Chapter Title : രതിശലഭങ്ങൾ മഞ്ജുസും കവിനും 9 [Sagar Kottapuram]

അസൂയ ആണ് " ഞാൻ ഒന്നുമറിയാത്ത ഭാവം നടിച്ചു പറഞ്ഞു അവളെ നോക്കി .

"ഹോ...നീ ഇതിനെ എങ്ങനെ സഹിക്കുന്നു മഞ്ജു ?" മായേച്ചി അത്ഭുതത്തോടെ മഞ്ജുവിനെ നോക്കി. പക്ഷെ അവളെ ഞാനാണ് സഹിക്കുന്നത് എന്ന് എനിക്കല്ലേ അറിയൂ !

"ആഹ്..അത് പറഞ്ഞപ്പോഴാ..കല്യാണ ചെക്കനും പെണ്ണും ആദ്യായിട്ട് വന്നതല്ലേ..ഞാൻ കുടിക്കാൻ എന്തേലും എടുക്കാം " ഹേമാന്റി മഞ്ജുസിന്റെ കൈത്തലം പിടിച്ചു തഴുകികൊണ്ട് പറഞ്ഞു .

"ഏയ് അതൊന്നും വേണ്ട ആന്റി..ഇപ്പോഴേ വൈകി " മഞ്ജുസ് ആ ഓഫർ സ്നേഹപൂർവ്വം നിരസിച്ചു.

"ഓ പിന്നെ..വൈകീട്ടൊന്നും ഇല്ല..അമ്മ ചെന്നെ ..ഇവിടന്നു ഒരു ഗ്ലാസ് ചായ കുടിച്ചെന്നു വെച്ച് രണ്ടും ചാവത്തൊന്നും ഇല്ല ' മായേച്ചി കൂസൽ ഇല്ലാതെ പറഞ്ഞു ഹേമാന്റിയെ നോക്കി .അതോടെ അവർ ചായ എടുക്കാനായി അകത്തേക്ക് പോയി .

ഹേമാന്റി പോയതും ഞാൻ ഉമ്മറത്ത് കിടന്ന കസേരയിലേക്കിരുന്നു .

"നീ എന്താടി ഇവിടെ തന്നെ നിന്നെ ..വാ അകത്തോട്ടിരിക്ക്.." മായേച്ചി കാതിലെ കമ്മൽ ടൈറ്റ് ചെയ്തുകൊണ്ട് മഞ്ജുവിനോടായി പറഞ്ഞു .

"ഏയ് അതിന്റെ ഒന്നും ആവശ്യം ഇല്ല..നീ ഒന്ന് വേഗം റെഡി ആയിക്കെ ..സമയം ഒൻപത് ആകാറായി " മഞ്ജുസ് വാച്ചിൽ നോക്കി തിരക്ക് കൂട്ടി .

"ഓഹ് പിന്നെ.. ബസ്സിലൊന്നും അല്ലാലോ കാറിൽ അല്ലെ..അങ്ങെത്തിക്കോളും.." മായേച്ചി ഒഴുക്കൻ മട്ടിൽ പറഞ്ഞു ടീപ്പോയിൽ കിടക്കുന്ന പേപ്പർ എടുത്തു നോക്കുന്ന എന്നെ നോക്കി .

"നീ പേപ്പറൊക്കെ വായിക്കാൻ തുടങ്ങിയോ മോനെ?" ഒരു പുച്ഛ ഭാവത്തിൽ മായേച്ചി എന്നോടായി തിരക്കി .

"ഏയ് ഞാൻ ഡീസെന്റ് ആണ് ..ഇതു ചുമ്മാ ചരമ കോളം നോക്കിയതാ..നിന്റെ പഴേ കാമുകനെങ്ങാനും ചിരിച്ചു ഇരിക്കുന്നുണ്ടെങ്കിലോ "

ഞാൻ പയ്യെ പറഞ്ഞതും അവൾ കയ്യിലുണ്ടായിരുന്ന ചീപ്പ് എന്റെ നേരെ എറിഞ്ഞു .ചീപ്പ് നേരെ വന്ന് എന്റെ മടിയിൽ ആണ് വീണത് .

"ഈ തെണ്ടിയെ ഞാൻ..." അവളാരോടെന്നില്ലാതെ പറഞ്ഞു നിലത്തൊരു ചവിട്ടു കൊടുത്തു പിന്നെ മഞ്ജുവിനെ നോക്കി.അവൾക്കു മായേച്ചി എന്റെ അടുത്ത് അത്ര ക്ളോസ് ആയി ഇടപെടുന്നത് ഇഷ്ടമാകുന്നില്ലെന്നു ആ മുഖഭാവം കണ്ടപ്പോൾ എനിക്ക് തോന്നി