Chapter Title : റോക്കി 4 [സാത്യകി]

വയ്ക്കുന്ന എന്തിനാണ്..?

എന്റെ ചോദ്യത്തിന് അവൾ മറുപടി തന്നില്ല. ഒരുപക്ഷെ അവൾക്ക് മറുപടി കാണില്ല. എക്സാം എഴുതാതെ എന്റെ ചെറിയ വാശിക്ക് മുന്നിൽ അവൾ ഇവിടെ ഇരിക്കണം എങ്കിൽ അവളുടെ മുന്നിൽ അതിനേക്കാൾ ഒക്കെ വലുതാണ് ഞാൻ. അതെനിക്ക് മനസിലായി. പക്ഷെ എന്നിട്ടും എന്തിനാണ് അവൾ എന്നോട് ഗ്യാപ് ഇടാൻ ശ്രമിക്കുന്നത്.. എനിക്ക് മനസിലാകാത്ത എന്തോ ഇപ്പോളും അവളിൽ ഉണ്ട്..

'ദേ ഇനി പത്തു മിനിറ്റ് കൂടെയേ ഉള്ളു. താമസിച്ചു ചെന്നാലും കയറ്റണം എങ്കിൽ ഇപ്പോൾ ചെല്ലണം.. '

ഞാൻ ക്ലോക്കിൽ നോക്കി ഓരോ മിനിറ്റ് കുറയുമ്പോളും അവളെ പേടിപ്പിച്ചു കൊണ്ടിരുന്നു.. അവൾക്ക് അസ്വസ്‌ഥത ഉണ്ടെങ്കിലും പോകാൻ ഇത് വരെ അവൾ തയ്യാറായില്ല. സമയം വീണ്ടും മുന്നോട്ടു പോയി

'വെറുതെ വാശി പിടിച്ചു എക്സാം കളയണ്ട. ഞാൻ വേണേൽ അവിടെ ഡ്രോപ്പ് ചെയ്യാം നിന്നെ..'

ഞാൻ ഒന്ന് മയപ്പെട്ടു. ഞാൻ കാരണം അവൾ എക്സാം എഴുതാതെ ഇരിക്കുന്നത് എനിക്ക് ബുദ്ധിമുട്ട് ആണ്

'അപ്പോൾ എന്നോട് പിണക്കം മാറിയോ..?

അവൾ ഏറെ നേരത്തിനു ശേഷം കുറച്ചു മുഖപ്രസാദം വരുത്തി ചോദിച്ചു

'ആ കുറച്ചു.. ഞാൻ കാരണം നീ പരീക്ഷ എഴുതാതെ ഇരിക്കേണ്ട.. വാ..'

ഞാൻ ഇരിക്കുന്നിടത്തു നിന്നും എഴുന്നേറ്റു

'അപ്പോൾ നീ എഴുതുന്നില്ലേ..?

അവൾ സംശയത്തോടെ ചോദിച്ചു

'ഇല്ല..'

ഞാൻ മറുപടി കൊടുത്തു

'എന്നാൽ ഞാനുമില്ല..'

ഇഷാനിയുടെ മുഖത്തെ തെളിച്ചം പോയി. അവൾ വീണ്ടും ശോകം ആയി

'നീ ഇവിടെ ഇരുന്നാൽ നിനക്ക് തന്നെ ആണ് നഷ്ടം..'

എനിക്ക് ദേഷ്യം വന്നു തുടങ്ങി. ഈ പെണ്ണിന് കാര്യം മാനസിലാക്കുന്നുമില്ലല്ലോ