Chapter Title : രതിശലഭങ്ങൾ മഞ്ജുസും കവിനും 9 [Sagar Kottapuram]

ഹാളിലേക്ക് കടന്നുചെന്ന് ടി.വി സ്റ്റാൻഡിനു മീതെയുള്ള ചാവി എടുത്തു കയ്യിൽ പിടിച്ചു .

അഞ്ജു അവിടെ ഇരുന്നു ടി. വി കാണുന്നുണ്ട് . സൺ‌ഡേ ആയതുകൊണ്ട് അവൾക്കു ലീവ് ആണ് .ഇനിയിപ്പോ ലീവ് അല്ലെങ്കിലും ടി.വി ഇരുന്നു കാണുന്നത് ആണ് കക്ഷിയുടെ ഹോബ്ബി.

"നിനക്ക് പഠിക്കാൻ ഒന്നുമില്ലേ അഞ്ജു ? ഫുൾ ടൈം ടി.വി ആണല്ലോ ?" മഞ്ജു അവളുടെ കൂസലില്ലായ്മ നിറഞ്ഞ ഭാവം കണ്ടു ഗൗരവത്തിൽ ചോദിച്ചു . മഞ്ജുവിന്റെ ചോദ്യം കേട്ട് ഞാൻ ഒരാക്കിയ ചിരിയോടെ അഞ്ജുവിനെ നോക്കി .

"ആഹ്..അങ്ങനെ പറഞ്ഞു കൊട് ..ഇവൾക്ക് ഇത് തന്നെ പണി ..ഓരോ കോപ്പിലെ ഹിന്ദി സീരിയലും കണ്ടു ഇരുന്നോളും " ഞാൻ പുച്ഛത്തോടെ അഞ്ജുവിനെ നോക്കി .

"ഒന്ന് പോടോ ..നീ നിന്റ കാര്യം നോക്കിയാ മതി.." ഞാൻ പറഞ്ഞത് ഇഷ്ട്ടപ്പെടാത്ത പോലെ അഞ്ജു മുഖം തിരിച്ചു പിന്നെ സ്വല്പം ഈർഷ്യയോടെ മഞ്ജുവിനെ നോക്കി .

"എന്റെ പൊന്നു ചേച്ചി..അമ്മേം സ്ഥിരം ഈ ചോദ്യമാ ..ഇനി ചേച്ചി കൂടെ ഇങ്ങനെ തുടങ്ങിയ ! ഞാൻ പഠിക്കുന്നൊക്കെ ഉണ്ട്..എല്ലാറ്റിലും നല്ല മാർക്കും ഉണ്ട് .." അഞ്ജു മഞ്ജുസിനെ സോപ്പിട്ടു വീഴ്ത്താൻ നോക്കി .

"മ്മ്..ഞൻ ചുമ്മാ ചോദിച്ചതാടി പെണ്ണെ..പിന്നെ ഞാനൊരു ടീച്ചർ കൂടിയാണ്..ഇങ്ങനെ ഉഴപ്പി നടക്കുന്നത് കണ്ട എനിക്ക് ദേഷ്യം വരും " മഞ്ജുസ് അവളെ നോക്കി ഒന്ന് കണ്ണുരുട്ടി .

"ഓഹ് .." അഞ്ജു തലയാട്ടി ചിരിച്ചു .

ഞാനവരുടെ സംസാരം ശ്രദ്ധിച്ചുകുറച്ചു നേരം അവിടെ നിന്നു ..പിന്നെ മഞ്ജുസിനോട് യാത്ര പറഞ്ഞു മുറ്റത്തേക്കിറങ്ങി . അപ്പോഴാണ് എന്തോ ഓർത്തെന്ന പോലെ അവളുടെ വിളി .

"കവി അവിടെ നിന്നെ ...ഒരു മിനുട്ട് " കാറിന്റെ ഡോർ തുറക്കാൻ തുനിഞ്ഞ എന്റെ അടുത്തേക്കായി അവൾ ചാടിത്തുള്ളി വന്നു . അഞ്ജുവും അത് കൗതുകത്തോടെ നോക്കുന്നുണ്ട് . വളരെ ക്ളോസായിട്ട് ഇടപഴകുന്ന ഞങ്ങളെ കണ്ടിട്ടാണോ എന്തോ .

ഡോർ തുറന്നുകൊണ്ട് തന്നെ ഞാൻ അവളെ മുഖം ഉയർത്തി നോക്കി .

"എന്താടോ ?' ഞാൻ അവളെ സംശയത്തോടെ