Chapter Title : redcg

അവൾക്കവനോട് ഇഷ്ടമുണ്ടാകാൻ ചാൻസ് ഉണ്ട്. അപ്പോ എന്നോട് ചെയ്യുന്നത് ചതിയല്ലേ..? പക്ഷെ ചതിയാണെങ്കിൽ അവളെന്നോട് ഒരു കാര്യങ്ങളും പറയേണ്ട ആവിശ്യമില്ലല്ലോ..അപ്പോ എല്ലാം അറിയിച്ചു കൊണ്ട് ചതിക്കുന്നതോ??അവനൊരെത്തും പിടിയും കിട്ടിയില്ല. തന്റെ മനസ്സിൽ ആദ്യമേ ഇങ്ങനൊരു ചിന്ത കടന്നു കൂടിയത് എന്തുകൊണ്ടാവാം..? അവർ ഇഷ്ടപ്പെടുന്നത് കണ്ടു കൊണ്ട് നിൽക്കേണ്ടി വരുമെന്നുള്ള ഒരു സൂചന പോലെ.. പിരിമുറുക്കം സഹിക്കവയ്യാതെ അവൻ എഴുന്നേറ്റ് ബാത്‌റൂമിലേക്ക് പോയി മുഖം കഴുകി.

മീറ്റിംഗിൽ തീരുമാനിച്ചത് ബോസ്സിന്റെ വക ചെറിയൊരു പാർട്ടിയാണ്. പ്രൊജക്റ്റ്‌ അപ്പ്രൂവ്ഡ് ആയ വക പ്രൊജക്റ്റ്‌ ടീമിന് വേണ്ടി അടുത്തുള്ള ഫൈവ്സ്റ്റാർ ഹോട്ടലിൽ പാർട്ടി കൊടുക്കുമെന്ന് തീരുമാനിച്ചു. അതെന്താണെന്ന് വച്ചാൽ വേറൊരു കമ്പനിയുടെ വാർഷിക മീറ്റിംഗ് അവിടെ നടക്കുന്നുണ്ട്. അതിന്റെ ഇൻവിറ്റേഷൻ ബോസിന് കിട്ടിയതാണ് അപ്പോ അതിലേക്ക് നമ്മുടെ ഈ പ്രൊജക്റ്റ്‌ ടീമിനെ കൂടെ സഹകരിപ്പിച്ച് ടീമിന് ഒരു പാർട്ടി കൊടുക്കാം എന്ന് കരുതി തീരുമാനിച്ചതാണ്. അത് കേട്ട് എല്ലാവരും നല്ല ത്രില്ലിലായി. റിതിനു ആമിയോട് കുറച്ചധികം സംസാരിക്കാൻ സമയവും അവൻ ചിന്തിച്ചു. റിതി വല്ലാതെ ആകാംഷഭരിതനായി. അപ്പോഴേക്കും ഓഫീസ് ടൈം കഴിയാറായിരുന്നു. മീറ്റിംഗ് കഴിഞ്ഞ് പുറത്തിറങ്ങി സന്തോഷത്തോടെ അവൾ ശ്രീയുടെ അടുത്തേക്ക് ചെന്നു.

“ഏട്ടാ ബോസ്സിന്റെ വക നമ്മൾക്ക് ചെലവുണ്ട്.”

“ആർക്ക്??”

“നമ്മുടെ പ്രൊജക്റ്റ്‌ ടീമിന്..”

“എവിടെ?”

“ ഇവിടെയുള്ള 5 സ്റ്റാർ ഹോട്ടൽ ഇല്ലേ.. അവിടെ..”

“ഏപ്പോൾ??”

“ഇപ്പൊ 6 മണിക്ക്..”

“എങ്ങനെ പോവുന്നെ??”

“കമ്പനി കാറിൽ..”

“വീട്ടിൽ പറഞ്ഞോ നീ??”

“പറഞ്ഞു. അവർ തന്നെ കൊണ്ടുവിടും ന്ന് പറഞ്ഞപ്പോൾ അച്ഛൻ സമ്മതിച്ചു.”

“അവൻ ഉണ്ടാവില്ലേ??”

“പിന്നെ റിതി അല്ലെ പ്രൊജക്റ്റ്‌ മാനേജർ.. പിന്നെ നമ്മുടെ ടീം 2 പേരും ഉണ്ട്. ദൃശ്യയും നവനീതും”

“മ്മ്..”

അവൻ അനിഷ്ടത്തോടെ മൂളി.

“ഞാൻ പോവട്ടെ.. കുഴപ്പമില്ലല്ലോ..?”

“കുഴപ്പമുണ്ടായിട്ട് കാര്യമില്ലല്ലോ.. കമ്പനി പറയുന്നതല്ലേ...”

“ഏട്ടൻ വിഷമിക്കേണ്ട.. ഞാനിന്ന് റിതിയോട് പറഞ്ഞോളാം. ലവ് നൊന്നും ഞാനില്ല. നമ്മൾ തമ്മിൽ റിലേഷനിലാണെന്ന്. പോരെ..?”

അത് കേട്ടപ്പോൾ അവനൊരു ആശ്വാസമായെങ്കിലും റിതിൻ കൂടെ ഉണ്ടാവുന്നത് കൊണ്ട് ഒരു ഇഷ്ടക്കേട് അവന്റെ മനസ്സിലുണ്ട്.

“ആ നീ പോയി വാ..”

“എന്തെ..?