Chapter Title : റോക്കി 6 [സാത്യകി] [Climax]

അജയ് വഴി അർജുൻ ഇഷാനിക്ക് കൊടുത്ത സമ്മാനം.. അതിപ്പോളും അവളുടെ കയ്യിലുണ്ട്..

'നിന്റെ കയ്യിൽ കിടക്കുന്ന ആ സാമാനം അവൻ തന്നതല്ലേ.. അതിപ്പോളും നിന്റെ കയ്യിൽ കിടക്കുന്നുണ്ടേൽ അതിന് അർഥം നിനക്ക് അവനെ മറക്കാൻ കഴിയില്ല എന്ന് തന്നെ ആണ്.. അത് അവനും അറിയാം.. അപ്പോൾ പിന്നെ അവൻ നിന്റെ പിന്നാലെ തന്നെ കിടന്നു കറങ്ങും.. നിനക്ക് വേണ്ടതും അത് തന്നെ ആണ്...'
ആ ചെയിൻ സെലക്ട്‌ ചെയ്തത് കൃഷ്ണ ആയിരുന്നു. അത് കൊണ്ട് തന്നെ അത് ഇഷാനിയുടെ കയ്യിൽ കിടക്കുമ്പോ അതേത് അർഥത്തിൽ ആണെന്ന് കൃഷ്ണയ്ക്ക് മനസിലാകുമായിരുന്നു.. ഇഷാനി അർജുനായി വഴക്ക് ഉണ്ടാക്കി വീട് വിട്ടിറങ്ങിയപ്പോ കയ്യിൽ കിടന്ന ചെയിൻ ഊരി വച്ചിരുന്നു.. ഇപ്പോൾ തൊട്ട് മുമ്പ് അവനായി സംസാരിച്ചു കഴിഞ്ഞപ്പോ ആണ് ബാഗിൽ നിന്ന് അവളത് എടുത്തു കയ്യിൽ അണിഞ്ഞത്.. അത് കൃഷ്ണ കണ്ട് പിടിക്കുകയും ചെയ്തു

'ഞാൻ ഇത് വെറുതെ ഇട്ടതാണ്.. നീ അതിന് വേറെ അർഥം ഒന്നും കണ്ട് പിടിക്കേണ്ട..'
ഇഷാനി ഒന്ന് പതറി

'നിനക്ക് അവനോട് ഒന്നുമില്ലെങ്കിൽ അവൻ തന്നത് പൊട്ടിച്ചെറിയെടി.. ചെയ്യ്... ഇപ്പോൾ തന്നെ...'
കൃഷ്ണ അവളെ വെല്ലുവിളിക്കുന്ന പോലെ പറഞ്ഞു.. അവളുടെ മുന്നിൽ ജയിക്കാൻ കയ്യിൽ കിടക്കുന്നത് പൊട്ടിച്ചു അവളുടെ മുഖത്ത് എറിയാൻ ഇഷാനിക്ക് തോന്നി. പക്ഷെ അവൾക്ക് അതിന് കഴിഞ്ഞില്ല.. കഴിയില്ല..

'നിനക്ക് അവനെ കിട്ടാത്തതിന്റെ ദെണ്ണം നീ ഇങ്ങനെ കരഞ്ഞു തീർക്ക്...'
ജയിക്കാനായി അവളുടെ മസ്തകത്തിൽ തന്നെ ഇഷാനി അടിച്ചു.. ആ വാക്കുകൾ ഒരടി പോലെ കൃഷ്ണയുടെ മേലെ പതിച്ചു.. തന്നെ കൊണ്ട് അർജുനെ