകാര്യം പോലെ ചോദിക്കുന്നുമുണ്ട്. "നിനക്കൊന്നും അറിയില്ല അല്ലേടാ ? നീ ആരോട് ചോദിച്ചിട്ടാടാ എന്റെ നമ്പർ ആ തെണ്ടിക്ക് കൊടുത്തത് ?" മായേച്ചി പല്ലിറുമ്മിക്കൊണ്ട് ഫോണിലൂടെ അലറി . "നീ എന്തൊക്കെയാടി ഈ പറയുന്നേ ? ഏത് നമ്പർ ? ഏത് തെണ്ടി ?" മായേച്ചിയുടെ കലിപ്പ് മോഡ് കണ്ടു ദേഷ്യം വന്ന മഞ്ജുസും ഇടയിൽ കേറി . "നീ മിണ്ടാണ്ടെ പോടീ..അവള് എടേൽ കേറി അഭിപ്രായം പറയാൻ വന്നേക്കുന്നു " മഞ്ജുസ് ഇടയിൽ കേറിയത് ഇഷ്ട്ടപ്പെടാത്ത മായേച്ചി അവൾക്കു വയറു നിറച്ചു കൊടുത്തു . "അത് പറയാൻ നീയാരാടി..കൂടുതൽ ചെലക്കല്ലെ..." മഞ്ജുസും വിട്ടില്ല. അഭിമാനക്ഷതം ഏറ്റ നാണക്കേടിൽ അവളും തിരിച്ചു പറഞ്ഞു . ഞാൻ അതൊക്കെ കേട്ട് ചിരിയടക്കി . എന്നെ തെറി പറയാൻ വിളിച്ചിട്ട് ഒടുക്കം മായേച്ചിയും മഞ്ജുസും തമ്മിൽ അടിയാകുന്ന ലക്ഷണം ഉണ്ട് . "ഞാൻ ചെലച്ചാൽ നീയെന്തു ചെയ്യോടി ? ദേ പെണ്ണെ നിന്റെ ചാടിക്കടിക്കലൊന്നും എന്റെ അടുത്ത് വേണ്ട " മായേച്ചി ഒരു ഭീഷണി പോലെ മഞ്ജുസിനെ വിരട്ടി . "ഓ..പിന്നെ പിന്നെ..നീയിങ്ങു വാ ..ഞാൻ മോന്തക്കൊരു കുത്തു തരും " മഞ്ജുസ് സ്വയം ബെഡിൽ ഇടിച്ചു ഗൗരവത്തിൽ പറഞ്ഞു . "ഒന്ന് പോടീ ഫാഷൻ പരേഡേ...നീ കൂടുതൽ ഡയലോഗ് അടിക്കണ്ട . ഇത് ഞാനും അവനും തമ്മിലുള്ള പ്രെശ്നം ആണ് " ഒടുക്കം മായേച്ചി കുറച്ചു ദേഷ്യം കുറച്ചു . പക്ഷെ ഫാഷൻ പരേഡ് എന്ന് കളിയാക്കി വിളിച്ചത് മഞ്ജുസിനു അത്ര പിടിച്ചില്ല . കോളേജ് സ്റ്റാഫിന്റെ