Chapter Title : രേണുകേന്ദു 2 [Wanderlust]

കോൾ എന്തെങ്കിലും വന്നോ

പത്തുമിനിറ്റ് മുൻപ് ആദിയുടെ സുഹൃത്ത് വിളിച്ചിരുന്നു. നല്ല ഉറക്കത്തിൽ ഫോൺ അടിച്ചത് അവൻ കേട്ടില്ല. അവനെ തിരിച്ചുവിളിച്ചപ്പോൾ ഇന്ദുവാണ് ഫോണെടുത്തത്. ഇന്ദു തണുത്തുവിറയ്ക്കുന്നത് ആദിക്ക് ഫോണിലൂടെ അറിയാം.

: ഹലോ.. മദാമ്മേ… എന്താണ് തണുത്ത് വിറയ്ക്കുന്നുണ്ടല്ലോ

: എന്റെ ആദി… ഇത്രയും തണുപ്പ് പ്രതീക്ഷിച്ചില്ല. എന്റമ്മോ. നീ ജാക്കറ്റ് തന്നത് നന്നായി

: എങ്ങനുണ്ട് യാത്രയൊക്കെ

: ഇരുന്ന് മനുഷ്യന്റെ നടുവൊടിഞ്ഞു… നീയൊക്കെ എങ്ങനെ വരുന്നു ഇവിടേക്ക്.. ആട്ടെ രേണു എന്തിയേ

: അവൾ കോളേജിൽ പോകാൻ റെഡിയാകുവാ… ഞാൻ പറയാം (രേണുവിനെ നോക്കി കണ്ണിറുക്കികൊണ്ട് ആദി പറഞ്ഞു)

: എടാ ഞാൻ ഇപ്പൊ റൂമിൽ എത്തിയതേ ഉള്ളു.. നീ കുറച്ചു കഴിഞ്ഞു വിളിക്കുമോ. നിന്റെ കൂട്ടുകാരൻ വൈഫൈ ഉണ്ടെന്ന് പറഞ്ഞിരുന്നു.. ഞാൻ മെസ്സേജ് അയക്കാം നിനക്ക്

: ശരി ശരി…. അമ്മായി ഫ്രീയാവുമ്പോ വിളിച്ചാമതി. ഞാൻ പറയാം എല്ലാവരോടും

ഇന്ദുവിനോട് സംസാരിച്ച ശേഷം കുളിച്ചു ഫ്രഷായി രേണുവിനെയും ബൈക്കിലിരുത്തി ആദി കോളേജിലേക്ക് വിട്ടു. നാട്ടിൽ നിന്നും വളരെ മാന്യമായി ഒരകലത്തിൽ ഇരുന്ന രേണു നാട് വിട്ടതോടെ ആദിയുടെ മുതുകിലേക്ക് ചാഞ്ഞു. കൈകൾ മുന്നോട്ടിട്ട് ആദിയുടെ വയറിൽ ചുറ്റിപിടിച്ചുകൊണ്ട് രേണു അവനിലേക്ക് അലിഞ്ഞുചേർന്ന് കോളേജ് ഗേറ്റുവരെയെത്തി.

: രേണൂ… ഇന്ന് ക്ലാസ്സിന് പോണോ.. കറങ്ങാൻ പോയാലോ

: അയ്യോ പറ്റില്ല… ഇന്ന് കുറേ പണിയുള്ളതാ പോയിട്ട്. വേറൊരു ദിവസം കറങ്ങാം

: ആഹ് ഓക്കേ.. ഞാൻ അകത്തേക്ക് വരണോ അതോ ഇവിടെ ഇറക്കിയാൽ മതിയോ

: അകത്തോട്ട് കേറ്റ് മോനെ ആദിക്കുട്ടാ..നാലാള് കാണട്ടെ