Chapter Title : റിസർച് ഫെല്ലോ [വാൽസ്യൻ]

അവനു മനസിലായി. ലിജി കുറച്ചൊക്കെ പാവമാണ്. തന്നെ മാഡം എന്നൊന്നും വിളിക്കണ്ട, ചേച്ചി എന്ന് വിളിച്ചാൽ എന്നവർ പറഞ്ഞിട്ടുണ്ട്. അതെ സമയം കദീജ മാഡത്തിന് അങ്ങനെ വിളിക്കുന്നതാണ് ഇഷ്ടം.

ലൈബ്രറി കെട്ടിടത്തിന്റെ പിറകുവശത്തിന് താഴെ വലിയ കുണ്ടാണ്. സർക്കാരിന്റെ തന്നെ മിച്ച ഭൂമി ആണെന്ന് തോന്നുന്നു, കാടുപോലെ വലിയ മരങ്ങൾ തഴച്ചു വളർന്നിട്ടുണ്ട്. ടൂറിസ്റ്റ് കേന്ദ്രങ്ങളിലെ വാച്ച് ടവറിൽ പോയി താഴെ കാടുകളിലേക്ക് നോക്കുമ്പോൾ കിട്ടുന്ന അതെ പോലെ തന്നെ ഉണ്ട് ഇവിടെനിന്നു താഴേക്ക് നോക്കാൻ. അവിടെ നിന്ന് താഴേക്കു നോക്കി നിന്നാൽ ധാരാളം പക്ഷികളെ കാണാം. ചിലപ്പോൾ കുരങ്ങന്മാരെയും. കാടിന്റെ അകതെവിടെയോ പറന്നു നടക്കുന്ന കിളികളുടെ ശബ്ദവും കേട്ട് ആ ജനാലക്കരികിൽ നില്കുന്നത് വല്ലാത്തൊരനുഭവം ആണ്.

സംഭവം ഒക്കെ വൈബ് ആണ്, പക്ഷെ തിരിച്ചു പോരുമ്പോൾ ജനൽ അടക്കാൻ മറക്കരുത് അല്ലേൽ വാനരപ്പട അകത്തു കയറും , ലിജി ചേച്ചി മുന്നറിയിപ്പ് തന്നു. സത്യം പറഞ്ഞാൽ അവൻ വന്നതിനു ശേഷം ആണ് ആ ജനൽ തുറന്നതു തന്നെ. പണ്ട് സായിപ്പുമാർ പണി കഴിപ്പിച്ച ബംഗ്ലാവ് ആണ് ലൈബ്രറി ആയി മാറ്റിയിട്ടുള്ളത്.

അന്നത്തെ കാലത്തു സായിപ്പിന് ബേർഡ് വാച്ചിങിനും ചെറിയ നായാട്ടുകൾ നടത്താനും ഒക്കെ ഉള്ള സങ്കേതമായിരുന്നത്രെ ഈ ബംഗ്ലാവ്. താഴെ ചെരിവിലൂടെ നടന്നു പോകുന്ന തോക്കു ധാരിയായ സായിപ്പിനെയും അയാളെ കണ്ടാൽ ഓടി ഒളിക്കുന്ന മാൻ പേടകളെയും അവൻ മനസ്സിലോർത്തു.

ഇപ്പോൾ മൃഗങ്ങൾ ഒന്നും കാണില്ലേ ചേച്ചി ? അവൻ ലിജിയോട് ചോദിച്ചു.

ചെറിയ എന്തെങ്കിലും കാണും, കുരങ്ങന്മാരും പന്നികളും ഇഷ്ട്ടം പോലെ ഉണ്ട്.

ഒരു തവണയെങ്കിലും ആ കാട്ടിലേക്കൊന്നു പോകണം, അവൻ മനസ്സിലോർത്തു.

നിന്റെ ടോപ്പിക്ക് സെലക്ട് ചെയ്തോ ? ഒരു ദിവസം ലിജി തിരക്കി

ഷോർട്ലിസ്റ്റ് ചെയ്തിട്ടുണ്ട് , മാഡം വന്നിട്ട് ഫൈനൽ ഡിസൈഡ് ചെയ്യാമെന്ന് വിചാരിക്കുന്നു.

ഇപ്പോൾ തന്നെ ഒരാഴ്ച്ച കഴിഞ്ഞില്ലേ , മാഡത്തിന് അതിന്റെ ഒരു കൂട്ടവും ഉണ്ടാകില്ല. പക്ഷെ അവസാനം നിന്നോട് വർക്ക് കഴിയാത്തതെന്തേ എന്ന് ചോദിച്ചു തട്ടിക്കയറുകേം ചെയ്യും. അതോണ്ട് നീ തന്നെ ഇനിഷ്യറ്റീവ് എടുത്തില്ലെങ്കിൽ അവസാനം കഷ്ടപ്പെണ്ടി