Chapter Title : റോക്കി 6 [സാത്യകി] [Climax]

തന്നു..

ഒരുപാട് നേരം അവിടെ ചുംബിച്ചു ഭാഗ്യം പരീക്ഷിക്കണ്ട എന്ന് ഞാൻ കരുതി. തിരിച്ചു വീട്ടിലേക്ക് പോകാമെന്നു ഞാൻ അവളോട് പറഞ്ഞു. ഇഷാനി പക്ഷെ അപ്പോളും തോളിലൂടെ ഉള്ള കൈ വിട്ടിരുന്നില്ല

'കുറച്ചു കഴിഞ്ഞു പോകാം.. മഴ തോർന്നിട്ട്...'
അവൾ പറഞ്ഞു

'മഴ ഇപ്പൊ ഒന്നും തോരില്ല.. ഞാൻ ആണേൽ കതക് ചാരിയിട്ടേ ഉള്ളു..'
ഞാൻ അവളോട് പറഞ്ഞു

'എനിക്ക് കാൽ കഴക്കുന്നു. അങ്ങോട്ട്‌ ഇനി തിരിച്ചു നടക്കാൻ മേല..'
ഇഷാനി ചിണുങ്ങി പറഞ്ഞു

'അത് പ്രശ്നം ഇല്ല. നീ എന്റെ തോളിൽ കയറിക്കോ.. ഞാൻ എടുത്തോളാം..'

ഞാൻ അത് പറയണ്ട താമസം ഇഷാനി തിരിഞ്ഞു എന്റെ പിന്നിൽ വന്നു പുറത്ത് ഒറ്റ ചാട്ടം.. കാണുന്നതിലും കനം ഉണ്ട് ഇഷാനിക്ക്. പക്ഷെ എനിക്ക് അഡ്ജസ്റ്റ് ചെയ്യാവുന്നതേ ഉള്ളു. ഞാൻ ഇഷാനിയെ ഒരു ബാഗ് പോലെ എന്റെ പുറത്തിട്ടു തിരിച്ചു വീട്ടിലേക്ക് നടന്നു.. ഞങ്ങളെ ആരെങ്കിലും ശ്രദ്ധിക്കുന്നുണ്ടോ എന്നുള്ളത് ഒന്നും ഞങ്ങൾക്ക് വിഷയം അല്ലായിരുന്നു.. കഴുത്തിലൂടെ കയ്യിട്ട് ചെറിയ കുട്ടികളെ പോലെ അള്ളിപ്പിടിച്ചു ഇഷാനി എന്റെ മുതുകിൽ ഇരുന്നു.. കുറച്ചു കഴിഞ്ഞു അവൾ ഇറങ്ങാം എന്ന് പറഞ്ഞെങ്കിലും ഞാൻ വിട്ടില്ല.. വീട് വരെ അവളെ ചുമന്നു കൊണ്ട് പോകുമെന്ന് എനിക്കൊരു വാശി ഉണ്ടായിരുന്നു.. നല്ലത് പോലെ ക്ഷീണിച്ചെങ്കിലും വീട് വരെ ഞാൻ അവളെ ചുമന്ന് തന്നെ നടന്നു... മഴ നല്ലത് പോലെ കൊണ്ടത് കൊണ്ട് അവൾ വീട്ടിൽ വന്ന ഉടനെ എനിക്ക് തല തുവർത്തി തന്നു.. അവൾ അത് കഴിഞ്ഞു നേരെ കുളിക്കാൻ കയറി.. കുളി കഴിഞ്ഞു അവൾ