Chapter Title : രതിശലഭങ്ങൾ പറയാതിരുന്നത് 4 [Sagar Kottappuram]

.പിന്നെ സ്വല്പം ബിരിയാണി വായിലേക്ക് എടുത്തിട്ടുകൊണ്ട് ചവച്ചു .

"മ്മ്...റോസ് മേരി...ഞാൻ കുറച്ചു കഴിഞ്ഞിട്ട് എല്ലാം പറഞ്ഞു തരാം..എന്നിട്ട് മഞ്ജുസ് പോണോ വേണ്ടയോ എന്ന് പറ .."

ഞാൻ വരെ ഗൗരവത്തിൽ ഒരു കാര്യം പറയുന്നത് കണ്ട അവൾക്കും ആശ്ചര്യം ആയി. മഞ്ജു എന്നെ ശ്രദ്ധാപൂർവം നോക്കി ഇരുന്നു തലയാട്ടി..

"മ്മ്...നീ ഇപ്പൊ കൈവിടു...ഞാനിതു കഴിച്ചോട്ടെ.."

അവളെന്റെ കൈ തട്ടി മാറ്റാൻ ശ്രമിച്ചുകൊണ്ട് പറഞ്ഞു..ഞാൻ ചിരിയോടെ അവളുടെ കയ്യിലെ പിടുത്തം അയച്ചു.

മഞ്ജു വീണ്ടും കഴിച്ചു തുടങ്ങി..വിരല് കൊണ്ട് മാത്രം കോരി എടുത്തു കഴിക്കുന്ന സ്റ്റൈൽ ആണ്. കൈവെള്ളയിൽ ഒരു വറ്റ് തട്ടിയിട്ടോ, നഞ്ഞിട്ടോ ഇല്ല !

"നിനക്കു വേണോ ?"

അവൾ കഴിക്കുന്നതിനിടെ അവളെ തന്നെ ശ്രദ്ധിച്ചിരിക്കുന്ന എന്നെ മുഖം ഉയർത്തി നോക്കികൊണ്ട് തിരക്കി..

ഞാൻ വേണ്ടെന്നു ചുമൽ കുലുക്കി പറഞ്ഞു.

"എന്നാലും..ഒരു തരി .."

മഞ്ജു കൈവിരൽ കൊണ്ട് സ്വല്പം കോരി എടുത്തു കൊണ്ട് കണ്ണിറുക്കി..

ഞാൻ ചിരിയോടെ സമ്മതം അറിയിച്ചപ്പോൾ എന്റെ വായിലേക്ക് മഞ്ജുസ് സ്വല്പം കൈകൊണ്ട് തിരുകി വെച്ചു കൊണ്ട് കൈ പിൻവലിച്ചു..

ഞാനതു കഴിച്ചുകൊണ്ട് അവളെ നോക്കി .

വല്യ ഭാവ മാറ്റം ഒന്നുമില്ല അവൾ വീണ്ടും എടുത്തു കഴിക്കുന്നുണ്ട് .

"ഇതെന്താ പീസ് ഒന്നും കഴിക്കില്ലേ?"

ഞാൻ അവൾ ചിക്കൻ ഒകെ നീക്കി വെച്ചിരിക്കുന്നത് കണ്ടു തിരക്കി.

"കഴിക്കുവൊക്കെ ചെയ്യും ..വീട്ടിലും രണ്ടു ദിവസം ആയിട്ട് നോൺ വെജ് ആയിരുന്നു ..അതോണ്ട് ഒരു സുഖമില്ല .."

അവൾ ഭക്ഷണം കഴിക്കുന്നത് പെട്ടെന്ന് അവസാനിപ്പിച്ച് എല്ലാം മടക്കിക്കൊണ്ടു പറഞ്ഞു..

പിന്നെ